Danĩelĩ 4:27 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁷ Busana nʼekyo uwe mwami erihana ryage erĩ libane erĩkũtsemesya, uleke ebibi byawe busana nʼebitunganene, uleke amalolo wawe, Uganyire abera; kwamũhwa wanganabana erĩkanyĩrĩrya Obuholo bwawe.

Danĩelĩ 4:27 Iomraidhean Croise

Enzũko 11:4

Neryo bati, Mwase, tũyĩhĩmbĩre omũyĩ, nʼenyũmba nyirinyiri, omutwe wayo ahĩke elubula, neryo tuyiyirire erĩna tukasyapanza-panzirwa oko bugali bwʼekihugo kyosĩ.

1 Abami 21:29

Wamalangira ngoko Ahabũ akayĩkehaya embere syage kwehĩ? Kusangwa akayĩkehaya embere syage, sindiendisyaleta ebibi ebyo omo biro biwe; nĩkwa omo biro byʼomugala wuwe nasyaleta ebibi ebyo oko kĩtũnga kiwe.

Esyonyimbo 119:46

Nasyambagulira abami bʼebihano byawe, Sĩndĩendĩsyakwa esĩsonĩ.

Emĩsyo 11:2

Omugulu eriyanza lĩkahĩka, neryo esĩ­sonĩ sĩkahĩka; Nĩkwa amenge ali haguma nʼabakayolobeka.

Emĩsyo 16:6

Busana nʼolukogo nʼekwenene ebibi bikalihirawa embanulo; Kandi busana nʼeriubaha lyʼOmwami Mukulu abandu bakayisolola oko kibi.

Emĩsyo 28:13

Oyũkakũnĩngĩra ebibi biwe siendĩsyowana; Nĩkwa oyũkakangayabyo nʼerirekabyo asyabana eriganyirwa.

Ĩsaya 10:13

Kusangwa abĩrĩbũga ati, Omo maka wʼebyala byage nabirikola ebyo, nʼomo menge wage. Kusangwa nangwite amenge, kandi nabĩrĩlũsya emitano yʼebihanda, kandi nabĩrĩhũnga ebindu byabo, kandi ngʼembangĩ nabĩrĩterya esyondũlanĩ syabo.

Ĩsaya 47:10

Kandi wabiriyiketera Obuholo omo bubi bwawe uti, Sihali oyũndolĩre, amenge wawe nʼeriminya lyawe byabirikuteba, kusangwa mowabũga omo mutima wawe uti, Ĩngye nyine, sihali gundi nĩna ngye.

Ĩsaya 47:8

Neryo lino uhulikirire ekĩ, uwe ũkayĩtsemesaya, oyo wĩkere ndeke, uwe ũkabũga omo mutima wawe uti, Ĩngye nyine, kandi sihali gundi nĩna ngye. Sĩndĩendĩsyĩkala ngʼomũkwakalĩ, kutse sĩndĩendĩsyakwĩrwa abana.

Yeremĩa 29:7

Mũsondaye Obuholo bʼomũyĩ oyo eyo nabahũngĩsaya, musabirego oko Mwami Mukulu. Kusangwa omo buholo bwago mwasyabana Obuholo.

Yeremĩa 38:20

Nĩkwa Yeremĩa mwabũga ati, Sibendisyakuhotera. Kĩsĩ-kĩsĩ nyiti, Ukenge omulenge wʼOmwami Mukulu umwʼebyo ngakubwira, neryo omwatsi asyakowanako, nʼomutima wawe asyabyaho.

Ezekĩelĩ 18:7

kandi omundu sĩalĩtanũbya mundu, nĩkwa abĩrĩsũbũlya oko mũbwekĩ omuwato wuwe, ĩsĩalĩtĩba, abiriha ebyalya biwe oko bawĩrĩ, kandi abiriswika abʼendũmbũ bʼesyongimba,

Ezekĩelĩ 29:3

Ũbũge uti, Umukama, Iye Omwami Mukulu ati, Ũlebaye, ngalwa nawe, uwe Farao omwami wʼeMĩsĩrĩ, ekiyoka kinene ekĩkere omo katĩkatĩ kʼesyonyũsĩ syako, kyabĩrĩbũga kiti, Olũsĩ lwʼeNĩlĩ lwage ni lwage, ĩngyowene nabirihangikalo.

Ezekĩelĩ 29:9

Nʼekihugo kyʼeMĩsĩrĩ kyasyabya kĩma nʼomulala. Neryo basyaminya ko ndi Mwami Mukulu. Kusangwa wabũga uti, Olũsĩ lwʼeNĩlĩ ni lwage, nabiriyireteralo,

Yoelĩ 2:14

Nindi wasĩ kwʼasyabinduka nʼerioloba, nʼerĩsĩga omũyĩsa enyũma wuwe, obuhere bwʼengano nʼobuhere bwʼerĩũtũlĩra ahisi oko Mwami Mukulu Nyamuhanga wenyũ kwehĩ?

