Danĩelĩ 2:41 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴¹ Kandi ngoko walangira ebisando nʼamano, ekitswe kyʼeribumba lyʼomũbũmbĩ nʼekitswe kyʼekyuma, bwasyabya bwami obugabene; nĩkwa mubo mwasyabya amaka wʼekyuma, kusangwa mowalangira ekyuma ĩkĩtũlũngene nʼeribumba lyʼolondo.

Danĩelĩ 2:41 Iomraidhean Croise

Danĩelĩ 2:40

Nʼobwami bwʼakani bwasyabya nʼamaka ngʼekyuma, kusangwa ngoko ekyuma kikatulanga ebihande bihande nʼerĩkĩnda ebindu byosĩ, kandi ngoko ekyuma kĩkahĩmata ebyosĩ ebĩ, ko bwasyatulangago mo bihande bihande nʼerĩhĩmatago.

Danĩelĩ 2:42

Kandi ngoko amano wʼebisando abya ekitswe kyʼekyuma nʼekitswe kyʼeribumba, obwami obo ko bwasyabya butya ekitswe kyʼamaka nʼekindi kitswe kyasyabya kyolo.

Danĩelĩ 7:24

Neryo busana nʼamahembe ĩkũmĩ ayo, abami ĩkũmĩ basyahangana bakalũa omo bwami obũ; nʼogundi mwami asyahangana enyũma kubo. Naye asyabya ogundi muhanda kwʼabo bʼembere, naye asyatoya abami basatu.

Danĩelĩ 7:7

Enyũma wʼaho monalangira omwʼilota lyʼekiro, neryo, lebaya, enyama yʼakani, eyʼerĩũbahya, eyĩkalĩre, nʼeyʼamaka kutsibu; nayo yabya iwite ameno awʼebyuma, amanene manene. Moyalya, moyatsũtsanga mo bitswe-bitswe, moyalyatangirira amasĩgalira omo bisando byayo; nayo moyabya ogundi mũsĩndo oko Sindi nyama syosĩ esyabya embere wayo; kandi yabya iwite amahembe ĩkũmĩ.

Eribisurirwa 12:3

Neryo ekindi kitiko-tiko mokyabutuka elubula. Neryo lebaya! Habya ekiyoka kinene ekĩhenĩrye ngʼengula, ikiwite emitwe irinda, nʼamahembe ĩkũmĩ, nʼesyombĩta sirinda syabya oko mitwe yakyo.

Eribisurirwa 13:1

Neryo monalangira enyama ĩkalũa omo ngetsi. Enyama eyo yabya yiwite amahembe ĩkũmĩ nʼemitwe irinda, nʼesyombĩta ĩkũmĩ oko mahembe wayo, nʼoko mitwe yayo habya amena wʼebĩtsũmĩ.

Eribisurirwa 17:12

Nʼamahembe ĩkũmĩ ago walangira, ni bami ĩkũmĩ, abate basinga, nĩkwa basyahabwa ehamũlĩ eritabala ngʼabami esaa nguma haguma nʼenyama eyo.