Danĩelĩ 4:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Uwe Beltesaza, omukulu wʼabasaki, kusangwa nyĩnasĩ ekĩrĩmũ kyʼesyonyamuhanga sĩbũyĩrĩre kiri omwisi syawe, kandi sihali ekĩbĩsĩre ekĩkakwĩta obũlĩge, unyibwire esyonzolĩ syʼerilota lyage, esyo nalangira, nʼeribikula lyasyo.

Danĩelĩ 4:9 Iomraidhean Croise

Enzũko 41:38

Neryo Farao mwabwira abagombe buwe ati, Twanganabana omundu oyuli ngʼoyũ, oyuli nʼOmũlĩmũ wa Nyamuhanga kwehĩ?

Ĩsaya 33:18

Omutima wawe asyaganĩrya ebyʼerĩũbahya. Ali hahi oyukaganza? Alihi oyukalenga? Ali hahi oyukaganza amanyũmba wʼemisunguliko kwehĩ?

Ĩsaya 54:14

Wasyahanganĩbwa omo litunganene. Wasyabya hali okwʼĩnũbĩbwa, kusangwa siwendisyubaha. Wasyabya hali okwʼĩũbahya, sĩryendĩsyahĩka hakũhĩ nawe.

Ezekĩelĩ 17:23

Oko kitwa kirikiri kya Ĩsraelĩ, nasyaherako. Nako ikatoka erĩlasya emitahi, nʼeriheta, nako kasyabya mũerezĩ ogowene. Nʼesyonyonyũ syosĩ syʼemihanda yosĩ syasyĩkala mugo. Syasyĩkala omo kyũtũtũ kyʼemitahi yago.

Ezekĩelĩ 28:3

Lebaya, uwite amenge kwilaba Danĩelĩ. Sihali erĩkũmbo lĩbĩsĩre ukʼuwe.

Danĩelĩ 1:20

Nʼomo myatsi yosĩ yʼamenge nʼobowĩka, umwʼebyo mwami abũlayabo; mwalebyabo ĩbanowene engendo ĩkũmĩ kwilaba abasaki nʼabalagũlĩ ababya omo butabale buwe bosĩ.

Danĩelĩ 2:47

Neryo omwami mwasũbĩrya Danĩelĩ ati, nene Nyamuhanga wenyũ ni Nyamuhanga wʼesyonyamuhanga, nʼOmwami wʼabami, nʼomũbĩsũlĩ wʼebĩbĩsĩre, kusangwa wabiritoka erĩbĩsũla ekĩbĩsĩre ekĩ.

Danĩelĩ 2:48

Neryo omwami mwahamya Danĩelĩ, mwamuha oluhembo lunene lungi, mwamũhĩra eritabala oko kihugo kyosĩ kyʼeBabelĩ, mwamũhĩra mo mũtabalĩ mukulu oko bandu bʼamenge bosĩ bʼeBabelĩ.

Danĩelĩ 4:18

Ĩngye mwami Nebũkadeneza monalangira erilota erĩ; nawe, uwe Beltesaza, ũtũle eribikula lyalyo, kusangwa abʼamenge bosĩ abʼobwami bwage sibetatoka erĩnyĩmĩnyĩsya eribikula lyasyo; nĩkwa uwe ukatoka; kusangwa ekĩrĩmũ kyʼesyonyamuhanga sĩbũyĩrĩre kiri umʼuwe.

Danĩelĩ 4:5

Monalota esyonzolĩ esĩnyĩtĩre obuba; nʼamalengekanĩa oko ngyingo yage, nʼesyonzolĩ syʼomutwe wage mosyanyĩgerũkya omutima.

Danĩelĩ 4:8

Nĩkwa enyũma, Danĩelĩ mwahuluka embere syage, oyo erĩna liwe lyabya Beltesaza, ngʼerĩna lya nyamuhanga wage, kandi omwisi siwe muli ekĩrĩmũ kyʼesyonyamuhanga sĩbũyĩrĩre; neryo monamubwira erilota lyage nyiti,

Danĩelĩ 5:11

Hane mundu omo bwami bwawe, oyuwite ekĩrĩmũ kyʼesyonyamuhanga sĩbũyĩrĩre; nʼomo biro bya tata wawe, ekyakakala nʼobowĩka nʼamenge ngʼamenge wʼesyonyamuhanga, mobyabanika omwisi wuwe. Nʼomwami Nebũkadeneza, ye tata wawe, mwamuyira mo mukulu wʼabasaki, nʼabakũmũ, nʼAbakaldea, nʼabalagũlĩ,

1 Samwelĩ 4:8

Obũlĩge kwĩtwe! Nindi wasyatũlamya omo byala byʼesyonyamuhanga syʼamaka esĩ kwehĩ? Esĩ sye yĩsyonyamuhanga esĩta Abamĩsĩrĩ omo mĩsĩndo yosĩ yʼebĩhũnze omo mbwarara.