Danĩelĩ 4:21 - AMASAKO ABOYTRTRE WA NYAMUHANGA AWAKAHULAWA MO BIBLIA

²¹ nʼebikoma byago ebyabya bibuya, nʼebĩgũma byago bingi, nʼomwisi wago ebyalya byabya busana nʼabosĩ; nʼomo ndĩna yago esyonyama syʼomolĩ mosyĩkala, nʼesyonyonyũ syʼomo kyanya mosyahĩra obwĩkalo bwasyo oko mitahi yago,

Danĩelĩ 4:21 Iomraidhean Croise

Esyonyimbo 104:17

Eyo esyonyonyũ sĩkahĩra esyonyutu syasyo; Ebĩrobĩ bĩkahĩra esyonyutu syabyo omo miti yʼekĩlagũ.

Ezekĩelĩ 17:23

Oko kitwa kirikiri kya Ĩsraelĩ, nasyaherako. Nako ikatoka erĩlasya emitahi, nʼeriheta, nako kasyabya mũerezĩ ogowene. Nʼesyonyonyũ syosĩ syʼemihanda yosĩ syasyĩkala mugo. Syasyĩkala omo kyũtũtũ kyʼemitahi yago.

Ezekĩelĩ 31:6

Esyonyonyũ syosĩ syʼekyanya mosyahĩmba esyonyutu syasyo omo mitahi yago, nʼeyĩkwa wʼemitahi yago esyonyama syʼomolĩ mosyabutirayo, nʼomo kyũtũtũ kyago ebihanda bikulu mobĩkalamo.

Danĩelĩ 2:38

nʼehosĩ aho abana bʼabandu bĩkere, esyonyama syʼomolĩ, nʼesyonyonyũ syʼekyanya abĩrĩhĩrasyo omo byala byawe, abĩrĩkũtabalĩsya kusyo esyosĩ. Uwe uli mutwe wʼesyamagetsi.

Danĩelĩ 4:11

Omuti oyo mwalasa, mwabya nʼamaka, nʼobuli bwago mobwahĩka omo kyanya nʼerilolwako lyago molyahĩka oko ndũlĩ yʼekihugo kyosĩ.

Danĩelĩ 4:20

Omuti ogo walangira, owalasa, nʼeribana amaka, obuli bwago obwahĩka omo kyanya, nʼerilolwako lyago erĩhĩka omo kihugo kyosĩ;

Danĩelĩ 4:22

nina we, mwami; wabirikula nʼeribana amaka; kusangwa obukulu bwawe bwabiribya bunene, nʼerĩhĩka omo kyanya, nʼeritabala lyawe lyamahĩka oko ndũlĩ yʼekihugo.

Luka 13:19

Bulingene nʼembuto yʼeharadalĩ eyo mundu ĩmaya nʼeribibayo omwʼirima liwe; nayo moyakula moyabya muti munene, nʼesyonyonyũ syʼekyanya mosyahĩmba esyonyutu syasyo oko mitahi yago.