Danĩelĩ 2:44 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴⁴ Nʼoko biro byʼabami abo, Nyamuhanga wʼelubula asyahanganĩa obwami obũtendĩsyaherĩbwa na kera, kutse eritabala lyabo siryendĩsyasĩgĩrwa abandi bandu; nĩkwa bwasyatulanga mo bihande bihande nʼeribuga amami gosĩ aya, nabo bwasyahangana kera na kera.

Danĩelĩ 2:44 Iomraidhean Croise

Enzũko 49:10

Omũtso wʼobwami sĩendĩsyalũa uku Yũda, Kutse omũtso wʼomũtabalĩ sĩendĩsyalũa hakũhĩ nʼebisando biwe, Erĩhĩka aho Sĩlo asyasira; Kandi abandu basyamowa.

2 Samwelĩ 7:13

Asyahĩmba enyũmba busana nʼerĩna lyage, nage nasyasĩkya ekĩtũmbĩ kyʼobwami buwe kera na kera.

2 Samwelĩ 7:16

Nʼekĩtũnga kyawe nʼobwami bwawe bũkandĩsyasĩkĩbwa na kera embere syawe; ekĩtũmbĩ kyawe kyʼobwami kyasyasĩkĩbwa kera na kera.

Esyonyimbo 145:13

Obwami bwawe ni bwʼerikota, Nawe uli Mwami kera na kera. Nyamuhanga sialiregula omo ndagane siwe, Kandi ni mubuya omo byosĩ akakola.

Ĩsaya 60:12

Kusangwa ekihanda ekyo nʼobwami obo, Ebĩtanzĩre erikukolera byasyahera Nʼebihanda ebyo byasyatĩngĩtĩbwa kutsibu.

Ezekĩelĩ 37:25

Nabo basyĩkala omo kihugo ekyo naha omugombe wage Yakobo, eyo abotata wenyũ bĩkala. Umwʼekyo basyĩkala, ibo nʼabana babo, nʼabitsikulu babo, kera na kera. Na Dawĩdĩ omugombe wage asyabya munya-mwami wabo kera na kera.

Danĩelĩ 2:28

Nĩkwa hali Nyamuhanga elubula oyũkabĩsũla ebĩbĩsĩre, naye abĩrĩmĩnyĩsya Nebũkadeneza ebikandisyabya oko biro byʼenyũma. Erilota lyawe, nʼesyonzolĩ syʼomutwe wawe oko ngyingo yawe byebĩ.

Danĩelĩ 2:34

Kandi wabya ukasamalira erĩhĩka aho erĩbwe eryabatsawa butsira byala, nalyo molyaswĩrya esanamu eyo oko bisando byayo ebyabya byʼekyuma nʼeribumba, molyatulangabyo mo bihande bihande.

Danĩelĩ 2:35

Neryo ekyuma ekyo nʼeribumba eryo, nʼomulinga, nʼekĩtsĩpa, nʼesyamagetsi, mobyatulangwa mo bihande bihande oko saa nguma, mobyabya ngʼomusunga omo bĩhũmbĩro omugulu wʼobugoma; neryo erihunga molyagũlũkyabyo, neryo mobitaswabanika nʼahake; nʼerĩbwe eryo eryaswĩraya esanamu molyabya kitwa kinene, molyũsũlya ekihugo kyosĩ.

Danĩelĩ 2:37

Uwe mwami uli mwami wʼabami, na Nyamuhanga wʼelubula abirikuha obwami, nʼobũtokĩ, nʼamaka, nʼolukengerwa;

Danĩelĩ 2:43

Kandi ngoko walangira ekyuma ĩkĩtũlũngene nʼeribumba lyʼolondo, basyatũlũngana ĩbakaherũkanaya nʼabandu; nĩkwa sibendisyamatana haguma, ngoko ekyuma sikirimatana nʼeribumba.

Danĩelĩ 4:3

Ebĩmĩnyĩsyo biwe ko biri binene! Nʼebyʼeriswekera biwe ko biri byʼamaka! Obwami buwe ni bwami bwʼerikota, nʼeritabala liwe likabya oko ndengo ndengo.

