Danĩelĩ 5:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Mobapũlya ebĩnyũ, mobapipa esyonyamuhanga syʼesyamagetsi, nʼesyʼekĩtsĩpa, nʼesyʼemiringa, nʼesyʼekyuma, nʼesyʼemiti, nʼesyʼamabwe.

Danĩelĩ 5:4 Iomraidhean Croise

1 Abami 1:49

Neryo abagenĩ bosĩ ba Adonĩa mobubaha, mobahangana, mobagenda obuli mundu omo nzira yiwe.

Ĩsaya 42:17

Basyasũbĩbwa enyũma, kandi basyahemulwa kutsibu abakayiketera esyosanamu esĩbatsĩre, abakabwira esyosanamu syʼerĩnũnĩa, bati, Muli esyonyamuhanga syetu.

Ĩsaya 42:8

Ĩngye indi Mwami Mukulu, eryo lyo lĩna lyage. Olukengerwa lwage sindiendihalo oko gundi, kutse eripipa lyage oko sanamu sĩbatsĩre.

Danĩelĩ 1:8

Nĩkwa Danĩelĩ mwayĩsũnza omo mutima wuwe eritindayĩtsandya omo bisi-bisi byʼOmwami, kutse omo bĩnyũ ebyo apũlaya; kyaleka iniasaba omukulu wʼebikonwe ati sĩayĩtsandaye.

Danĩelĩ 4:37

Na lino ĩngye Nebũkadeneza, ngapipa, nʼerihalamba, nʼerĩsĩkya Omwami wʼelubula, kusangwa emĩbĩrĩ yiwe yosĩ ni kwenene, nʼesyonzira siwe nĩ ʼbanza litunganene; nʼabakalendera nʼeriyiheka, akatoka erĩkehyabo.

Danĩelĩ 5:23

nĩkwa ukayihagata erilwa nʼomukama wʼelubula; kandi wabirireta esyondehĩ syʼenyũmba yiwe embere syawe, nawe nʼabakama bawe, nʼabakalĩ bawe, nʼabahwekĩ bawe, mwabĩrĩpũlĩrya musyo mwʼebĩnyũ kandi wabiripipa esyonyamuhanga syʼekĩtsĩpa nʼesyamagetsi, nʼesyʼomulinga, nʼesyʼekyuma, nʼesyʼemiti nʼesyʼamabwe, esitelangira, kutse erĩowa, kutse eriminya; na Nyamuhanga oyuli nʼomuka wawe wʼengebe omo byala biwe, nʼoyuli nʼesyonzira syawe syosĩ omo byala biwe, sulitamupipa.

Danĩelĩ 5:3

Neryo mobaleta esyondehĩ esyo syʼesyamagetsi, esyalũsĩbawa omo Hekalũ enyũmba ya Nyamuhanga, eyabya eYerũsalema; neryo omwami nʼabakama buwe, nʼabakalĩ buwe, nʼabahwekĩ buwe, mobapũlĩrya musyo.

Danĩelĩ 5:5

Oko katambĩ ako eminwe yʼebyala byʼomundu moyahuluka, nʼeminwe eyo moyasaka oko mbemba eyʼolũhĩmbo lwʼekikali kyʼOmwami eyisirya aho ahali omutagala wʼetala; nʼomwami mwalangira ekitswe kyʼekiganza ekyasaka.

Amosĩ 6:7

Busana nʼekyo bakandigenda omo bunyegwa haguma nʼabandu bʼerĩmbere abakaya omo bunyewa; nʼerirya lyʼabandu bakayĩkakaya lyasyahwa.

Habakũkĩ 2:19

Obũlĩge ukwʼoyukabwira omuti ati, Ubuke! Nʼoko lĩbwe lyʼemũmũ, ati, Hangana! Kandi ati, Omũkangĩrĩrya wawe yoyũ kwehĩ? Lebaya, kĩswĩkĩrwe omo syamagetsi nʼebĩtsĩpa, kandi omuka siali mulyo nʼahake.

Emibiri 17:29

Neryo twamabya tuli bana ba Nyamuhanga, siritolere tũkaganĩrya tuti Nyamuhanga ali ngʼesyosanamu syʼesyamagetsi, kutse syʼekĩtsĩpa, kutse syʼerĩbwe esikabumbawa omo menge nʼobũlengekanĩa bwʼabandu.