Danĩelĩ 5:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Belsasarĩ, omugulu ageraya ebĩnyũ mwahamula ati esyondehĩ syʼesyamagetsi nʼesyʼekĩtsĩpa siretawe, esyo tata wuwe Nebũkadeneza alũsaya omo Hekalũ eyabya eYerũsalema; omwami nʼabakama buwe nʼabakalĩ buwe nʼabahwekĩ buwe batoke erĩpũlĩrya musyo.

Danĩelĩ 5:2 Iomraidhean Croise

2 Samwelĩ 9:7

Na Dawĩdĩ mwamubwira ati, Sigubahe; kusangwa kwenene ngandĩkũkangya ekibuya busana na Yonatana tata wawe, kandi ngandĩkũsũbũlĩrya esyombibi syosĩ sya Saũlo tata wawe kandi wasyalira akalyo oko mesa yage obutusa.

2 Abami 24:13

Kandi mwatwala ebindu byosĩ byʼenyũmba yʼOmwami Mukulu, nʼebindu byʼenyũmba yʼOmwami, kandi mwatsũtsanga esyosahanĩ syosĩ syʼesyamagetsi, esyo Solomono omwami wʼeĨsraelĩ akokotaya omo Hekalũ yʼOmwami Mukulu, ngoko Mwami Mukulu abũga.

2 Abami 25:15

Nʼesyopano, nʼebibindi, ebyabya byʼesyamagetsi ebĩtũkwĩre, nʼebyabya byʼekĩtsĩpa omo kĩtsĩpa kĩtũkwĩre omukulu wʼabateya mwatwalabyo.

2 Emyatsi yʼEmigulu 11:20

Nʼenyũma wʼoyo mwahĩkya Maka mwali wa Abũsoloma; naye mwamubutira Abĩya, na Ataĩ, na Zĩza, na Selomĩtĩ.

2 Emyatsi yʼEmigulu 15:16

Kandi mwalũsya Maka nyĩnya wʼOmwami Asa siabye mwami-kalĩ kusangwa abya ĩnĩabĩrĩkokotya esanamu yʼesyonye busana na Asera; neryo Asa mwakondera esanamu yiwe yʼahisi mwatũndũlayo mo lũtũtũ, mwahĩsĩryayo oko kũsĩ kʼeKĩdũronĩ.

2 Emyatsi yʼEmigulu 36:10

Nʼokwʼihwa lyʼomwaka Omwami Nebũkadeneza mwatuma erimuleta eBabelĩ, haguma nʼebindu byowene byʼenyũmba yʼOmwami Mukulu, neryo mwayira Zedekĩa mugala wabo mo mwami oko Bayũda nʼeYerũsalema.

2 Emyatsi yʼEmigulu 36:18

Nʼebindu byosĩ byʼenyũmba ya Nyamuhanga, ebinene binene nʼebikebike, nʼobũsokĩ bwʼenyũmba yʼOmwami Mukulu, nʼobũsokĩ bʼomwami, bo bwʼabakulu buwe, ebyosĩ ebĩ mwaletabyo eBabelĩ.

Ezera 5:14

Kandi ebindu byʼesyamagetsi nʼebyʼebĩtsĩpa byʼenyũmba ya Nyamuhanga ebyo Nebũkadeneza alũsaya omo Hekalũ eyabya eYerũsalema, nʼeriretabyo omo Hekalũ yʼeBabelĩ, bye nʼebyo mwami Kĩro alũsaya omo Hekalũ yʼeBabelĩ, mobyahabwa oko mundu erĩna liwe Sesĩbazarĩ, oyo Kĩro ahĩra mo mũtabalĩ.

Yeremĩa 27:7

Nʼebihanda byosĩ byasyamukolera, na mugala wuwe, na mwitsikulu wuwe, erĩhĩka aho mugulu wʼekihugo kiwe asyahĩkĩra. Nʼoko mugulu oyo ebihanda bingi nʼabami bakulu bakulu basyamuyira mo mukobe wabo.

Yeremĩa 50:35

Omwami Mukulu ati, Omũyalĩ akalwa nʼAbakaldea, nʼerilwa nʼesyondũlanĩ syʼeBabelĩ, nʼoko bakulu bayo, nʼoko bandu buwe bʼamenge!

