Danĩelĩ 5:23 - AMASAKO ABOYTRTRE WA NYAMUHANGA AWAKAHULAWA MO BIBLIA

²³ nĩkwa ukayihagata erilwa nʼomukama wʼelubula; kandi wabirireta esyondehĩ syʼenyũmba yiwe embere syawe, nawe nʼabakama bawe, nʼabakalĩ bawe, nʼabahwekĩ bawe, mwabĩrĩpũlĩrya musyo mwʼebĩnyũ kandi wabiripipa esyonyamuhanga syʼekĩtsĩpa nʼesyamagetsi, nʼesyʼomulinga, nʼesyʼekyuma, nʼesyʼemiti nʼesyʼamabwe, esitelangira, kutse erĩowa, kutse eriminya; na Nyamuhanga oyuli nʼomuka wawe wʼengebe omo byala biwe, nʼoyuli nʼesyonzira syawe syosĩ omo byala biwe, sulitamupipa.

Danĩelĩ 5:23 Iomraidhean Croise

Enzũko 14:19

Neryo Melkĩsedekĩ mwatsumula Abramu, ati, Omũyĩsa abye uku Abramu wa Nyamuhanga Wʼendata Kutsibu, Omũhangĩkĩ wʼolubula nʼekihugo;

Enzũko 2:7

Neryo Omwami Mukulu Nyamuhanga mwabumba omundu omo lũtũtũ lwʼekitaka, neryo mwabuhira omo nĩndo yiwe mʼomuka wʼengebe. Omundu oyo mwabya omundu oyuliho.

2 Abami 14:10

Wabĩrĩkĩnda Edomũ kwenene, nʼomutima wawe abiriyiheka. Utsemere olukengerwa lwawe, Wĩkale eka wawe; kusangwa busana nakĩ ukayiretera obũlĩge, uti ũkwe, uwe, na Yũda haguma kwehĩ?

Yobũ 12:10

Omo byala biwe muli emitima yʼobuli kindu ekiriho, Nʼomuka wʼabandu bosĩ.

Yobũ 31:4

Sialilangira esyonzira syage kwehĩ? Nʼeriganza eribasula lyage lyosĩ kwehĩ?

Esyonyimbo 104:29

Omugulu ukaya ehandi, sikubaha; Omugulu ũkakakĩraya omuka wawe, sikahola, Isyasuba oko lũtũtũ olo syalũamo.

Esyonyimbo 115:16

Olubula ni lwʼOmwami Mukulu ĩyowene, Nĩkwa mwaha ekihugo oko bandu. Abaholĩ sibepipa Omwami Mukulu,

Esyonyimbo 139:3

Ukanyilolako, namakola omũbĩrĩ kutse namaluhuka; Ũnasĩ ebyosĩ ebyo ngakola;

Esyonyimbo 146:4

Omugulu bakahola bakasuba oko kitaka; Oko kiro ekyo erĩyĩsũnza lyabo lyosĩ likahwa.

Emĩsyo 20:24

Erihongoka lyʼomundu ni ryʼOmwami Mukulu, Neryo omundu angaminya enzira yiwe yʼati kwehĩ?

Ĩsaya 13:11

Litya nasyasuyira ekihugo busana nʼebibi byakyo, nʼabakola-nabi busana nʼamalolo wabo. Ngandĩhũnerya eriyitendera lyʼabakayiheka, nasyabũndamĩrya ahisi eriyiheka lyʼabatsibu.

Ĩsaya 14:13

Nĩkwa mowabũga omo mutima wawe, uti, Nasyahetukira elubula, nasyasumbira ekĩtũmbĩ kyage kyʼobwami endata oko syongũnũnũ sya Nyamuhanga, nasyĩkala oko kitwa, kyʼamahĩndano, omo bihande byʼendũlĩ yʼelutambi lwʼendata.

