Danĩelĩ 6:26 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁶ Ĩngye ngahĩra omugambo nyiti, Omwʼitabala lyosĩ lyʼobwami bwage abandu batitimane nʼeriubaha embere sya Nyamuhanga wa Danĩelĩ; kusangwa iye ni Nyamuhanga oyuliho, oyũkotĩre kera na kera, nʼobwami buwe ni bwami obũtendĩsyaherĩbwa; nʼeritabala liwe lyasyakota erĩhĩka oko ndũlĩ.

Danĩelĩ 6:26 Iomraidhean Croise

Ezera 1:3

Omundundi oyuli omo katĩkatĩ kenyũ oko bandu buwe bosĩ, Nyamuhanga wuwe abye haguma naye, kandi ahetukire eYerũsalema, eyiri eYũda, erĩhĩmba enyũmba yʼOmwami Mukulu, Nyamuhanga wa Ĩsraelĩ, iye yo Nyamuhanga oyuli eYerũsalema.

Ezera 7:21

Nage, ĩngye mwami Artasasta, ngahĩra erihamula oko bateya bosĩ bʼebindu abali eyisirya wʼolũsĩ Efũratĩ, nyiti ekĩndũkĩ ekyo mũhererĩ Ezera, omũhandĩkĩ wʼemigambo ya Nyamuhanga wʼelubula, ebyo asyabatswa, bikolawe nʼomũhwa gosĩ,

Esyonyimbo 119:120

Ngubaha busana nawe; Ngubaha kutsibu busana nʼeritswera lyawe.

Esyonyimbo 146:10

Omwami Mukulu asyabya Mwami kera na kera! Nyamuhanga wawe, uwe Sĩonĩ, asyatabala ebiro byosĩ oko ndengo syosĩ. Mupipe Omwami Mukulu!

Esyonyimbo 2:11

Mukolere Omwami Mukulu nʼeriuba­ha. Mutseme nʼerititimana.

Esyonyimbo 29:10

Omwami Mukulu akatabala okwʼigunga lyʼamagetsi, Ega, Omwami Mukulu akatabala ngʼOmwami kera na kera.

Esyonyimbo 42:2

Ngakwa Nyamuhanga yʼolukando, ye Nyamuhanga oyuliho; Ko mugulu wahi nasyahangana embere sya Nyamuhanga kwehĩ?

Ĩsaya 66:2

Kusangwa ebyala byage byo byakola ebĩ byosĩ, nʼebindu ebĩ byosĩ mobyabyaho bitya, Omwami Mukulu atya. Nĩkwa nasyasamalira omundu oyũkayĩkehaya nʼowʼekĩrĩmũ kihehere, nʼoyukatitimana busana nʼekĩnywa kyage.

Ĩsaya 9:7

Erikanya lyʼeritabala liwe ryʼobuholo siryendisyayira ndũlĩ, oko kĩtũmbĩ kyʼobwami bwa Dawĩdĩ nʼoko bwami buwe, erĩhanganĩabo nʼerĩsĩkyabo omo lĩbanza nʼomo litunganene, erĩtsũka lino nʼerĩhĩka kera na kera. Omũhwa wʼOmwami Mukulu wʼemilondo asyakola ekĩ.

Yeremĩa 10:10

Nĩkwa Omwami Mukulu yo Nyamuhanga wʼekwenene. Iye ni Nyamuhanga oyuliho, kandi ni Mwami wa kera na kera. Erihitana liwe lĩkatĩtĩmanaya ekihugo, nʼebihanda sibyetoka eribegera erihitana liwe.

Danĩelĩ 2:44

Nʼoko biro byʼabami abo, Nyamuhanga wʼelubula asyahanganĩa obwami obũtendĩsyaherĩbwa na kera, kutse eritabala lyabo siryendĩsyasĩgĩrwa abandi bandu; nĩkwa bwasyatulanga mo bihande bihande nʼeribuga amami gosĩ aya, nabo bwasyahangana kera na kera.

Danĩelĩ 3:29

Busana nʼekyo, ngahĩra ehamũlĩ nyiti abandu bosĩ nʼebihanda byosĩ, nʼobuli mũbũge abakabũga ebitatolere busana na Nyamuhanga wa Sadĩrakĩ, na Mesakĩ, na Abedenego, basyatsũtsangwa mo bitswe-bitswe, nʼamanyũmba wabo asyayirwa mo byabũ; kusangwa sihali gundi nyamuhanga wangatoka erĩlamya ngʼomuhanda oyũ.

Danĩelĩ 4:3

Ebĩmĩnyĩsyo biwe ko biri binene! Nʼebyʼeriswekera biwe ko biri byʼamaka! Obwami buwe ni bwami bwʼerikota, nʼeritabala liwe likabya oko ndengo ndengo.

Danĩelĩ 4:34

Neryo ebiro ebyo byabere byabihwa, ĩngye Nebũkadeneza, monasumbira ameso wage elubula, nʼobũlengekanĩa bwage mobwanyisubako, monapipa Owendata Kutsibu, monamupipa nʼerĩmũsĩkya, oyuliho kera na kera; kusangwa eritabala liwe ni ʼtabala lya kera na kera, nʼobwami buwe ni bʼoko ndengo ndengo.

