Danĩelĩ 6:23 - AMASAKO ABOYTRTRE WA NYAMUHANGA AWAKAHULAWA MO BIBLIA

²³ Neryo omwami mwatsema kutsibu, mwahamula ati balũsaye Danĩelĩ omo kyũna ekyo. Neryo Danĩelĩ mwalũsĩbwa omo kyũna ekyo, mwatabanika ko kandu kabi, kusangwa abya akayiketera Nyamuhanga wuwe.

Danĩelĩ 6:23 Iomraidhean Croise

1 Abami 5:7

Neryo, omugulu Hĩramũ owa ebĩnywa bya Solomono, mwatsema kutsibu, mwabũga ati, Omũyĩsa abye oko Mwami Mukulu mũnabwĩre, oyo wabiriha Dawĩdĩ omugala wʼamenge busana nʼabandu banene aba.

1 Emyatsi yʼEmigulu 5:20

Kandi mobawatĩkĩbwa erilwa nabo, nʼAbahagarĩ mobahĩrwa omo byala byabo, nʼabosĩ ababya haguma nabo; kusangwa balakira Nyamuhanga omo malwa, naye mwalĩgĩrabo, kusangwa bayiketera ye.

2 Emyatsi yʼEmigulu 20:20

Nʼengyakya-ngyaka mobahangana nʼeriya omo mbwarara yʼeTekoa; nabo babere bakahuluka, Yosafatĩ mwahangana mwabũga ati, Uwe Yũda nʼesyondũlanĩ syʼeYerũsalema munyihulikirire; mwĩkĩrĩraye Omwami Mukulu Nyamuhanga wenyũ, ko mwasyahanganĩbwa mutya. Mwĩkĩrĩraye abamĩnyererĩ buwe, neryo mwasyabana erĩsĩngana.

Esyonyimbo 18:21

Nabĩrĩtolya esyonzira syʼOmwami Mukulu, Kandi sĩndĩtayĩhanĩa uku Nyamuhanga wage.

Esyonyimbo 37:40

Omwami Mukulu akawatĩkayabo nʼerĩlamyabo, Akalamayabo oko bandu babi, nʼerĩtongolyabo, Kusangwa babirimusayirako.

Erĩlũayo 18:9

Na Yetero mwatsema oko bibuya byosĩ Omwami Mukulu akolera Abaĩsraelĩ, akalamyabo erĩlũa omo byala byʼAbanya Mĩsĩrĩ.

Emĩsyo 18:10

Erĩna lyʼOmwami Mukulu nĩ nyũmba yĩsũngũlĩkĩre ikongotere; Omutunganene akatibita muyo iniabana Obuholo.

Ĩsaya 26:3

Wasyateya omo buholo bũhĩkene ekihanda kyʼerĩyĩsũnza lĩsĩkĩre, Kusangwa kikayiketera we.

Danĩelĩ 3:17

Kyamabya kitya, Nyamuhanga wetu oyo tukakolera akatoka erĩtũlamya omwʼirunga erikaka mʼomuliro; naye akandĩtũlamya omo byala byawe, uwe mwami.

Danĩelĩ 3:25

Naye mwasũbĩrya ati, Lebaya, namalangira abandu bani ibanabohwerwe, bakalendera omo katĩkatĩ kʼomuliro, kandi butsira bwagalĩ; nʼerisosa lyʼowʼakani liri ngʼomugala wʼesyonyamuhanga.

Danĩelĩ 6:14

Neryo omwami, omugulu owa ebĩnywa ebĩ, mwatatsema nʼahake, neryo mwahĩra omutima wuwe uku Danĩelĩ erĩmũlamya; mwalenga erĩmũlamya erĩhĩka okwʼirenga lyʼeryuba.

Danĩelĩ 6:18

Neryo omwami mwaya omo nyũmba yiwe mwatsira akalyo erĩhĩka okwʼikya; kutse amalimba mwataletwa embere siwe; nʼotũgotserĩ tuwe motwamugana.

Mariko 9:23

Neryo Yesu mwamubwira ati, Ũkabũga uti, wanganatoka! Emyatsi yosĩ ikatokekana busana nʼomundu oyuwite erĩkĩrĩrya.

AbaEbrania 11:33

mobakĩnda amami busana nʼerĩkĩrĩrya, mobakola emĩbĩrĩ yʼeritunganene, mobabana ebyo Nyamuhanga alaga, mba amuno wʼesyondale.