Danĩelĩ 5:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Neryo omwami mwabirikira kutsibu ati balete abakũmũ, nʼAbakaldea, nʼabalagũlĩ. Neryo omwami mwabwira abandu bʼamenge bʼeBabelĩ ati, Oyo wasyasoma erisaka erĩ nʼerĩnyĩmĩnyĩsya eribikula lyalyo, asyambalĩbwa olukimba lʼomula, kandi asyahĩrwa kʼobuhulula bwʼesyamagetsi omo bĩkya biwe, kandi asyabya ĩsemumbo wʼomo bwami.

Danĩelĩ 5:7 Iomraidhean Croise

Enzũko 41:8

Enyũma wʼaho omo ngyakyangyakya, ekĩrĩmũ kiwe mokyakwa engitsi, neryo mwatuma eribirikira abalagũlĩ bosĩ bʼeMĩsĩrĩ. Nʼabalume bosĩ bʼamenge. Neryo Farao mwabwirabo erilota liwe nĩkwa sihabya mundu nʼomuguma oyo wangatoka eribikuliralyo Farao.

Esĩterĩ 3:1

Enyũma wʼemyatsi eyĩ omwami mwatomekera obukulu bʼuku Hamanĩ, mugala wa Hamedata Omũagagĩ, mwamũhamya mo mukulu, kandi mwamuha ehamũlĩ oko banya-mwami bosĩ ababya haguma naye.

Erĩlũayo 7:11

Neryo Farao mwabirikira abandu buwe bʼamenge nʼabakũmũ; nabo nibya, abakũmũ bʼeMĩsĩrĩ, mobakola batya omo busaki bwabo.

Emĩsyo 1:9

Kusangwa byasyabya kakĩra kabuya kʼolukogo oko mutwe wawe, Nʼamahulula akasũga ebĩkya byawe.

Olwimbo lwʼEsyonyimbo 1:10

Amatema wawe ni mabuya omo butega, Ebĩkya byawe busana nʼobũkwangĩ.

Ĩsaya 47:13

Wabiriluha omo mbĩta syawe nyingi. Lino uleke abakagereka ebyʼekyanya, nʼabakaminyerera omo syongũnũnũ, nʼabakalagula busana nʼemikera mihya-mihya, bahangane, bakũlamaye oko myatsi eyĩkandĩsyakũhĩkako.

Yeremĩa 50:35

Omwami Mukulu ati, Omũyalĩ akalwa nʼAbakaldea, nʼerilwa nʼesyondũlanĩ syʼeBabelĩ, nʼoko bakulu bayo, nʼoko bandu buwe bʼamenge!

Ezekĩelĩ 16:11

Monakũsũga omo byambalo, kandi monahĩra emisege oko byala byawe, nʼobuhulula omo bĩkya byawe.

Danĩelĩ 1:20

Nʼomo myatsi yosĩ yʼamenge nʼobowĩka, umwʼebyo mwami abũlayabo; mwalebyabo ĩbanowene engendo ĩkũmĩ kwilaba abasaki nʼabalagũlĩ ababya omo butabale buwe bosĩ.

Danĩelĩ 1:4

abalwana abate ko kĩtĩngũ, nĩkwa ababuya, nʼabanyima omo menge gosĩ, nʼabawite eriminya, nʼabenge-benge Omwʼiminya, nʼabawite amaka wʼerihangana omo nyũmba yʼOmwami; kandi ati akangĩrĩrayebo amenge wʼomũbũge wʼAbakaldea.

Danĩelĩ 2:2

Neryo omwami mwahamula abasaki nʼabakũmũ nʼabalagũlĩ, nʼAbakaldea, ati babirikirawe eribikulira omwami erilota liwe. Neryo mobahangana embere syʼomwami.

Danĩelĩ 2:27

Danĩelĩ mwasũbĩrya embere syʼOmwami, ati, Ekĩbĩsĩre ekyo mwami akabũlaya abandu bʼamenge, nʼabasaki, nʼabalagũlĩ, kutse abakũmũ sibangatoka erĩbĩsũlĩra omwami.