Ĩsaya 2:12

Kusangwa Omwami Mukulu wʼemilondo asyayira ekiro kyʼolubanza busana nʼabosĩ abakayikebera nʼeriyiheka, na busana nʼabandu bosĩ abakayĩhamaya, ibatoka erĩkehĩbwa.

Ĩsaya 33:10

Omwami Mukulu akabũga ati, Lino ngandihangana. Lino ngandĩhamĩbwa. Lino ngandisumbwa endata.

Ĩsaya 37:19

Kandi babirigusa esyonyamuhanga syabo omo muliro, kusangwa sisyabya esyonyamuhanga, nĩkwa emĩbĩrĩ yʼebyala byʼabandu, emiti nʼamabwe. Neryo babĩrĩheryasyo.

Ĩsaya 37:23

Wabiriponandi nʼeritsumandi kwehĩ? Kandi wabĩrĩkandalya omulenge wawe ukundi, nʼerisumbira ameso wawe endata? Ko nʼoko Yũbũyĩrĩre wa Ĩsraelĩ!

Ĩsaya 42:5

Nyamuhanga Omwami Mukulu akabũga atya, oyo wahangika olubula, nʼerĩlandĩkanĩalo, oyo wasanza ekihugo nʼebiti byakyo, oyukaha omuka oko bandu abali kukyo, nʼekĩrĩmũ oko bandu abakalendera mukyo ati.

Yeremĩa 10:23

Uwe Mwami Mukulu, nyĩnasĩ kwʼenzira yʼomundu siyiri omwisi wuwe, kandi siriri omwisi wʼomundu oyukalendera erisondola olugendo luwe.

Yeremĩa 48:26

Mũmũkũndaye, kusangwa abĩrĩyĩhamya mo bũyĩgũ bwʼomwami Mukulu. Neryo Moabũ asyayĩnũba-nũbya omo bisalo biwe, kandi asyasekererĩbwa.

Yeremĩa 50:28

Abandu abatibita nʼeribala bakalũa omo kihugo kyʼeBabelĩ, bakatũlago eSĩonĩ omwatsi wʼerĩkĩsya lyʼOmwami Mukulu Nyamuhanga wetu, erĩkĩsya lyʼeHekalũ yiwe.

Yeremĩa 50:29

Mubirikire haguma abalasĩ bʼemisoha erilwa nʼeBabelĩ, nʼabosĩ abakakanda obuta. Muhande enganda erĩmũtĩmbako, sĩhabalĩbawe nʼomuguma wa kubo. Mumulihe ngʼemĩbĩrĩ yiwe. Ngʼebyosĩ abirikola, mukolebyo mutya, kusangwa abĩrĩyĩhamya nʼerilwa nʼOmwami Mukulu, nʼerilwa nʼoyũbũyĩrĩre wa Ĩsraelĩ.

Ezekĩelĩ 28:17

Omutima wawe ayĩhamaya busana nʼobukange bwawe. Mowatsandya amenge wawe busana nʼerĩkangabasanĩa lyawe. Neryo monakugusa oko kitaka. Monakũhĩra embere syʼabami, bakusamalire.

Ezekĩelĩ 28:2

Mugala wʼomundu, Ubwire omũsondolĩ wʼeTĩro uti, Omukama Iye Omwami Mukulu ati, Kusangwa omutima wawe amayĩhamya, kandi wabĩrĩbũga uti, Ĩngye nyiri nyamuhanga, nyĩkere omo kĩtũmbĩ kyʼesyonyamuhanga, omo katĩkatĩ kʼesyongetsi. Nĩkwa uli mundu, suli Nyamuhanga, nomo wangahĩra omutima wawe eribya nga Nyamuhanga.

Ezekĩelĩ 28:5

Busana nʼamenge wawe manene, na busana nʼerĩtũndya lyawe wabiritomekera ebindu byawe, nʼomutima wawe amayĩhamya busana nʼebindu byawe.

Ezekĩelĩ 31:10

Neryo Omukama Iye Omwami Mukulu ati, Kusangwa omuti ni muli oko mubiri, na kusangwa abĩrĩhĩra esingi yago omo bĩtũ, nʼomutima wago akayiheka omo buli bwago.

