Danĩelĩ 2:47 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴⁷ Neryo omwami mwasũbĩrya Danĩelĩ ati, nene Nyamuhanga wenyũ ni Nyamuhanga wʼesyonyamuhanga, nʼOmwami wʼabami, nʼomũbĩsũlĩ wʼebĩbĩsĩre, kusangwa wabiritoka erĩbĩsũla ekĩbĩsĩre ekĩ.

Danĩelĩ 2:47 Iomraidhean Croise

Enzũko 41:39

Neryo Farao mwabũga na Yosefũ ati, Kusangwa Nyamuhanga abĩrĩkũkangya ebyosĩ ebyo, sihali gundi wʼamenge nʼobũlengekanĩa nga we.

2 Abami 5:15

Neryo omugulu Namanĩ asuba ahali omundu wa Nyamuhanga, iye nʼendeko yiwe yosĩ, mobahangana embere siwe; neryo mwabũga ati, Lebaya lino, nyĩnasĩ ngoko hate Nyamuhanga omo kihugo kyosĩ, mo nʼomo Ĩsraelĩ. Na lino kĩsĩ-kĩsĩ, wĩmaye olũsũnzo oko mugombe wawe.

Yobũ 12:19

Akaleka abahererĩ ibalendera butsira biryato, Ĩnĩakĩnda abasĩkĩre.

Esyonyimbo 136:2

Muhe ewasĩngya oko yũlengĩre esyonyamuhanga syosĩ; Olwanzo luwe olutyusa lukakota.

Esyonyimbo 136:3

Muhe ewasĩngya oko yũlengĩre abakama bosĩ omo maka; Olwanzo luwe olutyusa lukakota.

Esyonyimbo 72:11

Abami bosĩ basyũnama embere siwe, Nʼebihanda byosĩ byasyamukolera!

Esyonyimbo 82:1

Nyamuhanga omũtabalĩ oyũlabĩre abosĩ Olwimbo lwa Asafũ. Nyamuhanga akasondola omwʼĩbũgĩro lyʼelubula; Omwʼĩhĩndana lyʼesyonyamuhanga akatũa omwatsi.

Esyonyimbo 96:4

Omwami Mukulu ni mukulu, atolere eripipwa kutsibu; Atolere eriubahwa kwilaba esyonyamuhanga syosĩ.

Ezekĩelĩ 26:7

Kusangwa Omukama Iye Omwami Mukulu ati, Lebaya, nasyaleta uku Tĩro ye Nebũkadeneza omwami wʼeBabelĩ, omwami wʼabami, erĩlũa elutambi lwʼendata haguma nʼesyosabayĩrĩ, nʼesyogalĩ, nʼabali oko syosabayĩrĩ, nʼendeko, nʼabasĩrĩkanĩ bangi.

Danĩelĩ 11:36

Neryo omwami oyo asyakola ngoko anzĩre, kandi asyayĩhamya nʼeriyipipa endata oko buli nyamuhanga, kandi asyabũga ebĩnywa bitsibu erilwa na Nyamuhanga wʼesyonyamuhanga; kandi asyagasa erĩhĩka aho mugulu wʼerihitana asyahwera, kusangwa ekyahamulawa kyasyakolwa.

Danĩelĩ 2:19

Neryo Danĩelĩ mwabĩsũlĩrwa ekĩbĩsĩre ekyo, omwʼilota lyʼesyonzolĩ omo kiro. Neryo Danĩelĩ mwapipa Nyamuhanga wʼelubula.

Danĩelĩ 2:22

akabĩsũla emyatsi eyʼehali nʼeyĩbĩsĩre; akaminya ebiri omo mwĩrĩmya, nʼekyakakala kĩkere haguma naye.

Danĩelĩ 2:28

Nĩkwa hali Nyamuhanga elubula oyũkabĩsũla ebĩbĩsĩre, naye abĩrĩmĩnyĩsya Nebũkadeneza ebikandisyabya oko biro byʼenyũma. Erilota lyawe, nʼesyonzolĩ syʼomutwe wawe oko ngyingo yawe byebĩ.

Danĩelĩ 2:29

Nĩkwa uwe mwamĩ, amalengekanĩa wawe awakũhĩkako oko ngyingo yawe, bye bikandisyabya enyũma; nʼoyũkabĩsũla ebĩbĩsĩre abĩrĩkũmĩnyĩsya ebikandisyabya.

Danĩelĩ 2:30

Nĩkwa ĩngye, ekĩbĩsĩre ekĩ sikyetabĩsũlwa ũkwʼĩngye, busana nʼamenge ago ngwite kwilaba abandi abaliho, nĩkwa busana nʼerĩmĩnyĩsya omwami eribikula lyasyo, iwatoka, eriminya amaganĩrya wʼomutima wawe.

Danĩelĩ 2:37

Uwe mwami uli mwami wʼabami, na Nyamuhanga wʼelubula abirikuha obwami, nʼobũtokĩ, nʼamaka, nʼolukengerwa;

Danĩelĩ 3:15

Neryo lino mwamabya mũnasĩkĩre omugulu mũkowa emirenge yʼengubi, nʼenyamulera, nʼenanga, nʼenzenze, nʼomũgobĩro, nʼamalenga, nʼemĩsĩndo yosĩ yʼeriimba, eriwa ahisi nʼerĩramya esanamu eyo nakokotaya, lyowene; nĩkwa mwamatindaramyayo, oko katambĩ ako mwasyaguswa omwʼirunga erikaka mʼomuliro; ni nyamuhanga wahi oyo wasyabalamya omo byala byage kwehĩ?

