Danĩelĩ 4:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Ebĩmĩnyĩsyo biwe ko biri binene! Nʼebyʼeriswekera biwe ko biri byʼamaka! Obwami buwe ni bwami bwʼerikota, nʼeritabala liwe likabya oko ndengo ndengo.

Danĩelĩ 4:3 Iomraidhean Croise

Yobũ 25:2

Eritabala nʼerisweka biri haguma naye; Akakola buholo omo myanya yiwe yʼendata.

Esyonyimbo 104:24

Uwe Mwami Mukulu, wabirihangika myatsi mingi! Wabirihangika ebyosĩ omo menge manene! Ekihugo kyoswĩre mwʼebihangikwa byawe.

Esyonyimbo 105:27

Mobakola emĩbĩrĩ ya Nyamuhanga eyĩkalĩre, Kandi mobakola ebitiko-tiko eMĩsĩrĩ.

Esyonyimbo 145:13

Obwami bwawe ni bwʼerikota, Nawe uli Mwami kera na kera. Nyamuhanga sialiregula omo ndagane siwe, Kandi ni mubuya omo byosĩ akakola.

Esyonyimbo 66:7

Akatabala kera na kera omo maka wuwe, Ameso wuwe akasamalira ebihanda; Sihabye abakahona nʼabakamubambira!

Esyonyimbo 72:18

Mupipe Omwami Mukulu Nyamuhanga, Nyamuhanga wa Ĩsraelĩ, Oyukakola emyatsi eyi yʼeriswekera!

Esyonyimbo 77:19

Mowalaba omo ngetsi, Kandi mowasoka omo ngetsi nene-nene. Nĩkwa olugobe lwawe molutalolwako.

Esyonyimbo 86:10

Kusangwa uli mbangi, ukakola emyatsi yʼeriswekera; Uwe ĩwowene uli Nyamuhanga.

Esyonyimbo 92:5

Uwe Mwami Mukulu, emĩbĩrĩ yawe ni minene-minene! Amalengekanĩa wawe ni mali-mali!

Ĩsaya 25:1

Uwe Mwami Mukulu, uwe uli Nyamuhanga wage; Ngandĩkũhamya, ngandiha ewasĩngya oko lĩna lyawe; Kusangwa wabirikola emyatsi yʼeriswekera, Erĩyĩsũnza lyategekanĩbawa kera, omo butalegula bũhĩkene,

Ĩsaya 28:29

Ekĩ nakyo kĩkalũa oko Mwami Mukulu wʼemilondo, oyo wayira amahano wʼeriswekera, nʼamenge wuwe mo manene.

Ĩsaya 9:7

Erikanya lyʼeritabala liwe ryʼobuholo siryendisyayira ndũlĩ, oko kĩtũmbĩ kyʼobwami bwa Dawĩdĩ nʼoko bwami buwe, erĩhanganĩabo nʼerĩsĩkyabo omo lĩbanza nʼomo litunganene, erĩtsũka lino nʼerĩhĩka kera na kera. Omũhwa wʼOmwami Mukulu wʼemilondo asyakola ekĩ.

Yeremĩa 10:10

Nĩkwa Omwami Mukulu yo Nyamuhanga wʼekwenene. Iye ni Nyamuhanga oyuliho, kandi ni Mwami wa kera na kera. Erihitana liwe lĩkatĩtĩmanaya ekihugo, nʼebihanda sibyetoka eribegera erihitana liwe.

Danĩelĩ 2:2

Neryo omwami mwahamula abasaki nʼabakũmũ nʼabalagũlĩ, nʼAbakaldea, ati babirikirawe eribikulira omwami erilota liwe. Neryo mobahangana embere syʼomwami.

Danĩelĩ 2:44

Nʼoko biro byʼabami abo, Nyamuhanga wʼelubula asyahanganĩa obwami obũtendĩsyaherĩbwa na kera, kutse eritabala lyabo siryendĩsyasĩgĩrwa abandi bandu; nĩkwa bwasyatulanga mo bihande bihande nʼeribuga amami gosĩ aya, nabo bwasyahangana kera na kera.