Danĩelĩ 11:12

Omugulu endeko eyo yasyatwalwa erĩhũngwa, omutima wʼOmwami oyo asyayĩhamya, kandi asyaleka abandu elfu makũmĩ eriwa, nĩkwa siendisyasĩngana.

Danĩelĩ 4:37

Na lino ĩngye Nebũkadeneza, ngapipa, nʼerihalamba, nʼerĩsĩkya Omwami wʼelubula, kusangwa emĩbĩrĩ yiwe yosĩ ni kwenene, nʼesyonzira siwe nĩ ʼbanza litunganene; nʼabakalendera nʼeriyiheka, akatoka erĩkehyabo.

Danĩelĩ 8:11

Ega, mokayĩhamya kati, kakalingirirana nʼomukulu wʼomulondo; kandi mokamũlũsya kwʼobuhere bwʼerĩokererya, nʼahabũyĩrĩre huwe mohaguswa ahisi.

Habakũkĩ 2:4

Lebaya, busana nʼoyukayiheka; omutima wuwe siatunganene omwisi wuwe; nĩkwa omutunganene embere sya Nyamuhanga asyabyaho busana nʼerĩkĩrĩrya liwe.

Emibiri 17:25

Kandi syalikolerawa nʼebyala byʼabandu, ngʼali nʼobwaga bwʼekindu, kusangwa akaha engebe nʼomuka nʼebindu byosĩ oko bandu bosĩ.

1 AbanyaKorinto 8:4

Neryo busana nʼomwatsi wʼakalyo akakahererawa oko syosanamu, tũnasĩ ngoko esanamu si kindu muna-kihugo, kandi tũnasĩ ko hali Nyamuhanga muguma musa.

1 Timoteo 3:6

Kandi syabye Mukristo muhya-muhya, akasyayiheka nʼeritoga, nʼerĩsĩngwa ngʼeSatanĩ ko yasĩngawa.

AbaEbrania 4:13

Sihali ekĩhangĩkĩre ekĩbĩsamĩre uku Nyamuhanga. Nĩkwa ebyosĩ bisanzukere, kandi biminyikere omo meso wa Nyamuhanga. Kandi twasyayĩbalya ukwʼiye.

Eribisurirwa 9:20

Abandi bandu abasaka, abatĩtawa omo malĩge aya mobataleka ebindu ebyo bakokotaya. Kandi mobataleka erĩramya esyombĩnga, nʼesyosanamu syʼesyamagetsi, nʼesyosanamu syʼebĩtsĩpa, nʼesyʼomulinga, nʼesyʼamabwe, nʼesyʼemiti, esitetoka erilangira kutse erĩowa, kutse eribasula.

Abatswerĩ 16:23

Nʼabakama bʼAbafĩlĩstĩnĩ mobahĩndana haguma eriherera ehongo nene uku Dagonĩ nyamuhanga wabo, nʼeritsema; kusangwa babũga bati, nyamuhanga wetu abĩrĩhĩra Samũsonĩ enzĩgũ yetu, omo byala byetu.

1 Samwelĩ 17:26

Neryo Dawĩdĩ mwakanĩa nʼabandu ababya bimene hakũhĩ naye ati, Omundu oyo wasyĩta Omũfĩlĩstĩnĩ oyũ nʼerĩlũsya ekĩtsũmĩ kyʼoko Baĩsraelĩ asyakolerwakĩ kwehĩ? Kusangwa Omũfĩlĩstĩnĩ utabwene oyũ nindi oyukatsuma emilondo ya Nyamuhanga oyuliho kwehĩ?

1 Samwelĩ 17:36

Omugombe wawe mwĩta esĩbĩrĩ syosĩ, endale nʼedubu, nʼOmũfĩlĩstĩnĩ utabwene oyũ akandibya nga nguma ya kusyo, kusangwa akatsuma emilondo ya Nyamuhanga oyuliho.