Danĩelĩ 2:45 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴⁵ Ngoko walangira erĩbwe eryo eryabatsawa omo kitwa butsira ebyala, kandi ngoko lyatulanga ekyuma, nʼomulinga, nʼeribumba, nʼekĩtsĩpa nʼesyamagetsi; Nyamuhanga mukulu abĩrĩmĩnyĩsya omwami ebikandisyabya enyũma; nʼerilota ni ryʼekwenene, nʼeribikula lyalyo sĩrĩhabĩre ni ryʼeriyiketera.

Danĩelĩ 2:45 Iomraidhean Croise

Enzũko 41:26

Esyonde sirinda syowene ni myaka irinda. Nʼamakũndĩ alinda owene ni myaka irinda. Erilota ni ʼguma.

Enzũko 41:28

Ebĩ byo nabwira Farao. Nyamuhanga abĩrĩkangya Farao ebyo akĩsĩya iniakola.

Enzũko 41:32

Neryo kusangwa erilota lya Farao molyasubirana kabiri, ni kusangwa ni mwatsi Nyamuhanga abĩrĩhanganĩa, neryo hakĩsĩya hake Nyamuhanga ĩnĩaberereryago.

2 Samwelĩ 7:22

Busana nʼekyo uli mukulu, uwe Mwami Mukulu, Nyamuhanga; kusangwa sihali oyulingene nawe, kutse sihali gundi Nyamuhanga ate inina we, ngʼebyosĩ twabĩrĩowĩra omo matwĩ wetu.

1 Emyatsi yʼEmigulu 16:25

Kusangwa Omwami Mukulu ni mukulu, oyo wangapipwa kutsibu. Nibya angubahwa kwilaba esyonyamuhanga syosĩ.

Nehemĩa 4:14

Neryo monasamalira, monahangana, monabwira bakulu, nʼabatabalĩ, nʼabandu abasĩgala nyiti, Simubahebo; mwibuke Omukama, oyuli mukulu nʼowʼerĩũbahya, mulwire abagala benyũ, nʼabana benyũ, nʼabali benyũ, nʼabakalĩ benyũ, nʼebĩtũnga byenyũ.

Nehemĩa 9:32

Neryo lino, Nyamuhanga wetu, omukulu, nʼowʼobũtokĩ, na Nyamuhanga wʼerĩũbahya, oyũkategaya endagano nʼobubuya bʼolwanzo, supone obũlĩge bosĩ obo, Suleke bukabya nga buke embere syawe obwabĩrĩtũhĩkako, nʼoko bami betu, nʼabakulu betu, nʼabahererĩ betu, nʼabamĩnyererĩ betu, nʼabotata wetu, nʼabandu bawe bosĩ, erĩtsũka oko mugulu wʼabami bʼeAsũrĩa nʼerĩhĩka mũnabwĩre.

Yobũ 36:26

Lebaya, Nyamuhanga ni mukulu, netu sĩtũmwasĩ ndeke; Emiganzo yʼemyaka yiwe sirisomboleka.

Esyonyimbo 135:5

Nyĩnasĩ Omwami Mukulu wetu ko ni mukulu: Kandi Omukama wetu ni mukulu oko nyamuhanga syosĩ.

Esyonyimbo 145:3

Omwami Mukulu ni mukulu, atolere eripipwa kutsibu; Obukulu buwe bũlengĩre eriminya.

Esyonyimbo 2:9

Wasyabũnangabo omo mũtso wʼekyuma, Wasyatũndũlabo mo bitswe-bitswe ngʼenyungu yʼomũbũmbĩ.

Esyonyimbo 48:1

Omwami Mukulu ni mukulu, atolere eripipwa kutsibu, Apipawe omo mũyĩ wa Nyamuhanga wetu, oko kitwa kiwe kĩbũyĩrĩre.

Esyonyimbo 96:4

Omwami Mukulu ni mukulu, atolere eripipwa kutsibu; Atolere eriubahwa kwilaba esyonyamuhanga syosĩ.

Ĩsaya 28:16

Busana nʼekyo Omukama Omwami Mukulu ati, Lebaya, ngahĩmba eSĩonĩ erĩbwe, erĩbwe eryabirirengwako, erĩbwe ryʼenũnga lyʼobũgũlĩ bunene busana nʼekibanza, eryabirihandwa ndeke. Nʼoyũkĩkĩrĩraya siendisyahemuka.

Danĩelĩ 2:24

Neryo Danĩelĩ mwaya ewa Arĩokĩ, oyo mwami ahamula erĩherya abʼamenge bʼeBabelĩ; mwayamubwira ati, Sũheraye abʼamenge bʼeBabelĩ; unyitwale embere syʼOmwami, nage ngandĩkangya omwami eribikula eryo.