Danĩelĩ 4:17

Eritswera erĩ ni ryʼerihamula lyʼabateya, kandi erĩtwa omwatsi oyũ ni busana nʼekĩnywa kyʼababũyĩrĩre; busana nʼerĩmĩnyĩsya ngoko abaliho batoke eriminya ngoko Owendata Kutsibu akatabala oko bwami bwʼabandu, akahabo oko oyo anzĩre, kandi akahanganaya mubo omugunda.

Danĩelĩ 7:14

Naye mwahabwa eritabala, nʼolukengerwa, nʼobwami, abandu bosĩ nʼebihanda, nʼemĩbũge bamukolere; eritabala liwe ni ʼtabala lya kera na kera, eritendisyahwaho, nʼobwami buwe ni bwami obũtendĩsyaherĩbwa.

Danĩelĩ 7:27

Nʼobwami nʼobutabale nʼobukulu bwʼamami eyĩkwa wʼamatũkũ gosĩ, byasyahabwa oko bandu ba Nyamuhanga Owendata Kutsibu. Obwami buwe ni bwami bwa kera na kera, nʼamatabale gosĩ asyamukolera nʼerimukenga.

AbanyaRoma 11:33

Kwenene obukulu bwa Nyamuhanga ni bunene! Kwenene Nyamuhanga awite amenge gosĩ nʼeriminya lyosĩ! Sihali mundu wangaminya erisoha liwe! Sihali mundu wangaminyerera esyonzira siwe!

Eryibuka Ebihano 4:34

Kutse hali nyamuhanga oyo wabirirenga erĩyĩmĩrya ekihanda omo katĩkatĩ kʼekindi kihanda, omo malĩge, nʼomo biminyikalo, nʼomo byʼeriswekera, nʼomo malwa, nʼomo byala byʼamaka, nʼomo kuboko kũyĩsũmbĩre, kandi omo byʼerĩũbahya binene, ngʼebyosĩ ebyo Mwami Mukulu Nyamuhanga wenyũ abakolera omo Mĩsĩrĩ embere syʼameso wenyũ kwehĩ?

1 Timoteo 1:17

Neryo erĩsĩkya nʼolukengerwa bya kera na kera bibye oko Mwami Wʼerikota, oyutehola, kandi oyutelolawako, ye Nyamuhanga ĩyowene-wene. Amina.

AbaEbrania 1:8

Nĩkwa Nyamuhanga akabũga busana nʼomugala ati, Ekĩtũmbĩ kyawe kyʼobwami, uwe Nyamuhanga, ni kya kera na kera, Ukatabala oko bwami bwʼerĩbanza.

AbaEbrania 2:4

Kandi Nyamuhanga mwatũlago haguma nabo iniakakola ebiminyikalo, byʼobũtokĩ, nʼebyʼeriswekera, nʼebitiko-tiko mĩsĩndomĩsĩndo. Kandi mwaha olũsũnzo lwʼOmũlĩmũ Abũyĩrĩre ngʼerisonda liwe.

1 Petero 4:11

Oyũkatũlago, atũle ebĩnywa bya Nyamuhanga. Oyukakola omũbĩrĩ, akolego omo maka ago Nyamuhanga akamuha. Neryo omo myatsi yosĩ Nyamuhanga apipawe busana na Yesu Kristo. Olukengerwa nʼobũtokĩ ni biwe kera na kera. Amina.

Eribisurirwa 11:15

Neryo omũlaĩka wʼakalinda mwabuha engubi yiwe, neryo emirenge minene-minene omo lubula moyabũga iti, Obwami bwʼekihugo bwabiribya bwami bwʼomukama wetu, nʼobwa Kristo wuwe, naye asyatabala kera na kera!