Danĩelĩ 5:16 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁶ Nĩkwa nabĩrĩowa engulu yawe, ngoko ukatoka erĩkangya eribikula, nʼerĩrekya ebyalemene; neryo lino wamatoka erisoma amasako aya, nʼerĩnyĩmĩnyĩsya eribikula lyago, wasyambalĩbwa olukimba lʼomula, nʼeribya nʼobuhulula bwʼesyamagetsi omo bĩkya byawe, kandi wasyabya mũtabalĩ wʼakasatu omo bwami.

Danĩelĩ 5:16 Iomraidhean Croise

Enzũko 40:8

Neryo mobamũsũbĩrya bati, Motukalota esyonzolĩ, kandi sihali mundu wʼeritubikulirasyo. Nĩkwa Yosefũ mwabwirabo ati, Ngababũlaya mumbwire, eribikula si rya Nyamuhanga kwehĩ? mukatambwirasyo.

Enzũko 41:15

Neryo Farao mwabwira Yosefũ ati, Nabirilota, kandi sihali oyo wangabikulalyo. Kandi namowa engulu yawe, bati omugulu ũkowa erilota ukatoka eribikulalyo.

Enzũko 41:42

Neryo Farao mwalũsya embũka yiwe yʼekiminyerero oko byala biwe, mwahĩrayo oko byala bya Yosefũ kandi mwamwambalya esyongimba esyowene syʼengurungu, kandi mwahĩra omusege wʼesyamagetsi omo bĩkya biwe.

Danĩelĩ 2:48

Neryo omwami mwahamya Danĩelĩ, mwamuha oluhembo lunene lungi, mwamũhĩra eritabala oko kihugo kyosĩ kyʼeBabelĩ, mwamũhĩra mo mũtabalĩ mukulu oko bandu bʼamenge bosĩ bʼeBabelĩ.

Danĩelĩ 2:6

Nĩkwa mwamanyĩkangya erilota eryo nʼeribikulalyo, nasyabaha endũndĩ nʼoluhembo nʼerĩsĩkya lĩnene; neryo mũnyĩmĩnyĩsaye erilota eryo nʼeribikulalyo.

Danĩelĩ 5:29

Neryo Belsasarĩ mwahamula, mobambalya Danĩelĩ olukimba lʼomula, mobahĩra obuhulula bwʼesyamagetsi omo bĩkya biwe, mobatũlago busana naye kwʼali mũtabalĩ wʼakasatu omo bwami.

Danĩelĩ 5:7

Neryo omwami mwabirikira kutsibu ati balete abakũmũ, nʼAbakaldea, nʼabalagũlĩ. Neryo omwami mwabwira abandu bʼamenge bʼeBabelĩ ati, Oyo wasyasoma erisaka erĩ nʼerĩnyĩmĩnyĩsya eribikula lyalyo, asyambalĩbwa olukimba lʼomula, kandi asyahĩrwa kʼobuhulula bwʼesyamagetsi omo bĩkya biwe, kandi asyabya ĩsemumbo wʼomo bwami.

Danĩelĩ 6:2

mwahĩra kubo kwʼabakulu basatu, na Danĩelĩ abya muguma wa kubo; abatabalĩ aba batoke erireta emiganzo kubo, neryo, omwami ĩsĩangatalya.

Emibiri 8:18

Nĩkwa Sĩmonĩ abere alangira ngoko Mũlĩmũ Abũyĩrĩre ahabawa busana nʼerĩhĩra lyʼebyala byʼabakwenda, Sĩmonĩ mwahererya Petero na Yoane bʼobũgũlĩ.