Amosĩ 6:13

Ĩnywe mukatsemera ekindu kitya-kitya, ĩmũkabũga muti, Motutayihambira amahembe abiri omo maka wetu kwehĩ?

Yona 3:9

Nindi wasĩ Nyamuhanga ngʼanganabinduka nʼeriyisubako, nʼerireka erihitana liwe lĩkalĩre, itutahera kwehĩ?

Habakũkĩ 1:11

Neryo bakalaba ngʼerihunga nʼerilaba embere. Nĩkwa basyabanika kʼomusango, abakayira amaka wabo mo nyamuhanga wabo.

Zefania 2:15

Oyũ nĩ mũyĩ wʼobutseme owĩkere buholo, owakabũga omo mutima wago ati, Nyineho, kandi sihali ogundi butsira ngye. Nago abiribya kĩma ati, aho esyonyama sikabundama! Obuli mundu oyukalaba aho ali asyasyolya ati, Esss, nʼerĩtsĩngya ebyala biwe eriponago.

Matayo 3:8

Mukole emĩbĩrĩ eyikaleka abandu ibaminya ko mwabiribindula emitima erireka ebibi byenyũ.

Luka 11:41

Nĩkwa mugabire abandu bera ebiri omwisi wʼolũtehĩ nʼekibindi, neryo ebyosĩ byasyera.

Emibiri 24:25

Kandi omugulu Paũlo abya akakanĩa omwatsi wʼeritunganene nʼowʼerĩyĩteya, nʼomwatsi wʼeritswera erikandisyasa, Felĩkĩ mubaha ati, Lino ukatagenda, neryo nasyabya nabibana omugulu nasyaswakubirikira.

Emibiri 26:20

Nĩkwa monatsũka erĩkangĩrĩrya bandu bʼeDamasĩkĩ, nʼabandu bʼeYerũsalema, nʼomo kihugo kyosĩ kyʼeYũdea, nʼoko Bihanda, nyiti babindule emitima yabo balũe kwʼebibi, babindukire Nyamuhanga, kandi bakole emĩbĩrĩ eyo eyĩkakangaya eribinduka lyabo.

Emibiri 8:22

Neryo ubindule omutima wawe uleke obubi bwawe obũ, usabe Omukama, erisonda lyʼomutima wawe, libuyirawe ukʼuwe.

2 AbanyaKorinto 5:11

Neryo kusangwa tũnasĩ olubahwa lwʼOmukama, tukahanirira abandu, nĩkwa tuminyikere uku Nyamuhanga; kandi tuli nʼamaha ko mwasyatuminya ndeke omo mitima yenyũ.

AbanyaGalatia 5:13

Kusangwa balĩkyetu, ĩnywe mwabĩrĩkĩrĩrya eribya nʼobwĩranda. Nĩkwa simuleke obwĩranda bwenyũ bũkabakolesya esyongumbu syʼomubiri; nĩkwa mukolerane omo lwanzo.

AbanyaGalatia 5:22

Nĩkwa emikolere eyĩkalũa oko Mũlĩmũ yeyĩ: olwanzo, obutseme, Obuholo, eriyibombeka, obwenge, obubuya, eritendiregula,

AbanyaGalatia 5:6

Kusangwa omugulu tumatikene na Kristo Yesu, erĩbanĩbwa si kindu. Nʼerĩ tendĩbanĩbwa si kindu. Omwatsi munene nĩʼkĩrĩrya erikakola omo lwanzo.

AbanyaEfeso 4:28

Omwĩbĩ syĩbe kandi, nĩkwa akole omũbĩrĩ owene omo byala biwe, iniatoka eribana akʼerirya kandi iniatoka erĩwatĩkya abera.

Eryibuka Ebihano 24:13

kwenene mwasyamũsũbũlĩrya omuwato omugulu eryuba likalenga, iniatoka erigotsera omo lukimba luwe, nʼeribatsumula; nʼekyo kyasyabya eritunganene busana nenyũ embere syʼOmwami Mukulu Nyamuhanga wenyũ.

Eryibuka Ebihano 32:27

Kumbe sinabya ngubaha erĩũmũkya lyʼenzĩgũ, Esyonzĩgũ syabo sikasyahaba omwʼitswera, Bakasyabũga bati, Ebyala byetu byabĩrĩkĩnda, Kandi Omwami Mukulu sialitakola ebyosĩ ebĩ.

Eryibuka Ebihano 8:17

Mũkasyabũga omo mutima wenyũ muti, Akagala nʼeritoka lyʼebyala byage byabirinyibanira obuteke obũ.

1 Petero 4:8

Kwilaba emyatsi yosĩ, mũkwe omũhwa wʼerianzana kutsibu, kusangwa olwanzo lũkakũnĩngĩra ebibi bingi.