Danĩelĩ 3:28 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁸ Neryo Nebũkadeneza mwabũga ati, Apipawe Nyamuhanga wa Sadĩrakĩ, na Mesakĩ, na Abedenego, oyo watuma omũlaĩka wuwe, nʼerĩlamya abagombe buwe abayiketera ye, ababindula ekĩnywa kyʼOmwami, nʼeriha emibiri yabo sibakolere kutse erĩramya ogundi nyamuhanga, nina Nyamuhanga wabo.

Danĩelĩ 3:28 Iomraidhean Croise

Enzũko 9:26

Neryo mwabũga ati, Omwami Mukulu, Nyamuhanga wa Semũ apipawe. Kanana abye mukobe wuwe.

1 Emyatsi yʼEmigulu 5:20

Kandi mobawatĩkĩbwa erilwa nabo, nʼAbahagarĩ mobahĩrwa omo byala byabo, nʼabosĩ ababya haguma nabo; kusangwa balakira Nyamuhanga omo malwa, naye mwalĩgĩrabo, kusangwa bayiketera ye.

2 Emyatsi yʼEmigulu 20:20

Nʼengyakya-ngyaka mobahangana nʼeriya omo mbwarara yʼeTekoa; nabo babere bakahuluka, Yosafatĩ mwahangana mwabũga ati, Uwe Yũda nʼesyondũlanĩ syʼeYerũsalema munyihulikirire; mwĩkĩrĩraye Omwami Mukulu Nyamuhanga wenyũ, ko mwasyahanganĩbwa mutya. Mwĩkĩrĩraye abamĩnyererĩ buwe, neryo mwasyabana erĩsĩngana.

2 Emyatsi yʼEmigulu 32:21

Neryo Omwami Mukulu mwatuma omũlaĩka, oyo watĩnda esyombangĩ syosĩ syʼamaka, nʼomũsondolĩ nʼabakulu omo kilaliriro kyʼOmwami wʼeAsũrĩa. Neryo mwasuba omo kihugo kiwe nʼesĩsonĩ. Nʼomugulu ahĩka omo hekalũ ya nyamuhanga wuwe, bagala buwe abo abuta mobamwĩtĩraho omo mũyalĩ.

Ezera 1:3

Omundundi oyuli omo katĩkatĩ kenyũ oko bandu buwe bosĩ, Nyamuhanga wuwe abye haguma naye, kandi ahetukire eYerũsalema, eyiri eYũda, erĩhĩmba enyũmba yʼOmwami Mukulu, Nyamuhanga wa Ĩsraelĩ, iye yo Nyamuhanga oyuli eYerũsalema.

Ezera 6:11

Kandi nabirihamula nibya nyiti, Omundu oyo wasyabindula ekĩnywa ekĩ, omugamba alũsĩbawe omo nyũmba yiwe, naye asumbawe nʼeriboherwa kugo; nʼenyũmba yiwe yibye kyabũ busana nʼomwatsi oyũ.

Esyonyimbo 103:20

Mupipe Omwami Mukulu, ĩnywe bamalaĩka bʼamaka nʼobũtokĩ, Abakakenga amahano wuwe, Abakahulikirira ebyo akabũga!

Esyonyimbo 147:11

Nĩkwa Omwami Mukulu akatsemera abakamubaha, Akatsemera abakayiketera olwanzo luwe olutyusa.

Esyonyimbo 33:18

Lebaya, Omwami Mukulu akategaya abakamubaha, Kandi akategaya abakahĩra amaha oko bubuya buwe bʼolwanzo.

Esyonyimbo 33:21

Emitima yetu yasyatsema busana naye, Kusangwa tukayiketera erĩna liwe lĩbũyĩrĩre.

Esyonyimbo 34:22

Omwami Mukulu asyalamya abagombe buwe, Kandi abakamũhĩkako bati, ahanganĩrebo, sibendĩsyasĩngwa.

Esyonyimbo 62:8

Ĩnywe bandu bage, muyiketere Nyamuhanga emigulu yosĩ! Mumubwire amalĩge wenyũ gosĩ; Nyamuhanga ni busayiro bwetu.

Erĩlũayo 20:5

Sũsyũnamirabyo kutse erikolerabyo; kusangwa ĩngye Mwami Mukulu Nyamuhanga wawe, indi Nyamuhanga wʼobũha, erĩtũhũlya ebibi byʼabotata oko bana nʼoko lulengo lwʼakasatu nʼolwʼakani oko bakanyĩkwa obusu,

Ĩsaya 12:2

Lebaya, Nyamuhanga ni mulamo wage. Ngandiyiketera ye, Sindiendisyubaha, kusangwa Omwami Mukulu ye Nyamuhanga, Ni maka wage nʼolwimbo lwage, Naye abiribya mulamo wage.

Ĩsaya 37:36

Neryo omũlaĩka wʼOmwami Mukulu mwahuluka, mwĩta elfu erĩgana nʼamakũmĩ munani nʼesĩtanu (185,000) omo kilaliriro kyʼAbaasũrĩa. Omugulu abandu babuka omo ngyakya-ngyakya, lebaya abosĩ ibabiribya bĩnda.

