Danĩelĩ 5:20 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁰ Nĩkwa omugulu omutima wuwe ayihagata, nʼekĩrĩmũ kiwe kyayiheka, kyaleka ĩnĩayĩhahamĩsya, omwami mwasingulwa omo kĩtũmbĩ kiwe kyʼobwami, nʼolukengerwa luwe molwalũsĩbwa ukwʼiye.

Danĩelĩ 5:20 Iomraidhean Croise

2 Abami 17:14

Nĩkwa, mobagana erĩowa, mobakalya ebĩkya byabo, ngʼebĩkya byʼabotata wabo, abatĩkĩrĩraya Omwami Mukulu Nyamuhanga wabo.

2 Emyatsi yʼEmigulu 32:25

Nĩkwa Hezekĩa mwatasũbũlya ndeke ngʼolulengo lʼomũyĩsa akolerawa, kusangwa omutima wuwe ayiheka; busana nʼekyo erihitana molyambyako, nʼoko Yũda nʼeYerũsalema.

2 Emyatsi yʼEmigulu 36:13

Nibya mwahona oko mwami Nebũkadeneza, oyo wamũlahĩrĩsaya uku Nyamuhanga erĩmowa, nĩkwa mwakalya ebĩkya biwe, mwakalya omutima wuwe siabindukire Omwami Mukulu Nyamuhanga wa Ĩsraelĩ.

Erĩlũayo 18:11

Lino nyasĩ Omwami Mukulu ni mukulu kwilaba esyonyamuhanga syosĩ; ega, omo mwatsi oyo, bakolerabo omwʼiyipipa.

Erĩlũayo 9:17

Na lino ukayihalamba erilwa nʼabandu bage, isulireka bakagenda.

Erĩlũayo 9:7

Neryo Farao mwatuma, neryo lebaya, omo bihangulo byʼAbanya Ĩsraelĩ isihali nʼenguma eyaholĩre. Nĩkwa omutima wa Farao ĩnĩakalĩre, kandi mwataleka abandu bakagenda.

Emĩsyo 16:18

Eriyanza lĩkatsũka erihera; Nʼekĩrĩmũ kyʼeriyipipa kĩkatsũka eriwa.

Emĩsyo 16:5

Obuli mundu oyukayipipa omo mutima ni nye oko Mwami Mukulu; Nomo banganahambana omo byala sibendisyabya butsira erisuyirwa.

Ĩsaya 47:1

Uwe mumbesa mwali wʼeBabelĩ, ũkĩmĩre ahisi, Wĩkale omo lũtũtũ. Wĩkale ahisi oko kitaka ahate kĩtũmbĩ kyʼobwami, Uwe mwali wʼAbakaldea. Kusangwa siwendisyaswahulwa mo molo-molo nʼoyuloberere.

Yeremĩa 13:18

Ubwire omwami na nya-mwami uti, Mũyĩkehaye, mwĩkale ahisi, kusangwa embĩta yenyũ nyibuya yabĩrĩlũa oko mitwe yenyũ.

Yeremĩa 19:15

Omwami Mukulu wʼemilondo, Nyamuhanga wa Ĩsraelĩ ati, Lebaya, nasyaletera omũyi oyũ nʼoko hĩyĩ hyosĩ hyago erĩkwa lyosi eryo nabiriahula busana nago, kusangwa babĩrĩkalya ebĩkya byabo sĩbowe ebĩnywa byage.

Yeremĩa 48:18

Uwe ndũlanĩ yʼeDĩbonĩ, Wandagale Ũlũe oko lukengerwa lwawe, Wĩkale oko kitaka kyũmĩre kusangwa omũherya wʼeMoabũ abĩrĩhĩka erilwa nawe, abĩrĩherya ahakongoterere hawe.

Ezekĩelĩ 30:6

Omwami Mukulu ati, Kwenene abakimira eMĩsĩrĩ basyawa. Nʼeriyiheka lyʼamaka wuwe lyasyakĩmĩra ahisi. Erĩtsũka eMĩgdolĩ erĩhĩka eSewene basyawa mukyo omo mũyalĩ, Omukama Iye Omwami Mukulu atya.

Ezekĩelĩ 31:10

Neryo Omukama Iye Omwami Mukulu ati, Kusangwa omuti ni muli oko mubiri, na kusangwa abĩrĩhĩra esingi yago omo bĩtũ, nʼomutima wago akayiheka omo buli bwago.

Danĩelĩ 11:36

Neryo omwami oyo asyakola ngoko anzĩre, kandi asyayĩhamya nʼeriyipipa endata oko buli nyamuhanga, kandi asyabũga ebĩnywa bitsibu erilwa na Nyamuhanga wʼesyonyamuhanga; kandi asyagasa erĩhĩka aho mugulu wʼerihitana asyahwera, kusangwa ekyahamulawa kyasyakolwa.

Danĩelĩ 4:26

Kandi ngoko bahamula erĩsĩga ekĩsĩkĩ nʼemĩrĩhĩ yʼomuti; obwami bwawe bwasyabya ibune bwawe wamabiminya olubula ko lukatabala.

Danĩelĩ 4:28

Ebyosĩ ebĩ mobyahĩka oko mwami Nebũkadeneza.

Danĩelĩ 4:37

Na lino ĩngye Nebũkadeneza, ngapipa, nʼerihalamba, nʼerĩsĩkya Omwami wʼelubula, kusangwa emĩbĩrĩ yiwe yosĩ ni kwenene, nʼesyonzira siwe nĩ ʼbanza litunganene; nʼabakalendera nʼeriyiheka, akatoka erĩkehyabo.

Danĩelĩ 8:8

Nʼembaya eyo moyayĩhamya kutsibu; nʼomugulu yamabibya nʼamaka, erĩhembe ĩnene eryo molyatwĩka; nʼomo mwanya walyo mohalasa amahembe ani manene manene awalolĩrye oko mahunga ani wʼekyanya.

Luka 18:14

Neryo Yesu mwabũga ati, Ngababwira nyiti, omundu oyo mwakĩmĩra ewuwe iniamabitunganana kwilaba ogundi oyo, Kusangwa obuli mundu oyũkayĩhamaya, asyakehĩbwa. Nĩkwa oyũkayĩkehaya, asyahamĩbwa.

AbaEbrania 3:13

Nĩkwa mũsĩkanaye emitima omugulu bukinahulawa mũnabwĩre, hakasyabya omundu muguma omo katĩkatĩ kenyũ akatebĩbwa nʼebibi nʼerĩkalya omutima wuwe.

1 Samwelĩ 6:6

Neryo busana nakĩ mũkakalaya emitima yenyũ kwehĩ? Ngoko Abanya Mĩsĩrĩ na Farao bakalaya emitima yabo. Omugulu akala kutsibu kubo, mobatahamula abandu erigenda kwehĩ? Nabo mobagenda.