Danĩelĩ 5:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Omwami Belsasarĩ mwayira erirya ĩnene busana nʼabakama buwe elfu nguma (1,000), kandi mwapũlya ebĩnyũ embere syʼeelfu eyo.

Danĩelĩ 5:1 Iomraidhean Croise

Enzũko 40:20

Neryo enyũma wʼebiro bisatu, kyabya kiro kyʼeributwa lya Farao, mwakokotya erirya ĩnene busana nʼabagombe buwe bosĩ. Mwaswahanganĩa omukulu wʼabatengĩ nʼomukulu wʼabatsũmbĩ omo katĩkatĩ kʼabagombe buwe.

Esĩterĩ 1:3

Oko mwaka wʼakasatu wʼeritabala liwe, Ahasuero mwakokotya erirya ĩnene busana nʼabanya-mwami buwe bosĩ nʼabagombe buwe, nʼabakulu bʼemilondo bʼePersĩa nʼeMedĩa, abakulu nʼabanya-mwami bʼebihugo ebyo, ibamabibya embere siwe.

Ĩsaya 22:12

Neryo oko kiro ekyo Omukama, Omwami Mukulu wʼemilondo, mwababirikira eririra, nʼerĩsũsũmana, nʼerĩsĩsa omutwe, nʼeriambala emisarandwe.

Ĩsaya 22:14

Nĩkwa Omwami Mukulu wʼemilondo mwayĩbĩsũla ũkwʼĩngye ati, Kwenene simwendisyabuyirwa ebibi ebĩ, erĩhĩka aho mwasyaholera, Omukama Omwami Mukulu wʼemilondo atya.

Yeremĩa 50:35

Omwami Mukulu ati, Omũyalĩ akalwa nʼAbakaldea, nʼerilwa nʼesyondũlanĩ syʼeBabelĩ, nʼoko bakulu bayo, nʼoko bandu buwe bʼamenge!

Yeremĩa 51:39

Omugulu bahũhene, nasyakokotya erirya ĩnene lyabo, nage nasyabatamĩrya, babye nʼeritsema, nʼerigotsera otũgotserĩ twʼebiro byosĩ, sibabuke kandi.

Yeremĩa 51:57

Kandi nasyatamĩrya esyongũla siwe, nʼabandu buwe abʼamenge, nʼabatabalĩ buwe, nʼabakama buwe, nʼesyombangĩ siwe. Ibatoka erigotsera otũgotserĩ twa kera na kera, nʼeritindabuka, Omwami atya, erĩna liwe yo Mwami Mukulu wʼemilondo.

Danĩelĩ 5:30

Oko kiro ekyo, Belsasarĩ omwami wʼAbakaldea mwĩtwa.

Nahũmũ 1:10

Kusangwa ngʼemisakisaki ĩyĩgobenĩe haguma, kandi ngʼabandu babĩrĩkũnda omwʼĩlũmba lyabo, basyaherĩbwa kutsibu ngʼesyombuba syũmĩre.