Ĩsaya 50:10

Nindi omo katĩkatĩ kenyũ oyukubaha Omwami Mukulu, oyũkowa omulenge wʼomugombe wuwe kwehĩ? Oyukagenda omo mwĩrĩmya, isiawite ekyakakala kwehĩ? Ayiketere erĩna lyʼOmwami Mukulu, ayisinge Nyamuhanga wuwe.

Danĩelĩ 2:47

Neryo omwami mwasũbĩrya Danĩelĩ ati, nene Nyamuhanga wenyũ ni Nyamuhanga wʼesyonyamuhanga, nʼOmwami wʼabami, nʼomũbĩsũlĩ wʼebĩbĩsĩre, kusangwa wabiritoka erĩbĩsũla ekĩbĩsĩre ekĩ.

Danĩelĩ 3:25

Naye mwasũbĩrya ati, Lebaya, namalangira abandu bani ibanabohwerwe, bakalendera omo katĩkatĩ kʼomuliro, kandi butsira bwagalĩ; nʼerisosa lyʼowʼakani liri ngʼomugala wʼesyonyamuhanga.

Danĩelĩ 4:34

Neryo ebiro ebyo byabere byabihwa, ĩngye Nebũkadeneza, monasumbira ameso wage elubula, nʼobũlengekanĩa bwage mobwanyisubako, monapipa Owendata Kutsibu, monamupipa nʼerĩmũsĩkya, oyuliho kera na kera; kusangwa eritabala liwe ni ʼtabala lya kera na kera, nʼobwami buwe ni bʼoko ndengo ndengo.

Danĩelĩ 6:16

Neryo omwami mwahamula, neryo mobaleta Danĩelĩ, mobamugusa omo kyũna kyʼesyondale. Nʼomwami mwabwira Danĩelĩ ati, Nyamuhanga wawe oyo ukakolera obutusa, asyakũlamya.

Danĩelĩ 6:26

Ĩngye ngahĩra omugambo nyiti, Omwʼitabala lyosĩ lyʼobwami bwage abandu batitimane nʼeriubaha embere sya Nyamuhanga wa Danĩelĩ; kusangwa iye ni Nyamuhanga oyuliho, oyũkotĩre kera na kera, nʼobwami buwe ni bwami obũtendĩsyaherĩbwa; nʼeritabala liwe lyasyakota erĩhĩka oko ndũlĩ.

Matayo 4:10

Yesu mwabwirayo ati, Lũaho, uwe Satanĩ! Kusangwa Amasako ati, Wasyaramya Omukama Nyamuhanga wawe, kandi wasyamukolera ĩyowene.

Emibiri 4:19

Nĩkwa Petero na Yoane mobasũbĩryabo bati, Ĩnywe mubye batswerĩ nga linatunganene omo meso wa Nyamuhanga erĩbowa, kutse erĩowa Nyamuhanga.

Emibiri 5:19

Nĩkwa omo kiro, omũlaĩka wʼomukama mwakingula esyonyũyĩ syʼenyũmba yʼomũlĩkĩ, mwahũlũkĩrya abakwenda bʼeyĩhya, mwabwirabo ati,

AbanyaRoma 12:1

Balĩkyetu, ngabalemba-lemba busana nʼeriganyira ĩnene lya Nyamuhanga, nyiti, muyihe uku Nyamuhanga ngʼobuhere obuliho, kandi obũbũyĩrĩre, obũkamũtsemesaya. Erĩ nĩ ʼramya erikutolere.

1 AbanyaKorinto 13:3

Nomo nangabya ngahĩtya ebyosĩ ebyo nyiwite kandi namaha omubiri wage erĩhĩsĩbwa, nĩkwa isingwite olwanzo, sibyenyigasirakĩ.

AbanyaFilipi 1:20

Kusangwa erisonda lyʼomutima wage, nʼamaha wage biti, sinyihemulawe omo mwatsi nʼomuguma embere sya Nyamuhanga. Nĩkwa nyikole emigulu yosĩ, na lino, omo butubaha, Kristo ahamĩbawe omo mubiri wage, kutse omwʼibyaho lyage, kutse omo luholo lwage.

AbaEbrania 1:14

Kandi abamalaĩka bosĩ sĩ bĩrĩmũ ebikakolera Nyamuhanga kwehĩ? Sibetumawa na Nyamuhanga erĩwatĩkya abo abasyabana erilama kwehĩ?

AbaEbrania 11:37

Mobĩtwa omo mabwe, abandi mobatũbwa omo mĩsũmeno mo bitswe bibiri, mobĩtwa omo mũyalĩ, mobalendera ibambite esyongobĩ syʼesyombũlĩ nʼesyʼesyombene, mobabula ebyosĩ, mobendererĩbwa, mobakolwa nabi.

1 Petero 1:21

Neryo busana na Kristo mwabĩrĩkĩrĩrya Nyamuhanga oyo wamũlũbũkaya oko baholĩ nʼerimuha olukengerwa. Neryo erĩkĩrĩrya lyenyũ nʼamaha wenyũ ibyabya uku Nyamuhanga.

Eribisurirwa 12:11

Kandi abalĩkyetu mobakĩnda Satanĩ omo musasi wʼEkyana kyʼembũlĩ kandi, kusangwa batũla omwatsi wa Nyamuhanga. Kandi mobatalanda oko ngebe yabo, mobalĩga erihola.