Danĩelĩ 4:14 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁴ Mwabirikira nʼomulenge munene ati, Mukonde omuti, mũtwe nʼemitahi yago, mũlagalaye ebikoma byago, mupanza-panze ebĩgũma byago; nʼesyonyama sĩlũe oko ndĩna yago, nʼesyonyonyũ omo mitahi yago.

Danĩelĩ 4:14 Iomraidhean Croise

Yobũ 24:20

Nyĩnya asyamwibirirwa; Emihuka yasyamulya nʼerisihirwa; Siendisyaswibukwa kandi; Nʼebitatunganene byasyabũnangwa ngʼomuti.

Yeremĩa 27:5

Nabirihangika ekihugo, nʼabandu, nʼesyonyama esiri omo kihugo, omo bũtokĩ bwage bunene nʼamaka wage, nage nasyahakyo ũkwʼoyũkanyĩtsemesaya.

Yeremĩa 51:6

Mutibite mũlũe omo Babelĩ, obuli mundu ayĩlamaye! Sĩmũkwe omwʼisuyira lyako, kusangwa oyũ ni mugulu wʼerĩkĩsya lyʼOmwami Mukulu. Asyalihako ngoko litolere.

Yeremĩa 51:9

Motwalenga erĩlamya Babelĩ, nĩkwa sĩalĩtalamĩbwa. Mũmũsĩge, tuyigendere obuli mundu omo kihugo kiwe, kusangwa eritswera liwe lyamahĩka elubula, nalyo lyabirisumbirwa omo kyanya.

Ezekĩelĩ 31:10

Neryo Omukama Iye Omwami Mukulu ati, Kusangwa omuti ni muli oko mubiri, na kusangwa abĩrĩhĩra esingi yago omo bĩtũ, nʼomutima wago akayiheka omo buli bwago.

Danĩelĩ 2:21

Kandi akabindula emigulu nʼebirimo; akasingula abami, kandi ĩnĩasĩngya abami; akaha amenge oko bʼamenge, akaha eriminya oko banyima;

Danĩelĩ 3:4

Neryo omũhamĩrya mwabirikira kutsibu ati, ĩnywe bandu, nʼebihanda, nʼemĩbũge, mukahamulawa,

Danĩelĩ 4:12

Nʼebikoma byago byabya bibuya, nʼebĩgũma byago ini bingi, nʼomwisi wago imuli akalyo busana nʼabosĩ; esyonyama syʼomolĩ mosyabana ekyũtũtũ omo ndĩna yago, nʼesyonyonyũ syʼekyanya mosyĩkala oko mitahi yago, nʼebihangikwa byosĩ ebiriho mobyalya kugo.

Danĩelĩ 4:23

Kandi ngoko mwami alangira omũteya oyũbũyĩrĩre akandagala erĩlũa elubula, akabũga ati, Muko nde omuti, mũherayego; nĩkwa mũsĩge ekĩsĩkĩ kyʼemĩrĩhĩ yago omo kitaka, nĩkwa haguma nʼomũlĩkĩ wʼekyuma nʼomulinga omo biti birere birere byʼomolĩ, kandi kitsape omo kimi kyʼekyanya; kandi abye akasangira haguma nʼesyonyama syʼomolĩ, erĩhĩka emigulu irinda yasyamulabako.

Danĩelĩ 4:29

Emikera ĩkũmĩ nʼeyĩbĩrĩ yabihwa, omwami abya akalendera oko lutwe lwʼekikali kyʼeBabelĩ.

Danĩelĩ 5:20

Nĩkwa omugulu omutima wuwe ayihagata, nʼekĩrĩmũ kiwe kyayiheka, kyaleka ĩnĩayĩhahamĩsya, omwami mwasingulwa omo kĩtũmbĩ kiwe kyʼobwami, nʼolukengerwa luwe molwalũsĩbwa ukwʼiye.

Danĩelĩ 5:21

Neryo mwahigirwa hali oko bandu, nʼomutima wuwe mwayirwa, ngʼowʼesyonyama, nʼerĩĩkala liwe molyabya haguma nʼesyopunda syʼomolĩ. Neryo mwalĩsĩrĩrĩbwa oko biti ngʼesyonde, nʼomubiri wuwe mwatsapa omo kimi kyʼekyanya erĩhĩka aho aminyira ko Nyamuhanga Wʼendata Kutsibu yukatabala oko bwami bwʼabandu, kandi ngoko akahanganaya kubo oyo anzĩre.

Matayo 3:10

Kandi embasa ĩnĩkĩrye oko mĩrĩhĩ yʼomuti. Obuli muti owatehetaya ebĩgũma byowene akakondawa nʼeriguswa omo muliro.

Matayo 7:19

Obuli muti owatehetaya ebĩgũma byowene akakondawa nʼeriguswa omo muliro.

Luka 3:9

Na lino embasa ĩnĩkĩrye oko mĩrĩhĩ yʼomuti, obuli muti owatehetaya ebĩgũma byowene akakondawa nʼeriguswa omo muliro.

Eribisurirwa 10:3

Neryo mwabirikira nʼomulenge munene, ngʼendale ikaruruma. Neryo abere abirikira, emĩlũmo irinda moyalũma omo mirenge yayo.

Eribisurirwa 18:2

Neryo mwabirikira nʼomulenge munene ati, Babelĩ Mukulu abiritera! Amatera! Kandi abiribya obwĩkalo bwʼesyombĩnga, nʼahʼeritamba lyʼobuli kĩrĩmũ kĩtũnda-tũndĩre, nʼahʼerisiba lyʼobuli nyonyũ yĩtũnda-tũndĩre nʼeyikaponawa.