Danĩelĩ 6:20

Nʼomugulu ahĩka hakũhĩ nʼekyũna ahali Danĩelĩ, mwabirikira nʼomulenge wʼobũlĩge; akabwira Danĩelĩ ati, Uwe Danĩelĩ, omugombe wa Nyamuhanga oyuliho, Nyamuhanga wawe, oyo ukakolera obutusa atokĩre erĩkũlamya oko ndale kwehĩ?

Danĩelĩ 7:14

Naye mwahabwa eritabala, nʼolukengerwa, nʼobwami, abandu bosĩ nʼebihanda, nʼemĩbũge bamukolere; eritabala liwe ni ʼtabala lya kera na kera, eritendisyahwaho, nʼobwami buwe ni bwami obũtendĩsyaherĩbwa.

Danĩelĩ 7:27

Nʼobwami nʼobutabale nʼobukulu bwʼamami eyĩkwa wʼamatũkũ gosĩ, byasyahabwa oko bandu ba Nyamuhanga Owendata Kutsibu. Obwami buwe ni bwami bwa kera na kera, nʼamatabale gosĩ asyamukolera nʼerimukenga.

Hosea 1:10

Nĩkwa emiganzo yʼabana ba Ĩsraelĩ yasyabya ngʼomusege wʼengetsi, owate angatoka erirengwa kutse eriganzwa; neryo kyasyabya, aho bakabwirawa, ambu Simuli bandu bage, basyabwirwa, muli bagala ba Nyamuhanga oyuliho.

Malakĩ 3:6

Kusangwa, Ĩngye Mwami Mukulu, sindibinduka; kikaleka ĩnywe bagala ba Yakobo ĩmũtaherĩbwa.

Matayo 6:13

Sĩgũtwĩngĩraye omwʼirengwako, nĩkwa ũtũlamaye oko mubi. Kusangwa obwami ni bwawe, Nʼobũtokĩ, nʼolukengerwa, kera na kera. Amina.

Luka 1:33

Kandi asyatabalira ekihanda kya Yakobo kera na kera, nʼobwami buwe sibwendisyahwa.

Luka 12:5

Nĩkwa ngandĩbakangya abo mwangubaha: Mubahe Nyamuhanga, oyo amabĩta, iniawite ehamũlĩ erigusa omo Kũlĩmũ. Ega, ngababwira nyiti, mumubahe!

Emibiri 17:25

Kandi syalikolerawa nʼebyala byʼabandu, ngʼali nʼobwaga bwʼekindu, kusangwa akaha engebe nʼomuka nʼebindu byosĩ oko bandu bosĩ.

AbanyaRoma 9:26

Nʼabo babwirawa ambu, Simuli bandu bage, Abo basyahulwa mo bagala ba Nyamuhanga oyuliho.

Eryibuka Ebihano 5:26

Kusangwa nindi oko mibiri yosĩ, oyo wabĩrĩowa omulenge wa Nyamuhanga oyuliho, akabũgĩra omo muliro, ngoko twabĩrĩowago, iniatahola kwehĩ?

1 AbanyaTesalonika 1:9

Kusangwa abandu bosĩ bakatũlago ngoko mwatũkokaya, kandi ngoko mwaleka esyosanamu nʼeribindukira Nyamuhanga, imwatoka erikolera Nyamuhanga wʼekwenene, oyuliho.

AbaEbrania 12:29

Kusangwa Nyamuhanga wetu ni muliro owakatogotaya.

Yakobo 1:17

Obuli lũsũnzo lubuya nʼobuli lũsũnzo lowene, bĩkalũa endata, kandi bikasira uku Tata wʼekyakakala kyosĩ, oyutebinduka kutse eriyihindula.

Eribisurirwa 11:15

Neryo omũlaĩka wʼakalinda mwabuha engubi yiwe, neryo emirenge minene-minene omo lubula moyabũga iti, Obwami bwʼekihugo bwabiribya bwami bwʼomukama wetu, nʼobwa Kristo wuwe, naye asyatabala kera na kera!

Eribisurirwa 4:10

abakulu amakũmĩ abiri nʼabani bakatũlama embere syʼoyo wĩkere oko kĩtũmbĩ kyʼobwami, kandi bakaramaya oyukakota kera na kera. Kandi bakagusa esyombĩta syabo embere wʼekĩtũmbĩ kyʼobwami ekyo, bati,

Eribisurirwa 5:14

Nʼebĩhangĩkĩre bini ebiriho, mobyabya bĩkabũga biti, Amina! Neryo abakulu mobatũlama ahisi, mobaramya.

1 Samwelĩ 17:26

Neryo Dawĩdĩ mwakanĩa nʼabandu ababya bimene hakũhĩ naye ati, Omundu oyo wasyĩta Omũfĩlĩstĩnĩ oyũ nʼerĩlũsya ekĩtsũmĩ kyʼoko Baĩsraelĩ asyakolerwakĩ kwehĩ? Kusangwa Omũfĩlĩstĩnĩ utabwene oyũ nindi oyukatsuma emilondo ya Nyamuhanga oyuliho kwehĩ?

1 Samwelĩ 17:36

Omugombe wawe mwĩta esĩbĩrĩ syosĩ, endale nʼedubu, nʼOmũfĩlĩstĩnĩ utabwene oyũ akandibya nga nguma ya kusyo, kusangwa akatsuma emilondo ya Nyamuhanga oyuliho.