Danĩelĩ 3:28

Neryo Nebũkadeneza mwabũga ati, Apipawe Nyamuhanga wa Sadĩrakĩ, na Mesakĩ, na Abedenego, oyo watuma omũlaĩka wuwe, nʼerĩlamya abagombe buwe abayiketera ye, ababindula ekĩnywa kyʼOmwami, nʼeriha emibiri yabo sibakolere kutse erĩramya ogundi nyamuhanga, nina Nyamuhanga wabo.

Danĩelĩ 3:29

Busana nʼekyo, ngahĩra ehamũlĩ nyiti abandu bosĩ nʼebihanda byosĩ, nʼobuli mũbũge abakabũga ebitatolere busana na Nyamuhanga wa Sadĩrakĩ, na Mesakĩ, na Abedenego, basyatsũtsangwa mo bitswe-bitswe, nʼamanyũmba wabo asyayirwa mo byabũ; kusangwa sihali gundi nyamuhanga wangatoka erĩlamya ngʼomuhanda oyũ.

Danĩelĩ 4:17

Eritswera erĩ ni ryʼerihamula lyʼabateya, kandi erĩtwa omwatsi oyũ ni busana nʼekĩnywa kyʼababũyĩrĩre; busana nʼerĩmĩnyĩsya ngoko abaliho batoke eriminya ngoko Owendata Kutsibu akatabala oko bwami bwʼabandu, akahabo oko oyo anzĩre, kandi akahanganaya mubo omugunda.

Danĩelĩ 4:25

Liti wasyahigwa erĩlũsĩbwa oko bandu, nʼobwĩkalo bwawe bwasyabya haguma nʼesyonyama syʼomolĩ, nawe wasyalĩsĩrĩrĩbwa erirya ebiti ngʼesyonde, kandi wasyatsapĩbwa omo kimi kyʼekyanya, nʼemigulu irinda yasyakulabako; erĩhĩka aho wasyaminyira Owendata Kutsibu kwʼakatabala oko bwami bwʼabandu nʼerihabo ukwʼoyo akasonda.

Danĩelĩ 4:32

Wasyahigwa erĩlũa hakũhĩ nʼabandu; nʼerĩĩkala lyawe lyasyabya haguma nʼesyonyama syʼomolĩ; wasyalĩsĩrĩrĩbwa oko biti ngʼesyonde; nʼemigulu irinda yasyakulabako erĩhĩka aho wasyaminyira Owendata Kutsibu kwʼakatabala oko bwami bwʼabandu kandi akahabo oko oyo anzĩre erihabo.

Danĩelĩ 5:11

Hane mundu omo bwami bwawe, oyuwite ekĩrĩmũ kyʼesyonyamuhanga sĩbũyĩrĩre; nʼomo biro bya tata wawe, ekyakakala nʼobowĩka nʼamenge ngʼamenge wʼesyonyamuhanga, mobyabanika omwisi wuwe. Nʼomwami Nebũkadeneza, ye tata wawe, mwamuyira mo mukulu wʼabasaki, nʼabakũmũ, nʼAbakaldea, nʼabalagũlĩ,

Amosĩ 3:7

Kwenene Omukama Omwami Mukulu siendisyakola kindu, ate abĩsũlĩra abagombe buwe abamĩnyererĩ ekĩbĩsĩre kiwe.

1 AbanyaKorinto 14:25

Kandi emyatsi eyĩbĩsamĩre yʼomutima wuwe ĩkamĩnyĩkalĩbawa, neryo asyawa ahisi nʼerĩramya Nyamuhanga, ĩnĩakabũga ati, Kwenene Nyamuhanga ali omo katĩkatĩ kenyũ.

Eryibuka Ebihano 10:17

Kusangwa Omwami Mukulu Nyamuhanga wenyũ, iye ni Nyamuhanga wʼesyonyamuhanga, nʼOmwami Mukulu wʼabakama, yo mukulu, ye mbangĩ, na Nyamuhanga wʼeriswekera, oyuteyira obutaga, kutse erĩĩmya ekyũtũlĩro.

1 Timoteo 6:15

Nyamuhanga asyaleta eributuka eryo oko mugulu atolere. Nyamuhanga nĩ mũtabalĩ ĩyowene, oyukapipawa, ni Mwami wʼabami, ni Mukama wʼabakama.

Yosũa 22:22

bati, Omũtokĩ, Nyamuhanga, Omwami Mukulu, Omũtokĩ, Nyamuhanga Omwami Mukulu! Iye anasĩ, na Ĩsraelĩ naye aminye. Kumbe lyabya ni ʼhona, kutse lyabya eriregula oko Mwami Mukulu sũtũlamaye mũnabwĩre!

Eribisurirwa 1:5

kandi bĩkalũa uku Yesu Kristo, omũtũlĩ wʼomwatsi oyuteregula, Omugala, akambere oyo walũbũkĩbawa oko luholo, omũtabalĩ, wʼabami bʼekihugo. Ukwʼoyukatwanza, kandi yo watubohola oko bibi byetu omo musasi wuwe,

Eribisurirwa 17:14

Aba basyalwa nʼEkyana kyʼEmbũlĩ, nĩkwa Ekyana kyʼEmbũlĩ, haguma nʼabakamukwama, ababirikirawa buwe, nʼabayisogawa, nʼabateregula buwe, basyakĩndabo, kusangwa iye ni Mukama wʼabakama, nʼOmwami wʼabami.

Eribisurirwa 19:16

Oko kanzu yiwe nʼoko kihinga kiwe habya hasakĩre erĩna liti, Omwami wʼabami, nʼOmukama wʼAbakama.