Danĩelĩ 2:48

Neryo omwami mwahamya Danĩelĩ, mwamuha oluhembo lunene lungi, mwamũhĩra eritabala oko kihugo kyosĩ kyʼeBabelĩ, mwamũhĩra mo mũtabalĩ mukulu oko bandu bʼamenge bosĩ bʼeBabelĩ.

Danĩelĩ 2:6

Nĩkwa mwamanyĩkangya erilota eryo nʼeribikulalyo, nasyabaha endũndĩ nʼoluhembo nʼerĩsĩkya lĩnene; neryo mũnyĩmĩnyĩsaye erilota eryo nʼeribikulalyo.

Danĩelĩ 4:14

Mwabirikira nʼomulenge munene ati, Mukonde omuti, mũtwe nʼemitahi yago, mũlagalaye ebikoma byago, mupanza-panze ebĩgũma byago; nʼesyonyama sĩlũe oko ndĩna yago, nʼesyonyonyũ omo mitahi yago.

Danĩelĩ 5:11

Hane mundu omo bwami bwawe, oyuwite ekĩrĩmũ kyʼesyonyamuhanga sĩbũyĩrĩre; nʼomo biro bya tata wawe, ekyakakala nʼobowĩka nʼamenge ngʼamenge wʼesyonyamuhanga, mobyabanika omwisi wuwe. Nʼomwami Nebũkadeneza, ye tata wawe, mwamuyira mo mukulu wʼabasaki, nʼabakũmũ, nʼAbakaldea, nʼabalagũlĩ,

Danĩelĩ 5:15

Na lino abandu abʼamenge, nʼabakũmũ, babiriretwa embere syage basome amasako aya nʼerĩnyĩmĩnyĩsya eribikula lyago; nĩkwa mobatatoka erĩmĩnyĩsya eribikula lyʼomwatsi oyo:

Danĩelĩ 5:16

Nĩkwa nabĩrĩowa engulu yawe, ngoko ukatoka erĩkangya eribikula, nʼerĩrekya ebyalemene; neryo lino wamatoka erisoma amasako aya, nʼerĩnyĩmĩnyĩsya eribikula lyago, wasyambalĩbwa olukimba lʼomula, nʼeribya nʼobuhulula bwʼesyamagetsi omo bĩkya byawe, kandi wasyabya mũtabalĩ wʼakasatu omo bwami.

Danĩelĩ 5:29

Neryo Belsasarĩ mwahamula, mobambalya Danĩelĩ olukimba lʼomula, mobahĩra obuhulula bwʼesyamagetsi omo bĩkya biwe, mobatũlago busana naye kwʼali mũtabalĩ wʼakasatu omo bwami.

Emiganzo 22:17

Kusangwa nasyakuyirira erĩsĩkya lĩnene kũndũ, nʼekĩndũkĩ wasyabũga nage, nasyakolakyo; neryo ngakusaba nyiti wase, utsume abandu aba.

Emiganzo 22:7

Nʼabakulu bʼeMoabũ nʼabakulu bʼeMĩdĩanĩ mobagenda nʼebindu byʼeririha erilagula omo byala byabo; mobahĩka uku Balama, mobamubwira ebĩnywa bya Balaka.

Emiganzo 24:11

Lino utibite ewawe; nalengekanaya erĩkũhĩra ahʼerĩsĩkya ĩnene; nĩkwa Omwami Mukulu abĩrĩkũkakĩrya okwʼĩsĩkĩbwa.

1 Samwelĩ 17:25

Nʼabalume ba Ĩsraelĩ mobabũga bati, Ko mwanamalangira omulume oyukahetuka kwehĩ? Kwenene akahetuka erĩkaba-kabya Abaĩsraelĩ. Kandi omundu oyo wasyamwĩta, omwami asyamũtekesya obuteke bunene, kandi asyamũherũkĩrya mwali, kandi asyaleka ekĩtũnga kyʼĩse wuwe ikyabya bwĩranda omo Baĩsraelĩ.