Danĩelĩ 6:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Neryo abakulu nʼabatabalĩ mobasondya omwatsi ogo bangatsongera ko Danĩelĩ busana nʼobwami; nĩkwa mobatabana mwatsi kutse erĩlolo, kusangwa abya oyuteregula, kandi mwatabanika kwʼekibi, kutse oluhabo.

Danĩelĩ 6:4 Iomraidhean Croise

Enzũko 41:38

Neryo Farao mwabwira abagombe buwe ati, Twanganabana omundu oyuli ngʼoyũ, oyuli nʼOmũlĩmũ wa Nyamuhanga kwehĩ?

Enzũko 43:18

Nʼabandu abo mobakwa obuba, kusangwa mobaletwa omo nyũmba ya Yosefũ mobabũga bati, Tukaletawa muno busana nʼesyofranka esyasubula omo syongunza syetu engendo yʼerĩmbere. Iniatoka eritutsongera, nʼerituwako, nʼeritutwala eribya bakobe, nʼesyopunda syetu.

Emĩsyo 29:27

Omundu oyutatunganene ni nye oko batunganene; Nʼoyutunganene omo nzira ni nye oko babi.

Omũgambũlĩ 4:4

Neryo monalangira emĩbĩrĩ yosĩ, nʼobuli mũbĩrĩ wʼobunyima, eyikakolawa, ni busana nʼomwatsi wʼomundu oyukatsurawa na mũlĩkyabo. Ekĩ nakyo ni busa ngʼerikwamirira erihunga.

Yeremĩa 18:18

Neryo mobabũga bati, Mwase tuye embĩta yʼamenge erĩĩta Yeremĩa. Kusangwa omugambo siendisyatala oko mũhererĩ, kutse erihana oko bʼamenge, kutse ekĩnywa oko mũmĩnyererĩ! Mwase tũmũswĩraye omo lulimi lwetu, sĩtũhĩre omutima oko bĩnywa biwe nʼekiguma.

Yeremĩa 18:23

Nĩkwa uwe Mwami Mukulu, ũnasĩ erĩyĩsũnza lyabo lyosĩ busana nʼerĩnyĩta. Subuyire ebibi byabo kutse susangule amalolo wabo oko meso wawe. Nĩkwa uleke bakĩndawe embere syawe. Ukolebo omwatsi oko mugulu wʼerihitana lyawe!

Yeremĩa 20:10

Kusangwa nabĩrĩowa ebihwehwe byʼabandu bangi bati, Obuba oko mbande syosĩ! Abĩra bage abo ngayiketera bakalinda eriwa lyage bati, Mumuhayire, ega, netu tumuhayire! Abĩra bage bosĩ abo ngayiketera, bakalinda eriwa lyage, bati kwamũhwa asyatebwa itwatoka erĩmũkĩnda, ĩtwamũkĩsĩryako.

Yeremĩa 29:7

Mũsondaye Obuholo bʼomũyĩ oyo eyo nabahũngĩsaya, musabirego oko Mwami Mukulu. Kusangwa omo buholo bwago mwasyabana Obuholo.

Danĩelĩ 3:8

Neryo oko mugulu oyo Abakaldea mobasa hakũhĩ mobahandikirira Abayũda.

Danĩelĩ 5:12

Kusangwa ekĩrĩmũ kibuya nʼeriminya, nʼobowĩka nʼeribikula, nʼerĩbĩsũla emĩsyo, nʼerĩrekya ebiremene, mobyabanika umu Danĩelĩ oyo, oyo mwami ahula mo Beltesaza. Neryo lino Danĩelĩ abirikirawe, naye akandĩkangya eribikula.

Danĩelĩ 6:22

Nyamuhanga wage abirituma omũlaĩka wuwe abĩrĩkũmba amuno wʼesyondale, nasyo mosĩtetanyagalya; kusangwa embere siwe mondabanika ko musango; nʼakandi embere syawe uwe mwami mondahalya.

Matayo 26:4

Neryo mobaya embĩta yʼerihamba Yesu nʼamenge, nʼerĩmwĩta.

