Danĩelĩ 4:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Ĩngye Nebũkadeneza, nabya ngaluhukira omo nyũmba yage, ĩnyĩnayĩsyandĩre omo nyũmba yage yʼobwami.

Danĩelĩ 4:4 Iomraidhean Croise

Ĩsaya 56:12

Bakabũga bati, Mwase, twĩmaye ebĩnyũ, kandi tũkũnde omo bũhĩre. Nʼomo ngyakya yasyabya nga mũnabwĩre, na kwilaba aho.

Yeremĩa 48:11

Moabũ abirihumula okwʼĩtsũka obũlwana buwe. Abiriluhuka busana nʼebindu ebyo abĩkĩre, sialitabũngũlĩkanĩbwa omo syonyungu, kutse sialitaya omo bunyegwa. Busana nʼekyo erĩgerya liwe likamubyako nʼerikumba liwe siryetahinduka.

Ezekĩelĩ 28:17

Omutima wawe ayĩhamaya busana nʼobukange bwawe. Mowatsandya amenge wawe busana nʼerĩkangabasanĩa lyawe. Neryo monakugusa oko kitaka. Monakũhĩra embere syʼabami, bakusamalire.

Ezekĩelĩ 29:3

Ũbũge uti, Umukama, Iye Omwami Mukulu ati, Ũlebaye, ngalwa nawe, uwe Farao omwami wʼeMĩsĩrĩ, ekiyoka kinene ekĩkere omo katĩkatĩ kʼesyonyũsĩ syako, kyabĩrĩbũga kiti, Olũsĩ lwʼeNĩlĩ lwage ni lwage, ĩngyowene nabirihangikalo.

Danĩelĩ 2:11

Kandi ni mwatsi owatebanika na mũhwa ogo mwami akabũlaya, kandi sihali gundi mundu wangatoka erĩmĩnyĩsyago omwami, sye nʼesyonyamuhanga, esitawite ahʼerĩĩkala haguma nʼabandu.

Danĩelĩ 4:19

Neryo Danĩelĩ, oyukahulawa mo Beltesaza, mwabumbubana akatambĩ, nʼamalengekanĩa wuwe mwamũswekya. Nʼomwami mwasũbĩrya ati, Beltesaza, Suleke erilota erĩ nʼeribikulalyo lĩkakũswekya. Beltesaza mwamũsũbĩrya ati, Omukama wage, erilota erĩ ni ryʼabakakũkwa obusu, nʼeribikula lyalyo libye oko syonzĩgũ syawe.

Danĩelĩ 5:8

Neryo abandu bosĩ bʼamenge bʼomwami mobahĩkaho; nĩkwa mobatatoka erisoma amasako, kutse erĩmĩnyĩsya omwami eribikula lyago.

Zefania 1:12

Neryo oko mugulu oyo, nasyasonda-sondya eYerũsalema omo syotala; kandi nasyasuyira abandu ababiritsanda omo mitima yabo, abakabũga omo mitima yabo bati, Omwami Mukulu siendisyakola ebibuya, kutse ebibi.