Danĩelĩ 2:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ nyiti mwamatindanyĩmĩnyĩsya erilota eryo, hali kihano kiguma kisa busana nenyũ. Kusangwa mwabirimirana ebĩnywa byʼamabehĩ nʼebĩnywa bibi erĩbũga embere syage, erĩhĩka aho mugulu asyahwera; neryo mumbwire erilota eryo, neryo nasyaminya ko mwasyatoka erĩnyĩkangya eribikulalyo.

Danĩelĩ 2:9 Iomraidhean Croise

1 Abami 22:22

Neryo Omwami Mukulu mwabwirakyo ati, Ũmũkĩ kwehĩ? Naye ati, Nage nasyagenda, nasyabya ekĩrĩmũ kyʼeriteba omo buno bwʼabamĩnyererĩ buwe bosĩ. Naye mwabũga ati, Wasyamuteba, kandi wasyasĩngana nibya; ugende, Ukole utya.

1 Abami 22:6

Neryo omwami wa Ĩsraelĩ mwahĩndanĩa haguma abamĩnyererĩ nga bandu magana ani, mwabũlyabo ati, Nyinayalwe nʼeRamotĩ-gĩleadĩ, kutse nyũmbaye kwehĩ? Nabo mobabũga bati, Uhetukireyo kusangwa Omukama asyahĩrago omo byala byʼOmwami.

Esĩterĩ 4:11

Abagombe bosĩ bʼomwami, nʼabandu bʼomo bihugo byʼOmwami, banasĩ, ngoko obuli mundu, omulume kutse omũkalĩ, oyo wasyahĩka eyiri omwami omo kibuga kyʼomwisi, ataliabirikirawa, hali mwatsi muguma busana naye, lye nʼerĩĩtwa, omwami amatindamusumbira omũtso wuwe wʼesyamagetsi, atoke eribyaho; nĩkwa ĩngye sinditabirikirwa eriya eyiri omwami oko biro ebĩ amakũmĩ asatu.

Emĩsyo 12:19

Omũnywa wa kwenene asyahanganĩbwa kera na kera; Nĩkwa olulimi lwʼeribiha nĩ lwʼakatambĩ kake.

Ĩsaya 41:23

Mũtũle emyatsi eyikandisyasa enyũma, itwatoka eriminya ko muli esyonyamuhanga. Ega, mukole ekibuya kutse ekibi, itwatoka netu erisamalira nʼerisweka nʼeriubaha haguma.

Ĩsaya 44:25

Ngaleka ebiminyikalo byʼabandu abakayihalamba ibyabya busa, nʼeriyira abalagũlĩ mo bakĩrũ, ngaleka abandu bʼamenge erisuba enyũma, nʼeribindula amenge wabo mo bũkĩrũ,

Ezekĩelĩ 13:17

Nawe, mugala wʼomundu, ukale oko bali bʼabandu bawe, abakaminyerera ebyʼemitima yabo ĩbobene. Nawe uminyerere olubi kubo.

Ezekĩelĩ 13:19

Kandi mwabirinyitsuma omo katĩkatĩ kʼabandu bage busana nʼamakũndĩ wʼekisusu na busana nʼebitole byʼobundu, erĩĩta ebĩrĩmũ ebite byangahola, nʼerĩbalya ebĩrĩmũ ebiriho ebite byangabyaho, busana nʼeribihira abandu bage abakahulikirira amabehĩ.

Ezekĩelĩ 13:6

Bakalangira amabehĩ, nʼerilagula ebyʼamabehĩ, abakabũga bati, Omwami Mukulu akabũga, omugulu Omwami Mukulu sialitatumabo. Nĩkwa ibabya nʼamaha wʼeribererera lyʼekĩnywa kyabo.

Danĩelĩ 2:16

Neryo Danĩelĩ mwingira ewʼomwami, mwabũlya omwami erimuha endambĩ, iniatoka erĩkangya omwami eribikula eryo.

Danĩelĩ 2:21

Kandi akabindula emigulu nʼebirimo; akasingula abami, kandi ĩnĩasĩngya abami; akaha amenge oko bʼamenge, akaha eriminya oko banyima;

Danĩelĩ 2:8

Omwami mwasũbĩrya ati, Nyĩnasĩ kwenene ko mukasonda erĩyĩhambũlya, kusangwa mwabirilangira ko nabirisoha omwatsi,

Danĩelĩ 3:15

Neryo lino mwamabya mũnasĩkĩre omugulu mũkowa emirenge yʼengubi, nʼenyamulera, nʼenanga, nʼenzenze, nʼomũgobĩro, nʼamalenga, nʼemĩsĩndo yosĩ yʼeriimba, eriwa ahisi nʼerĩramya esanamu eyo nakokotaya, lyowene; nĩkwa mwamatindaramyayo, oko katambĩ ako mwasyaguswa omwʼirunga erikaka mʼomuliro; ni nyamuhanga wahi oyo wasyabalamya omo byala byage kwehĩ?

Danĩelĩ 5:28

Peresĩ—obwami bwawe bwamagabwa, bwabirihabwa oko Bamedĩ nʼAbapersĩ.

Danĩelĩ 5:31

Na Darĩo Omũmedĩ mwĩmya obwami, iniawite myaka nga makũmĩ ndatu nʼeyĩbĩrĩ.

Danĩelĩ 7:25

Naye asyabũga ebĩnywa byʼamalwa busana nʼOwendata Kutsibu, kandi asyalũhya abandu ba Nyamuhanga oyũ Owendata Kutsibu; kandi asyaganĩrya eribindula emigulu nʼemigambo, nʼabandu ba Nyamuhanga basyahĩrwa omo byala biwe oko mugulu nʼemigulu nʼoluhande lwʼomugulu.

2 AbanyaKorinto 2:17

Kusangwa Situli ngʼabandi bangi abakatũndaya ekĩnywa kya Nyamuhanga. Nĩkwa omo kwenene, tũkabũga embere sya Nyamuhanga ebĩnywa bĩkalũa uku Nyamuhanga; kandi, tũkabũga ngʼabagombe ba Kristo.