Yeremĩa 52:19

Nʼesyondehĩ, nʼebĩbĩrĩryo byʼomuliro, nʼebibindi, nʼesyonyungu, nʼemitagala yʼesyotala, nʼemyũko, nʼeminaga, eyabya yʼesyamagetsi esĩtũkwĩre nʼebyabya byʼekĩtsĩpa ekĩtũkwĩre, omukulu wʼabateya mwahekabyo.

Danĩelĩ 1:2

Nʼomukama mwahĩra Yehoyakĩmũ omwami wʼeYũda omo byala biwe, nʼekihande kyʼebindu byʼenyũmba ya Nyamuhanga; mwahekerabyo omo kihugo kyʼeSĩnarĩ oko nyũmba ya nyamuhanga wuwe, mwĩngĩrya ebindu ebyo, omo kigona kya nyamuhanga wuwe.

Danĩelĩ 5:11

Hane mundu omo bwami bwawe, oyuwite ekĩrĩmũ kyʼesyonyamuhanga sĩbũyĩrĩre; nʼomo biro bya tata wawe, ekyakakala nʼobowĩka nʼamenge ngʼamenge wʼesyonyamuhanga, mobyabanika omwisi wuwe. Nʼomwami Nebũkadeneza, ye tata wawe, mwamuyira mo mukulu wʼabasaki, nʼabakũmũ, nʼAbakaldea, nʼabalagũlĩ,

Danĩelĩ 5:13

Neryo Danĩelĩ mwaletwa embere syʼOmwami. Nʼomwami mwabũlya Danĩelĩ ati, Uwe uli Danĩelĩ oyo, oyuli wʼoko bana ba Yũda abahũngawa, abo tata wage omwami alũsaya eYũda kwehĩ?

Danĩelĩ 5:18

Uwe mwami, Nyamuhanga Wʼendata Kutsibu mwaha tata wawe Nebũkadeneza obwami, nʼobukulu, nʼolukengerwa, nʼerĩkangabasanĩa.

Danĩelĩ 5:23

nĩkwa ukayihagata erilwa nʼomukama wʼelubula; kandi wabirireta esyondehĩ syʼenyũmba yiwe embere syawe, nawe nʼabakama bawe, nʼabakalĩ bawe, nʼabahwekĩ bawe, mwabĩrĩpũlĩrya musyo mwʼebĩnyũ kandi wabiripipa esyonyamuhanga syʼekĩtsĩpa nʼesyamagetsi, nʼesyʼomulinga, nʼesyʼekyuma, nʼesyʼemiti nʼesyʼamabwe, esitelangira, kutse erĩowa, kutse eriminya; na Nyamuhanga oyuli nʼomuka wawe wʼengebe omo byala biwe, nʼoyuli nʼesyonzira syawe syosĩ omo byala biwe, sulitamupipa.

Danĩelĩ 5:3

Neryo mobaleta esyondehĩ esyo syʼesyamagetsi, esyalũsĩbawa omo Hekalũ enyũmba ya Nyamuhanga, eyabya eYerũsalema; neryo omwami nʼabakama buwe, nʼabakalĩ buwe, nʼabahwekĩ buwe, mobapũlĩrya musyo.

Danĩelĩ 5:30

Oko kiro ekyo, Belsasarĩ omwami wʼAbakaldea mwĩtwa.

Danĩelĩ 5:4

Mobapũlya ebĩnyũ, mobapipa esyonyamuhanga syʼesyamagetsi, nʼesyʼekĩtsĩpa, nʼesyʼemiringa, nʼesyʼekyuma, nʼesyʼemiti, nʼesyʼamabwe.

Emiganzo 7:79

ehongo yiwe yabya sahanĩ nguma yʼebĩtsĩpa obũlĩto bwayo bwabya esyosekelĩ erĩgana nʼamakũmĩ asatu, nʼekibindi kiguma kyʼebĩtsĩpa kyʼesyosekelĩ makũmĩ alinda, ngʼolulengo lwʼesekelĩ yʼahabũyĩrĩre; ebibiri byosĩ ĩbyoswĩre mwʼeyĩsyano yʼenzelele eyĩtũlũngene nʼamagũta eribya buhere bwʼengano;