Danĩelĩ 4:32 - AMASAKO ABOYTRTRE WA NYAMUHANGA AWAKAHULAWA MO BIBLIA

³² Wasyahigwa erĩlũa hakũhĩ nʼabandu; nʼerĩĩkala lyawe lyasyabya haguma nʼesyonyama syʼomolĩ; wasyalĩsĩrĩrĩbwa oko biti ngʼesyonde; nʼemigulu irinda yasyakulabako erĩhĩka aho wasyaminyira Owendata Kutsibu kwʼakatabala oko bwami bwʼabandu kandi akahabo oko oyo anzĩre erihabo.

Danĩelĩ 4:32 Iomraidhean Croise

2 Emyatsi yʼEmigulu 33:13

Omugulu Manase amusaba, Omwami Mukulu mwamũlĩgĩra, mowa erilaka liwe, mwamũsũbya eYerũsalema omo bwami buwe. Neryo Manase mwaminya ngoko Mwami Mukulu yo na Nyamuhanga.

Yobũ 42:2

Nyĩnasĩ kʼukatoka erikola emyatsi yosĩ, Isihali ebyo ũkandayĩrĩre ekikandisyakũbĩbwa.

Yobũ 9:12

Amapũra kindu, nindi wanganyĩkakĩrya kwehĩ? Nindi wangamũbũlya ati, Ukakolakĩ kwehĩ?

Esyonyimbo 115:3

Nyamuhanga wetu ali omo lubula, Akakola ebyo anzĩre.

Esyonyimbo 135:6

Omwami Mukulu akakola ebyo anzĩre, Omo lubula nʼomo kihugo, omo syongetsi, nʼomo mirindi eyĩkwa.

Erĩlũayo 8:10

Neryo Farao mwabũga ati, Omo ngyakya. Kandi Musa mwabũga ati, Bibye ngʼekĩnywa kyawe; iwatoka eriminya ko hate gundi ngʼOmwami Mukulu Nyamuhanga wetu.

Erĩlũayo 9:14

Kusangwa oko mugulu ono nasyatuma ebĩhũnze byage byosĩ oko mutima wawe, nʼoko bagombe bawe nʼoko bandu bawe; iwaminya ngoko hate gundi nga ngye omo kihugo kyosĩ.

Erĩlũayo 9:29

Na Musa mwamũsũbĩrya ati, Ngandibya nabĩlũa oko mũyĩ ngandisumba ebyala byage oko Mwami Mukulu; emĩlũmo ĩyũmbya, kutse amatwa siendisyabya kandi; iwatoka eriminya ngoko ekihugo ni kyʼOmwami Mukulu.

Ĩsaya 37:20

Neryo lino, uwe Mwami Mukulu, Nyamuhanga wetu, ũtũlamaye omo byala biwe, amami gosĩ wʼekihugo atoke eriminya, uwe musa Omwami Mukulu, kʼuli Nyamuhanga.

Ĩsaya 40:15

Lebaya ebihanda biri ngʼerĩtondĩ omo kalega, bakaganzawa ngʼakasũsũ kʼolũtũtũ oko lulengo lwʼekĩlo. Lebaya, akasumba ebitsira ngʼolũtũtũ luke kutsibu.

Ĩsaya 40:17

Embere siwe ebihanda byosĩ bikabya nga busa. Akaganzabyo mo hike-hike nga busa, ngʼomute kindu.

Ĩsaya 45:3

Kandi nasyakuha obuteke bʼomwĩrĩmya, nʼobuteke bwʼomwanya abĩsamĩre, iwatoka eriminya kwʼindi nĩna ngye, Mwami Mukulu, elĩ oyukakubirikira omo lĩna lyawe.

Yeremĩa 27:5

Nabirihangika ekihugo, nʼabandu, nʼesyonyama esiri omo kihugo, omo bũtokĩ bwage bunene nʼamaka wage, nage nasyahakyo ũkwʼoyũkanyĩtsemesaya.

Danĩelĩ 2:21

Kandi akabindula emigulu nʼebirimo; akasingula abami, kandi ĩnĩasĩngya abami; akaha amenge oko bʼamenge, akaha eriminya oko banyima;

Danĩelĩ 4:31

Omugulu ekĩnywa ekyo kikine omo buno bwʼomwami omulenge mwasa erĩlũa elubula ati, Uwe mwami Nebũkadeneza, kyamabũgwa ukʼuwe kiti, Eribya mwami lyamalũsĩbwa ukʼuwe.

Danĩelĩ 5:21

Neryo mwahigirwa hali oko bandu, nʼomutima wuwe mwayirwa, ngʼowʼesyonyama, nʼerĩĩkala liwe molyabya haguma nʼesyopunda syʼomolĩ. Neryo mwalĩsĩrĩrĩbwa oko biti ngʼesyonde, nʼomubiri wuwe mwatsapa omo kimi kyʼekyanya erĩhĩka aho aminyira ko Nyamuhanga Wʼendata Kutsibu yukatabala oko bwami bwʼabandu, kandi ngoko akahanganaya kubo oyo anzĩre.

Yosũa 4:24

abandu bosĩ bʼekihugo batoke eriminya ebyala byʼOmwami Mukulu, ko biri byʼobũtokĩ; imwatoka eriubaha Omwami Mukulu Nyamuhanga wenyũ kera na kera.