Danĩelĩ 2:28

Nĩkwa hali Nyamuhanga elubula oyũkabĩsũla ebĩbĩsĩre, naye abĩrĩmĩnyĩsya Nebũkadeneza ebikandisyabya oko biro byʼenyũma. Erilota lyawe, nʼesyonzolĩ syʼomutwe wawe oko ngyingo yawe byebĩ.

Danĩelĩ 2:29

Nĩkwa uwe mwamĩ, amalengekanĩa wawe awakũhĩkako oko ngyingo yawe, bye bikandisyabya enyũma; nʼoyũkabĩsũla ebĩbĩsĩre abĩrĩkũmĩnyĩsya ebikandisyabya.

Danĩelĩ 2:44

Nʼoko biro byʼabami abo, Nyamuhanga wʼelubula asyahanganĩa obwami obũtendĩsyaherĩbwa na kera, kutse eritabala lyabo siryendĩsyasĩgĩrwa abandi bandu; nĩkwa bwasyatulanga mo bihande bihande nʼeribuga amami gosĩ aya, nabo bwasyahangana kera na kera.

Danĩelĩ 8:25

Na busana nʼemibere yiwe asyatokesya amatebo omo byala biwe; kandi asyayĩhamya omo mutima wuwe; kandi asyaherya bangi omwʼiyiketera lyabo; kandi asyahangana nʼerilwa nʼOmunya-mwami wʼabanya-mwami; nĩkwa asyatĩndwa butsira omo byala byʼabandu.

Hagaĩ 2:22

Kandi nasyatoya ebĩtũmbĩ byʼamami; kandi nasyaherya amaka wʼamami wʼebihanda; kandi nasyagusa esyogalĩ, nʼabakagenda kusyo; nʼesyosabayĩrĩ nʼabakagenda kusyo; basyatogera ahisi, obuli mundu omo mũyalĩ wa mugala wabo.

Zekarĩa 12:3

Neryo kyasyabererera oko kiro ekyo nasyayira eYerũsalema mo lĩbwe rĩrĩtohĩre busana nʼebihanda byosĩ; abosĩ abakalĩtoherayo basyahũtalĩbwa kutsibu; nʼebihanda byosĩ byʼekihugo byasyahĩndanĩbwa erilwa nayo.

Malakĩ 1:11

Kusangwa erĩlũa aho eryuba likahuluka nʼerĩhĩka aho likalengera, erĩna lyage lyasyabya ĩnene omo katĩkatĩ kʼebihanda, nʼehosĩ basyahonga obukwa oko lĩna lyage, nʼobuhere bwʼengano bubuya; kusangwa erĩna lyage nʼĩnene omo katĩkatĩ kʼebihanda, Omwami Mukulu Wʼemilondo atya.

Matayo 21:24

Yesu mwasũbĩryabo ati, Nage ngandĩtababũlya kĩnywa kiguma, mwamanyibwirakyo, nage ngandibabwira nga nĩ hamũlĩ yahi ikaleka inakola emyatsi eyĩ.

Matayo 24:35

Ekyanya nʼekihugo byasyahwaho, nĩkwa ebĩnywa byage sibyendisyahwaho.

Luka 17:20

Abandi Bafarĩsayo mobabũlya Yesu Obwami bwa Nyamuhanga nga bwasyasa mugulu wahi. Yesu mwasũbĩryabo ati, Obwami bwa Nyamuhanga sibwendisyasa mo biminyikalo ebikalolawako.

Eryibuka Ebihano 10:17

Kusangwa Omwami Mukulu Nyamuhanga wenyũ, iye ni Nyamuhanga wʼesyonyamuhanga, nʼOmwami Mukulu wʼabakama, yo mukulu, ye mbangĩ, na Nyamuhanga wʼeriswekera, oyuteyira obutaga, kutse erĩĩmya ekyũtũlĩro.

Eribisurirwa 1:19

Neryo Usake emyatsi eyo wabirilangira, nʼemyatsi eyiri lino, nʼemyatsi eyĩkandĩsyahĩka enyũma wʼemyatsi eyĩ.

Eribisurirwa 19:17

Neryo monalangira omũlaĩka inianimene omo lyuba. Naye mwabirikira omo mulenge munene iniakabwira esyonyonyũ syosĩ esikaguluka omo kyanya ati, Mwase, mũhĩndane busana nʼerirya ĩnene lya Nyamuhanga!

Eribisurirwa 4:1

Enyũma wʼemyatsi eyĩ, neryo lebaya, monalangira Olũyĩ lukingukere elubula. Nʼomulenge ogo nowa erĩmbere, owali ngʼomulenge wʼengubi akabũga nage, mwabũga ati, Wase endata eno, nage ngandĩkũkangya ebitolere ĩbyahĩka enyũma wʼemyatsi eyĩ.