Danĩelĩ 5:13 - AMASAKO ABOYTRTRE WA NYAMUHANGA AWAKAHULAWA MO BIBLIA

¹³ Neryo Danĩelĩ mwaletwa embere syʼOmwami. Nʼomwami mwabũlya Danĩelĩ ati, Uwe uli Danĩelĩ oyo, oyuli wʼoko bana ba Yũda abahũngawa, abo tata wage omwami alũsaya eYũda kwehĩ?

Danĩelĩ 5:13 Iomraidhean Croise

Ezera 10:16

Nĩkwa abanyegawa mobakola batya. Na Ezera omũhererĩ mwayisoga abandu ababya bakulu bʼebĩtũnga byʼabotatakulu, omo bĩtũnga byʼabotata-kulu wabo, abosĩ omo mena wabo. Neryo mobĩkala oko kiro kyʼerĩtsũka kyʼomukera wʼerĩkũmĩ erisonda-sondya omwatsi oyũ.

Ezera 10:7

Neryo mobatũlaganĩago eYũda nʼeYerũsalema oko bandu bosĩ, abanyegawa ati, bayĩhĩndanaye eYerũsalema.

Ezera 4:1

Neryo omugulu esyonzĩgũ sya Yũda na Benyamĩna syowa ngoko bana bʼobunyegwa bamahĩmba eHekalũ busana nʼOmwami Mukulu, Nyamuhanga wa Ĩsraelĩ.

Ezera 6:16

Nʼabana ba Ĩsraelĩ, abahererĩ nʼAbalawĩ nʼabandi bʼoko banyegawa, mobahigula enyũmba eyĩ ya Nyamuhanga nʼobutseme.

Danĩelĩ 1:1

Oko mwaka wʼakasatu wʼeritabala lya Yehoyakĩmũ omwami wʼeYũda, Nebũkadeneza, omwami wʼeBabelĩ mwasa eYerũsalema, mwagoterago.

Danĩelĩ 1:2

Nʼomukama mwahĩra Yehoyakĩmũ omwami wʼeYũda omo byala biwe, nʼekihande kyʼebindu byʼenyũmba ya Nyamuhanga; mwahekerabyo omo kihugo kyʼeSĩnarĩ oko nyũmba ya nyamuhanga wuwe, mwĩngĩrya ebindu ebyo, omo kigona kya nyamuhanga wuwe.

Danĩelĩ 1:21

Na Danĩelĩ mwabyaho erĩhĩka oko mwaka wʼerĩmbere wʼOmwami Kĩro.

Danĩelĩ 1:6

Omo katĩkatĩ kʼabandu aba habya abana bʼeYũda, Danĩelĩ, Hanania, Mĩsaelĩ na Azaria.

Danĩelĩ 2:25

Neryo Arĩokĩ mwatwala Danĩelĩ embere syʼOmwami lũba, mwamubwira ati, Namabana omundu gʼoko bandu bʼeYũda abahũngawa, akandĩmĩnyĩsya omwami eribikulalyo.

Danĩelĩ 2:48

Neryo omwami mwahamya Danĩelĩ, mwamuha oluhembo lunene lungi, mwamũhĩra eritabala oko kihugo kyosĩ kyʼeBabelĩ, mwamũhĩra mo mũtabalĩ mukulu oko bandu bʼamenge bosĩ bʼeBabelĩ.

Danĩelĩ 5:11

Hane mundu omo bwami bwawe, oyuwite ekĩrĩmũ kyʼesyonyamuhanga sĩbũyĩrĩre; nʼomo biro bya tata wawe, ekyakakala nʼobowĩka nʼamenge ngʼamenge wʼesyonyamuhanga, mobyabanika omwisi wuwe. Nʼomwami Nebũkadeneza, ye tata wawe, mwamuyira mo mukulu wʼabasaki, nʼabakũmũ, nʼAbakaldea, nʼabalagũlĩ,

Danĩelĩ 5:14

Nabĩrĩowa engulu yawe ngoko ekĩrĩmũ kyʼesyonyamuhanga kiri umʼuwe, kandi ngoko ekyakakala nʼobowĩka, nʼamenge mabuya, akabanika kuwe.

Danĩelĩ 5:18

Uwe mwami, Nyamuhanga Wʼendata Kutsibu mwaha tata wawe Nebũkadeneza obwami, nʼobukulu, nʼolukengerwa, nʼerĩkangabasanĩa.

Danĩelĩ 5:2

Belsasarĩ, omugulu ageraya ebĩnyũ mwahamula ati esyondehĩ syʼesyamagetsi nʼesyʼekĩtsĩpa siretawe, esyo tata wuwe Nebũkadeneza alũsaya omo Hekalũ eyabya eYerũsalema; omwami nʼabakama buwe nʼabakalĩ buwe nʼabahwekĩ buwe batoke erĩpũlĩrya musyo.

Danĩelĩ 6:13

Neryo mobasũbĩrya nʼerĩbũga embere syʼOmwami bati, Danĩelĩ oyo, omuguma wʼoko bandu abanyegawa bʼeYũda, sialikukenga uwe mwami, kandi sialikenga erĩganĩsya eryo wasakako, nĩkwa akasaba ngendo ĩsatu obuli kiro.

Danĩelĩ 8:1

Oko mwaka wʼakasatu wʼeritabala lyʼOmwami Belsasarĩ erilota molyambulukirako, ĩngye Danĩelĩ, enyũma wʼesyo, esyanyibutukira erĩmbere.

Danĩelĩ 8:27

Neryo ĩngye Danĩelĩ, monaluha, monalwala ebiro ebyo; neryo monahangana, monakola omũbĩrĩ wʼOmwami; kandi monasweka busana nʼerilota eryo, nĩkwa sihabya owʼeriminyalyo.

Yoane 7:1

Enyũma wʼemyatsi eyĩ, Yesu mwalendera eGalĩlaya, kusangwa siabya anzĩre erirendera eYũdea kusangwa Abayũda basonda-sonda erĩmwĩta.

Yoane 7:3

Abagala babo Yesu mobamubwira bati, Ũlũe hano, uye eYũdea, abiga bawe batoke erilola oko mĩbĩrĩ yawe eyo ukakola.