Danĩelĩ 4:19 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁹ Neryo Danĩelĩ, oyukahulawa mo Beltesaza, mwabumbubana akatambĩ, nʼamalengekanĩa wuwe mwamũswekya. Nʼomwami mwasũbĩrya ati, Beltesaza, Suleke erilota erĩ nʼeribikulalyo lĩkakũswekya. Beltesaza mwamũsũbĩrya ati, Omukama wage, erilota erĩ ni ryʼabakakũkwa obusu, nʼeribikula lyalyo libye oko syonzĩgũ syawe.

Danĩelĩ 4:19 Iomraidhean Croise

Enzũko 31:35

Neryo Rakelĩ mwabũga na tata wuwe ati, Omukama wage, siahitane sinangatoka erihangana embere syawe kusangwa nyiri oko mitsye yʼabakalĩ. Nĩkwa Labanĩ mwasondyabyo, nĩkwa mwatabana ebisambo ebyo.

Enzũko 32:18

neryo ĩwabũga uti, Ni syʼomugombe wawe Yakobo. Ni luhembo lukatumawa oko mukama wage Esaũ. Neryo lebaya, naye ane enyũma syetu.

Enzũko 40:12

Neryo Yosefũ mwamubwira ati, Eribikula lyalo lyerĩ. Emitahi ĩsatu ni biro bisatu.

1 Abami 18:7

Neryo omugulu Obadĩa abya omo nzira, lebaya, Elĩya mwahĩndana naye, na Obadĩa mwamuminya, mwamũnamira ahisi, mwabũga ati, Nina we, omukama wage Elĩya kwehĩ?

Erĩlũayo 32:32

Nĩkwa lino wamasonda ubuyire erĩlolo lyabo; bite bitya, ngakusaba, unyisangule, erĩlũa omo kitabu ekyo wabirisaka.

Yeremĩa 29:7

Mũsondaye Obuholo bʼomũyĩ oyo eyo nabahũngĩsaya, musabirego oko Mwami Mukulu. Kusangwa omo buholo bwago mwasyabana Obuholo.

Yeremĩa 4:19

Ekĩrĩmũ kyage! Ekĩrĩmũ kyage! Ngagalawa! Uwe mutima wage! Omutima wage akalũa omo nda. Sinditoka erihuna, kusangwa uwe mutima wage, wabĩrĩowa omulenge wʼengubi, ehee yʼamalwa.

Danĩelĩ 1:7

Omukulu wʼebikonwe mwalukabo amena; mwaha Danĩelĩ erĩna lya Beltesaza, nʼuku Hanania erĩna lya Sadĩrakĩ; nʼuku Mĩsaelĩ, Mesakĩ; nʼuku Azaria Abedenego.

Danĩelĩ 2:26

Nʼomwami mwasũbĩrya mwabwira Danĩelĩ oyo wabya akahulwa mo Beltesaza, ati, Wanganatoka erĩnyĩmĩnyĩsya erilota eryo nabirilangira, nʼeribikula lyalyo kwehĩ?

Danĩelĩ 2:37

Uwe mwami uli mwami wʼabami, na Nyamuhanga wʼelubula abirikuha obwami, nʼobũtokĩ, nʼamaka, nʼolukengerwa;

Danĩelĩ 4:24

Eribikula lyasyo lyerĩ, uwe mwami, kandi ni ʼhamula lyʼOwendata Kutsibu erĩkahĩka oko mukama wage omwami.

Danĩelĩ 5:12

Kusangwa ekĩrĩmũ kibuya nʼeriminya, nʼobowĩka nʼeribikula, nʼerĩbĩsũla emĩsyo, nʼerĩrekya ebiremene, mobyabanika umu Danĩelĩ oyo, oyo mwami ahula mo Beltesaza. Neryo lino Danĩelĩ abirikirawe, naye akandĩkangya eribikula.

Danĩelĩ 5:18

Uwe mwami, Nyamuhanga Wʼendata Kutsibu mwaha tata wawe Nebũkadeneza obwami, nʼobukulu, nʼolukengerwa, nʼerĩkangabasanĩa.

Danĩelĩ 5:19

Neryo busana nʼobukulu obo amuha, abandu bosĩ nʼebihanda, nʼemĩbũge bakatitimana nʼeriubaha embere siwe. Oyo abya anzĩre erĩĩta, ĩnĩamwĩta, nʼoyo anzĩre eribyaho iniabyaho; nʼoyo anzĩre erĩhamya ĩnĩamũhamya, nʼoyo anzĩre erĩkehya ĩnĩamũkehya.

Danĩelĩ 7:15

Nĩkwa ĩngye Danĩelĩ, ekĩrĩmũ kyage mokyakwa obũlĩge omwisi syʼomubiri wage, nʼerilota lyʼomutwe wage molyanyĩta obũlĩge.

Danĩelĩ 7:28

Eyĩ yo ndũlĩ yʼomwatsi. Nĩkwa ĩngye Danĩelĩ amalengekanĩa wage mwanyĩta obũlĩge bo kutsibu, nʼobũsũ bwage mobwahinduka; nĩkwa monabika omwatsi oyo omo mutima wage.

Danĩelĩ 8:27

Neryo ĩngye Danĩelĩ, monaluha, monalwala ebiro ebyo; neryo monahangana, monakola omũbĩrĩ wʼOmwami; kandi monasweka busana nʼerilota eryo, nĩkwa sihabya owʼeriminyalyo.

Habakũkĩ 3:10

Ebitwa mobyakulangira, mobyatitimana; Erigunga lyʼamagetsi molyatwangana; Emirindi moyahũlũkya erihuha lyayo, Moyasumbira ebyala byayo endata.

1 Samwelĩ 1:15

Neryo Hana mwamũsũbĩrya ati, Iyihi, mukama wage, ĩngye indi mũkalĩ wʼomutima wʼobũlĩge; sĩndĩtapũlya bĩnyũ kutse obũhĩre kutsibu, nĩkwa nabirilakira Omwami Mukulu nʼomutima wage.

1 Samwelĩ 24:8

Enyũma wʼaho Dawĩdĩ naye mwahangana mwalũa omo mwangalũ, neryo mwabirikira Saũlo ati, mukama wage mwami! Nʼomugulu Saũlo akebera enyũma, Dawĩdĩ mũnamĩrya obũsũ buwe bwʼahisi, mwamũnamira.

1 Samwelĩ 26:15

Neryo Dawĩdĩ mwabwira Abĩnerĩ ati, Suli mbangĩ kwehĩ? Kandi nindi yulingene nawe omo Ĩsraelĩ kwehĩ? Ko busana nakĩ sũlĩtateya omwami omukama wawe kwehĩ? Kusangwa omundu muguma mwakahĩka erĩĩta omwami omukama wawe.

1 Samwelĩ 3:17

Neryo mwabũga ati, Nĩ kĩnywa kyahi alĩabũga nawe kwehĩ? Kĩsĩ-kĩsĩ, sũmbĩsekyo. Nyamuhanga akukolere atya na kwilaba aho, wamanyĩbĩsa kindu oko myatsi yosĩ aliakubwira.