Danĩelĩ 5:21 - AMASAKO ABOYTRTRE WA NYAMUHANGA AWAKAHULAWA MO BIBLIA

²¹ Neryo mwahigirwa hali oko bandu, nʼomutima wuwe mwayirwa, ngʼowʼesyonyama, nʼerĩĩkala liwe molyabya haguma nʼesyopunda syʼomolĩ. Neryo mwalĩsĩrĩrĩbwa oko biti ngʼesyonde, nʼomubiri wuwe mwatsapa omo kimi kyʼekyanya erĩhĩka aho aminyira ko Nyamuhanga Wʼendata Kutsibu yukatabala oko bwami bwʼabandu, kandi ngoko akahanganaya kubo oyo anzĩre.

Danĩelĩ 5:21 Iomraidhean Croise

Yobũ 39:5

Nindi yo waha esyopunda syʼomolĩ obwĩranda bwasyo kwehĩ? Kutse nindi abĩrĩkũndũla emĩrĩkĩ yʼepunda iyalendera kwehĩ?

Ezekĩelĩ 17:24

Nʼemiti yosĩ yʼomolĩ yasyaminya ko ndi Mwami Mukulu. Ngakĩmaya omuti muli nʼerisumba omuti mũkũhĩ, nabĩrĩũmya omuti mubisi, nʼerĩboya omuti ogũmĩre. Ĩngye indi Mwami Mukulu. Nabĩrĩbũga, kandi nasyakolakyo.

Danĩelĩ 4:14

Mwabirikira nʼomulenge munene ati, Mukonde omuti, mũtwe nʼemitahi yago, mũlagalaye ebikoma byago, mupanza-panze ebĩgũma byago; nʼesyonyama sĩlũe oko ndĩna yago, nʼesyonyonyũ omo mitahi yago.

Danĩelĩ 4:17

Eritswera erĩ ni ryʼerihamula lyʼabateya, kandi erĩtwa omwatsi oyũ ni busana nʼekĩnywa kyʼababũyĩrĩre; busana nʼerĩmĩnyĩsya ngoko abaliho batoke eriminya ngoko Owendata Kutsibu akatabala oko bwami bwʼabandu, akahabo oko oyo anzĩre, kandi akahanganaya mubo omugunda.

Danĩelĩ 4:22

nina we, mwami; wabirikula nʼeribana amaka; kusangwa obukulu bwawe bwabiribya bunene, nʼerĩhĩka omo kyanya, nʼeritabala lyawe lyamahĩka oko ndũlĩ yʼekihugo.

Danĩelĩ 4:25

Liti wasyahigwa erĩlũsĩbwa oko bandu, nʼobwĩkalo bwawe bwasyabya haguma nʼesyonyama syʼomolĩ, nawe wasyalĩsĩrĩrĩbwa erirya ebiti ngʼesyonde, kandi wasyatsapĩbwa omo kimi kyʼekyanya, nʼemigulu irinda yasyakulabako; erĩhĩka aho wasyaminyira Owendata Kutsibu kwʼakatabala oko bwami bwʼabandu nʼerihabo ukwʼoyo akasonda.

Danĩelĩ 4:26

Kandi ngoko bahamula erĩsĩga ekĩsĩkĩ nʼemĩrĩhĩ yʼomuti; obwami bwawe bwasyabya ibune bwawe wamabiminya olubula ko lukatabala.

Danĩelĩ 4:34

Neryo ebiro ebyo byabere byabihwa, ĩngye Nebũkadeneza, monasumbira ameso wage elubula, nʼobũlengekanĩa bwage mobwanyisubako, monapipa Owendata Kutsibu, monamupipa nʼerĩmũsĩkya, oyuliho kera na kera; kusangwa eritabala liwe ni ʼtabala lya kera na kera, nʼobwami buwe ni bʼoko ndengo ndengo.

Danĩelĩ 4:35

Nʼesyondũlanĩ syosĩ syʼekihugo sikaganzawa nga si kindu; naye akakola ngʼerisonda liwe omo milondo yʼelubula, nʼomo katĩkatĩ kʼesyondũlanĩ syʼekihugo; kandi sihali oyo wangakakĩrya ebyala biwe, kutse erĩmũbũlya ati, Ukayira uti?

Danĩelĩ 4:37

Na lino ĩngye Nebũkadeneza, ngapipa, nʼerihalamba, nʼerĩsĩkya Omwami wʼelubula, kusangwa emĩbĩrĩ yiwe yosĩ ni kwenene, nʼesyonzira siwe nĩ ʼbanza litunganene; nʼabakalendera nʼeriyiheka, akatoka erĩkehyabo.

Danĩelĩ 5:18

Uwe mwami, Nyamuhanga Wʼendata Kutsibu mwaha tata wawe Nebũkadeneza obwami, nʼobukulu, nʼolukengerwa, nʼerĩkangabasanĩa.