Danĩelĩ 3:27 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁷ Neryo abakama, nʼabasokĩ nʼabatabalĩ, nʼabahanĩ bʼomwami, ababya bahĩndene haguma, mobalangira abandu aba, ngoko muliro atabya awite amaka busana nʼemibiri yabo, kutse esyonzwiri syʼemitwe yabo mositabebuka kutse esyongimba syabo mositahinduka, kutse omubebu gʼomuliro mwatahambabo.

Danĩelĩ 3:27 Iomraidhean Croise

1 Abami 13:28

Naye mwayeya ekĩnda ĩkĩnagũsĩre omo nzira, nʼepunda nʼendale isinimene hakũhĩ nʼekĩnda; endale isiritalya ekĩnda, kutse erĩĩta epunda.

2 Abami 19:19

Neryo lino, uwe Mwami Mukulu Nyamuhanga wetu, ngakulakira, nyiti ũtũlamaye omo byala biwe, amami gosĩ wʼekihugo aminye uwe Mwami Mukulu kʼuli Nyamuhanga ĩgowene.

Esyonyimbo 83:18

Neryo baminye kʼuli inina we musa Omwami Mukulu, Omũtabalĩ mukulu wʼekihugo kyosĩ!

Ĩsaya 26:11

Uwe Mwami Mukulu ebyala byawe bĩyĩsũmbĩre, nĩkwa sibelangirabyo. Nĩkwa bakalangira omũhwa wawe busana nʼabandu, bakahemuka. Ega, omuliro asyabuga esyonzĩgũ syawe.

Ĩsaya 43:2

Omugulu ukalaba omo magetsi, nasyabya haguma nawe, nʼerilaba omo syonyũsĩ, sisyendisyakubwayirako. Omugulu ukalaba omo muliro siwendisyahya, kutse ekirimi kyʼomuliro sĩkyendĩsyakũhĩsya.

Danĩelĩ 3:21

Neryo abandu aba mobabohwa ibane nʼesyosũrũalĩ syabo, nʼesyokanzu syabo nʼebisomeko byabo, nʼesindi ngimba syabo, mobaguswa omwʼirunga erikagulumira.

Danĩelĩ 6:23

Neryo omwami mwatsema kutsibu, mwahamula ati balũsaye Danĩelĩ omo kyũna ekyo. Neryo Danĩelĩ mwalũsĩbwa omo kyũna ekyo, mwatabanika ko kandu kabi, kusangwa abya akayiketera Nyamuhanga wuwe.

Danĩelĩ 6:7

Abakulu bosĩ bʼobwami, nʼabakama, nʼabatabalĩ, nʼabahanĩ, nʼabalemĩ, babĩrĩkanĩa haguma erĩhanganĩa erihana lyʼobwami, nerĩhĩru erĩganĩsya lĩkalĩre, liti, oyo wasyasaba kindi oko gundi nyamuhanga, kutse oko mundu wahi oko biro makũmĩ asatu, ate ukʼuwe mwami, asyaguswa omo kyũna kyʼesyondale.

Matayo 10:30

Nĩkwa esyonzwiri syʼoko mitwe yenyũ sĩganzĩrwe esyosĩ.

Emibiri 26:26

Kusangwa omwami anasĩ emyatsi eyĩ, kandi ngabũga naye butsira eriubaha, kusangwa nabiriminya ndeke kwʼanasĩ oko myatsi yosĩ eyĩ, kusangwa ebĩ mobitetakolwa omo bũbĩso-bĩso.

Emibiri 27:34

Neryo ngabalemba-lemba mulye akalyo, kusangwa kakandibaganula. Sihali nʼoluywiri nʼoluguma lʼoko mitwe yenyũ olukandihera.

AbaEbrania 11:34

Kandi mobalĩmya omuliro owakalĩre, mobabala omũyalĩ. Ababya bolo mobabana amaka, mobabya esyombangĩ omo malwa, nʼerihiga emilondo yʼehandi.