Danĩelĩ 3:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Hali abandi Bayũda abo wahĩra mo bakulu oko myatsi yʼekihugo kyʼeBabelĩ; ni Sadĩrakĩ, na Mesakĩ, na Abedenego. Uwe mwami, abalume aba sibetakukenga; sibekolera esyonyamuhanga syawe, kandi sĩberamaya esanamu yʼesyamagetsi eyo wasingika.

Danĩelĩ 3:12 Iomraidhean Croise

Esĩterĩ 3:8

Neryo Hamanĩ mwabwira omwami Ahasuero, ati, Hali kihanda kiguma kipanzikene kĩtsatsangĩre omo katĩkatĩ kʼebihanda omo bihugo byosĩ byʼobwami bwawe; nʼemigambo yabo ni gundi mũsĩndo oko yʼobuli kihanda; kutse sibekwama emigambo yʼOmwami; neryo sĩ ndũndĩ busana nʼomwami erirekabo.

Emĩsyo 27:4

Erihitana ni ʼtsatsuha, nʼeriagalirwa ni ʼgunga; Nĩkwa nindi wangatoka erihangana embere syʼobũha kwehĩ?

Omũgambũlĩ 4:4

Neryo monalangira emĩbĩrĩ yosĩ, nʼobuli mũbĩrĩ wʼobunyima, eyikakolawa, ni busana nʼomwatsi wʼomundu oyukatsurawa na mũlĩkyabo. Ekĩ nakyo ni busa ngʼerikwamirira erihunga.

Danĩelĩ 1:7

Omukulu wʼebikonwe mwalukabo amena; mwaha Danĩelĩ erĩna lya Beltesaza, nʼuku Hanania erĩna lya Sadĩrakĩ; nʼuku Mĩsaelĩ, Mesakĩ; nʼuku Azaria Abedenego.

Danĩelĩ 2:48

Neryo omwami mwahamya Danĩelĩ, mwamuha oluhembo lunene lungi, mwamũhĩra eritabala oko kihugo kyosĩ kyʼeBabelĩ, mwamũhĩra mo mũtabalĩ mukulu oko bandu bʼamenge bosĩ bʼeBabelĩ.

Danĩelĩ 2:49

Neryo Danĩelĩ mwabũlya omwami naye mwahĩra Sadĩrakĩ na Mesakĩ, na Abedenego, babye bakulu bʼemyatsi yosĩ yʼekihugo kyʼeBabelĩ; nĩkwa Danĩelĩ mwabya omo lũkyo lwʼOmwami.

Danĩelĩ 3:11

Nʼoyutendiwa ahisi nʼerĩramya, asyaguswa omwʼirunga erikaka mʼomuliro.

Danĩelĩ 3:16

Sadĩrakĩ na Mesakĩ, na Abedenego mobasũbĩrya mobabwira omwami bati, Uwe Nebũkadeneza, sihali ekyangatuma ĩtwakũsũbĩrya oko mwatsi oyũ.

Danĩelĩ 3:29

Busana nʼekyo, ngahĩra ehamũlĩ nyiti abandu bosĩ nʼebihanda byosĩ, nʼobuli mũbũge abakabũga ebitatolere busana na Nyamuhanga wa Sadĩrakĩ, na Mesakĩ, na Abedenego, basyatsũtsangwa mo bitswe-bitswe, nʼamanyũmba wabo asyayirwa mo byabũ; kusangwa sihali gundi nyamuhanga wangatoka erĩlamya ngʼomuhanda oyũ.

Danĩelĩ 3:30

Neryo mwami mwahamya Sadĩrakĩ na Mesakĩ, na Abedenego omo kihugo kyʼeBabelĩ.

Danĩelĩ 6:13

Neryo mobasũbĩrya nʼerĩbũga embere syʼOmwami bati, Danĩelĩ oyo, omuguma wʼoko bandu abanyegawa bʼeYũda, sialikukenga uwe mwami, kandi sialikenga erĩganĩsya eryo wasakako, nĩkwa akasaba ngendo ĩsatu obuli kiro.

Danĩelĩ 6:14

Neryo omwami, omugulu owa ebĩnywa ebĩ, mwatatsema nʼahake, neryo mwahĩra omutima wuwe uku Danĩelĩ erĩmũlamya; mwalenga erĩmũlamya erĩhĩka okwʼirenga lyʼeryuba.

Emibiri 17:7

Kandi Yasona abĩrĩkokyabo. Abosĩ bakapona amahano wa Kaĩsarĩ, bati hali ogundi mwami ye Yesu.

Emibiri 5:28

ati, Motwabahana kutsibu tuti sĩmũkangĩrĩraye omo lĩna erĩ. Lebaya! mwabĩrĩũsũlya eYerũsalema mwʼerĩkangĩrĩrya lyenyũ, kandi mukasonda erĩtũhĩra kʼomusango wʼomusasi wʼomundu oyo.