Matayo 27:18

Kusangwa Pilato abya asĩ ko bahotera Yesu busana nʼerimutsura.

Luka 20:20

Neryo mobamũteya. Kandi mobatuma abalĩngĩ abayĩhambũlaya bati ni bandu batunganene, ibatoka erimutega omo bĩnywa biwe nʼerimuhotera oko hamũlĩ nʼobũtokĩ bwʼomũtabalĩ.

Luka 20:26

Nabo mobataluka erimutega omo mwatsi embere syʼabandu. Nĩkwa mobabya bũkũtũ ibakaswekera erĩsũbĩrya liwe.

Luka 22:2

Neryo abahererĩ bakulu nʼabakangĩrĩrya bʼEmigambo babya bakasonda-sonda enzira yʼerĩĩta Yesu; kusangwa babya bakubaha abandu.

Yoane 19:4

Neryo Pilato mwaswahulukira eyĩhya, mwabwira endeko ati, Mũlebaye, ngabaleteraye, imwatoka eriminya ko ndetamubana ko musango.

2 AbanyaKorinto 11:12

Nĩkwa ebyo ngakola, byo ngandisyakola, inatoka erĩkakĩrya abandi bakwenda abo eribana omwanya wʼeriyihalamba, nʼerĩbũga bati, bakakola ngoko ĩtwe tukakola.

AbanyaFilipi 2:15

Imwatoka eribya abakũmayĩre nʼeribya bandu babuya, abana ba Nyamuhanga abate ko mwatsi, abĩkere omo katĩkatĩ kʼekihugo kĩhengemĩre, nʼekyʼomwaga. Nenyũ mukaminyikala ngʼesyotala omo kihugo.

1 Timoteo 5:14

Neryo ĩngye nyanzĩre abakwakalĩ balere ibaheruka, babute abana, bategeke amanyũmba wabo, sibahe esyonzĩgũ syetu omwanya wʼeritwahula nabi.

Tito 2:8

Ũbũge ebĩnywa bitunganene, ebite kwʼekyangakungwa. Neryo enzĩgũ yawe iyahemuka, isiawite omwatsi mubi wʼerĩbũga busana netu.

1 Petero 2:12

Muyire emigendere mibuya omo katĩkatĩ kʼEbihanda, neryo nomo bangabatsuma ngʼabakola-nabi, nĩkwa omugulu bakalangira emĩbĩrĩ yenyũ mibuya, ibapipa Nyamuhanga oko kiro kyʼeritswerwa.

1 Petero 3:16

Nĩkwa mũmũsũbĩraye bolo-bolo, nʼerimukenga. Kandi mubye nʼobunya-mutima bowene, neryo omugulu bakabanegulira, nʼeritsuma emigendere yenyũ yʼobu Kristo, bĩtawe esĩsonĩ.

Abatswerĩ 14:4

Nĩkwa tata wuwe na koyo wuwe mobataminya nga kĩnemũlũa oko Mwami Mukulu; kusangwa asonda omwanya wʼerilwa nʼAbafĩlĩstĩnĩ. Neryo oko mugulu oyo, Abafĩlĩstĩnĩ ibakatabala oko Baĩsraelĩ.

1 Samwelĩ 12:4

Nabo mobabũga bati, Sulitatuteba, kutse erĩtũnũbya, kutse mutangirira kindu kyʼomundu nʼomuguma.

1 Samwelĩ 18:14

Kandi Dawĩdĩ mwayitondeka ndeke omo nzira siwe syosĩ; kusangwa Omwami Mukulu abya haguma naye.

1 Samwelĩ 22:14

Neryo Ahĩmelekĩ mwasũbĩrya omwami, ati, Ko nindi yuteregula omo katĩkatĩ kʼabagombe bawe bosĩ nga Dawĩdĩ, Omukwe wʼOmwami, nʼoyukabya omo mbĩta yawe, nʼoyũsĩkĩbwe omo kĩtũnga kyawe kwehĩ?