Danĩelĩ 4:34

Neryo ebiro ebyo byabere byabihwa, ĩngye Nebũkadeneza, monasumbira ameso wage elubula, nʼobũlengekanĩa bwage mobwanyisubako, monapipa Owendata Kutsibu, monamupipa nʼerĩmũsĩkya, oyuliho kera na kera; kusangwa eritabala liwe ni ʼtabala lya kera na kera, nʼobwami buwe ni bʼoko ndengo ndengo.

Danĩelĩ 6:26

Ĩngye ngahĩra omugambo nyiti, Omwʼitabala lyosĩ lyʼobwami bwage abandu batitimane nʼeriubaha embere sya Nyamuhanga wa Danĩelĩ; kusangwa iye ni Nyamuhanga oyuliho, oyũkotĩre kera na kera, nʼobwami buwe ni bwami obũtendĩsyaherĩbwa; nʼeritabala liwe lyasyakota erĩhĩka oko ndũlĩ.

Danĩelĩ 6:27

Akalamaya nʼerisabula, kandi akakola ebĩmĩnyĩsyo nʼebyʼeriswekera omo lubula nʼomo kihugo, oyũ yũlĩalamaya Danĩelĩ oko maka wʼesyondale.

Danĩelĩ 7:27

Nʼobwami nʼobutabale nʼobukulu bwʼamami eyĩkwa wʼamatũkũ gosĩ, byasyahabwa oko bandu ba Nyamuhanga Owendata Kutsibu. Obwami buwe ni bwami bwa kera na kera, nʼamatabale gosĩ asyamukolera nʼerimukenga.

Danĩelĩ 8:25

Na busana nʼemibere yiwe asyatokesya amatebo omo byala biwe; kandi asyayĩhamya omo mutima wuwe; kandi asyaherya bangi omwʼiyiketera lyabo; kandi asyahangana nʼerilwa nʼOmunya-mwami wʼabanya-mwami; nĩkwa asyatĩndwa butsira omo byala byʼabandu.

Mĩka 4:7

Nasyayira oyũkatsokondaya eribya basĩgalira, nʼoyo wahigawa eribya ekihanda kyʼamaka; nʼOmwami Mukulu asyatabalirabo oko kitwa kyʼeSĩonĩ erĩtsũka lino erĩhĩka kera na kera.

Hagaĩ 2:22

Kandi nasyatoya ebĩtũmbĩ byʼamami; kandi nasyaherya amaka wʼamami wʼebihanda; kandi nasyagusa esyogalĩ, nʼabakagenda kusyo; nʼesyosabayĩrĩ nʼabakagenda kusyo; basyatogera ahisi, obuli mundu omo mũyalĩ wa mugala wabo.

Hagaĩ 2:7

Omwami Mukulu Wʼemilondo ati, Nasyasũkanĩa ebihanda byosĩ; nabo basyasa nʼobũsokĩ bwʼebihanda byosĩ; nage nasyũsũlya enyũmba eyĩ nʼolukengerwa.

Matayo 28:18

Neryo Yesu mwasa mwabũga nabo ati, Ehamũlĩ yosĩ nabirihabwayo omo lubula nʼomo kihugo.

Yoane 12:34

Neryo endeko moyamũsũbĩrya iti, Twabĩrĩowa omo Migambo iti Kristo ayĩkala kera na kera. Neryo ũkabũga uti kwehĩ? Uti, Omugala wʼOmundu atolere iniasumbirwa endata. Omugala wʼOmundu oyũ nindi kwehĩ?

AbaEbrania 12:28

Neryo tubye nʼewasĩngya, kusangwa tukabana obwami obutetoka erĩsũka-sũkanĩbwa. Tukolere Nyamuhanga nʼerĩmũtsemesya, tumukenge nʼerĩmũsĩkya.

Eribisurirwa 11:15

Neryo omũlaĩka wʼakalinda mwabuha engubi yiwe, neryo emirenge minene-minene omo lubula moyabũga iti, Obwami bwʼekihugo bwabiribya bwami bwʼomukama wetu, nʼobwa Kristo wuwe, naye asyatabala kera na kera!

Eribisurirwa 2:27

Kandi asyatabala kubo omo mũtso wʼekyuma, nʼeritulangabo mo bitswe-bitswe ngʼesyonyungu syʼomũbũmbĩ, ngoko nage nabirihamulwa na Tata wage.