Danĩelĩ 4:37 - AMASAKO ABOYTRTRE WA NYAMUHANGA AWAKAHULAWA MO BIBLIA

³⁷ Na lino ĩngye Nebũkadeneza, ngapipa, nʼerihalamba, nʼerĩsĩkya Omwami wʼelubula, kusangwa emĩbĩrĩ yiwe yosĩ ni kwenene, nʼesyonzira siwe nĩ ʼbanza litunganene; nʼabakalendera nʼeriyiheka, akatoka erĩkehyabo.

Danĩelĩ 4:37 Iomraidhean Croise

2 Emyatsi yʼEmigulu 33:19

Nʼerisaba liwe nibya, kandi ngoko Nyamuhanga amũlĩgĩra erĩmowa, nʼebibi biwe byosĩ, nʼerilegula liwe, nʼaho ahĩmba ahendata, nʼerisingika esyosanamu sya Asera, nʼesindi sanamu esĩbatsĩre, emuliro wʼerĩyĩkehya liwe, lebaya bĩsakĩre omo myatsi ya Hozaĩ.

Esĩterĩ 6:10

Neryo omwami mwabwira Hamanĩ, ati, Wanguhe wĩmaye esyongimba nʼesabayĩrĩ, ngoko wabĩrĩbũga, ukolere Mordekayĩ Omũyũda yʼutya, oyo wĩkere omo lũkyo lwʼOmwami; sũsĩganaye nʼekiguma oko byosĩ ũlĩabũga.

Esyonyimbo 119:75

Nyĩnasĩ amahamulo wawe, uwe Mwami Mukulu, atunganene, Kandi mowanyisuyira kusangwa Suliregula.

Esyonyimbo 99:4

Uwe Mwami wʼobũtokĩ, wanzĩre ekitunganene, Wabiriretera Ĩsraelĩ erĩbanza libuya. Wabirireta eritunganene nʼeritindasombola abandu.

Erĩlũayo 18:11

Lino nyasĩ Omwami Mukulu ni mukulu kwilaba esyonyamuhanga syosĩ; ega, omo mwatsi oyo, bakolerabo omwʼiyipipa.

Erĩlũayo 8:4

Nʼebikere byasyakuhetukako, nʼoko bandu bawe nibya, nʼoko bagombe bawe bosĩ.

Ĩsaya 23:9

Omwami Mukulu wʼemilondo yo wakandayirirakyo, erĩtsandya eriyiheka lyʼolukengerwa losĩ, erireka ibapona abasĩkĩbwe bosĩ bʼekihugo.

Ĩsaya 5:16

Nĩkwa Omwami Mukulu wʼemilondo asyahamĩbwa omwʼitswera, na Nyamuhanga oyũbũyĩrĩre asyayĩkangya mo mũbũyĩrĩre omo litunganene.

Yeremĩa 50:29

Mubirikire haguma abalasĩ bʼemisoha erilwa nʼeBabelĩ, nʼabosĩ abakakanda obuta. Muhande enganda erĩmũtĩmbako, sĩhabalĩbawe nʼomuguma wa kubo. Mumulihe ngʼemĩbĩrĩ yiwe. Ngʼebyosĩ abirikola, mukolebyo mutya, kusangwa abĩrĩyĩhamya nʼerilwa nʼOmwami Mukulu, nʼerilwa nʼoyũbũyĩrĩre wa Ĩsraelĩ.

Ezekĩelĩ 16:56

Ngoko erĩna lya mwali wenyũ Sodomo mwatahulwa omo mĩnywa yawe oko kiro kyʼeriyiheka lyawe,

Ezekĩelĩ 16:63

iwaminya eryibuka nʼerĩkwa esĩsonĩ, nʼeritindaswakũmbũla obuno bwawe kera na kera busana nʼesĩsonĩ syawe omugulu namabikubuyira ebyosĩ ebyo wabirikola, Omukama Iye Omwami Mukulu atya.

Danĩelĩ 4:26

Kandi ngoko bahamula erĩsĩga ekĩsĩkĩ nʼemĩrĩhĩ yʼomuti; obwami bwawe bwasyabya ibune bwawe wamabiminya olubula ko lukatabala.

Danĩelĩ 4:3

Ebĩmĩnyĩsyo biwe ko biri binene! Nʼebyʼeriswekera biwe ko biri byʼamaka! Obwami buwe ni bwami bwʼerikota, nʼeritabala liwe likabya oko ndengo ndengo.

Danĩelĩ 4:34

Neryo ebiro ebyo byabere byabihwa, ĩngye Nebũkadeneza, monasumbira ameso wage elubula, nʼobũlengekanĩa bwage mobwanyisubako, monapipa Owendata Kutsibu, monamupipa nʼerĩmũsĩkya, oyuliho kera na kera; kusangwa eritabala liwe ni ʼtabala lya kera na kera, nʼobwami buwe ni bʼoko ndengo ndengo.

Danĩelĩ 5:4

Mobapũlya ebĩnyũ, mobapipa esyonyamuhanga syʼesyamagetsi, nʼesyʼekĩtsĩpa, nʼesyʼemiringa, nʼesyʼekyuma, nʼesyʼemiti, nʼesyʼamabwe.

Matayo 11:25

Oko mugulu oyo Yesu mwasũbĩrya ati, Ngakupipa uwe Tata, Omukama wʼolubula nʼekihugo! Kandi wabĩrĩbĩsa emyatsi eyĩ oko bʼamenge nʼabʼeriminya, nĩkwa wabĩrĩbĩsũlĩrayo oko bana balere.

Emibiri 17:24

Nyamuhanga oyo wahangika ekihugo, nʼebindu byosĩ birimo, iye ni Mukama wʼolubula nʼekihugo, sĩalĩkala omo syohekalũ esĩkahĩmbawa omo byala byʼabandu.

Eryibuka Ebihano 32:4

Omũhanganĩrĩ oyo! Omũbĩrĩ wuwe ahĩkene; Kusangwa emibere yiwe yosĩ itunganene. Nyamuhanga oyuteregula kandi oyute nʼomwatsi ate wʼeribanza litunganene. Atunganene, kandi ni wʼerĩbanza lyʼekwenene.

Eribisurirwa 15:3

Babya bakimba Olwimbo lwa Musa, omugombe wa Nyamuhanga, nʼolwimbo lwʼEkyana kyʼEmbũlĩ, bati, Uwe Mwami Mukulu Nyamuhanga, Omũtokĩ Wʼebyosĩ, Emĩbĩrĩ yawe ni minene-minene, nʼeyʼeriswekera! Uwe Mwami wʼebihanda, Esyonzira syawe situnganene, kandi ni syʼekwenene!

Eribisurirwa 16:7

Neryo monowa ekiherero kĩkabũga kiti, Ega, Uwe Mukama Nyamuhanga, Omũtokĩ Wʼebyosĩ! Eritswera lyawe ni ryʼekwenene, kandi litunganene!

1 Samwelĩ 2:3

Simuyihalambe kandi nʼeriyanza mutya; Eriyihandika sirihuluke omo buno bwenyũ; Kusangwa Omwami Mukulu ni Nyamuhanga wʼeriminya, Naye akalenga emikolere.