Danĩelĩ 2:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Neryo Abakaldea mobabwira omwami omo mũbũge wʼEkiaramia bati, Uwe mwami ukote; ubwire abagombe bawe erilota eryo, netu tukandibikulalyo.

Danĩelĩ 2:4 Iomraidhean Croise

Enzũko 31:47

Neryo Labanĩ mwalukaho mo Yegarĩ-saha-dũta, nĩkwa Yakobo mwalukaho mo Gĩleadĩ.

Enzũko 41:8

Enyũma wʼaho omo ngyakyangyakya, ekĩrĩmũ kiwe mokyakwa engitsi, neryo mwatuma eribirikira abalagũlĩ bosĩ bʼeMĩsĩrĩ. Nʼabalume bosĩ bʼamenge. Neryo Farao mwabwirabo erilota liwe nĩkwa sihabya mundu nʼomuguma oyo wangatoka eribikuliralyo Farao.

1 Abami 1:25

Kusangwa mũnabwĩre abiriandagala nʼerikera esyonume syʼesyonde nʼesyʼebĩsabũ nʼesyombũlĩ nyingi, kandi abiribirikira abagala bosĩ bʼomwami, nʼabakulu bʼemilondo, nʼomũhererĩ Abĩatarĩ; neryo lebaya, bakalya nʼerĩpũlya embere siwe, bati, Omwami Adonĩa akote!

1 Abami 1:31

Neryo Batĩseba mũnamĩrya obũsũ buwe bʼoko kitaka, mũnamira embere syʼOmwami, mwabũga ati, Omukama wage omwami Dawĩdĩ akote!

2 Abami 18:26

Neryo Elĩakĩmũ mugala wa Hĩlkĩa, na Sebũna, na Yoa mobabwira Rabsake bati, Ngakũbũlaya, nyiti, ũkanaye nʼabagombe bawe omo mũbũge wʼAbasũrĩa; kusangwa go tũkowa; kandi sũbũge netu omo mũbũge wʼAbayũda, omo matwĩ wʼabandu abĩkere oko lũhĩmbo.

Ezera 4:7

Nʼoko biro bya Artasasta, ye Bĩsĩlamũ, na Mĩtĩredatĩ, na Tabeelĩ, nʼabandi nʼabalĩkyabo, mobasakira Artasasta omwami wʼePersĩa; nʼerisaka lyʼebarua lyasakawa omo Kĩsũrĩa; moyatondekwa omo Kĩsũrĩa.

Nehemĩa 2:3

Monabwira omwami nyiti, Omwami akote. Busana nakĩ obũsũ bwage sibwangabya nʼobũlĩge omugulu omũyĩ, ahali esisinda syʼabotata wage hakabya mulala, nʼesyongyo syako syabĩrĩhĩsĩrĩrĩbwa omo muliro kwehĩ?

Ĩsaya 36:11

Neryo Elĩakĩmũ na Sebũna na Yoa mobabwira Rabasake, bati, Lino ũbũge nʼabagombe bawe omo mũbũge wʼAbasũrĩa, kusangwa tũkowago. Sũbũge netu omo mũbũge wʼAbayũda omo matwĩ wʼabandu abali oko lũhĩmbo.

Ĩsaya 44:25

Ngaleka ebiminyikalo byʼabandu abakayihalamba ibyabya busa, nʼeriyira abalagũlĩ mo bakĩrũ, ngaleka abandu bʼamenge erisuba enyũma, nʼeribindula amenge wabo mo bũkĩrũ,

Danĩelĩ 1:4

abalwana abate ko kĩtĩngũ, nĩkwa ababuya, nʼabanyima omo menge gosĩ, nʼabawite eriminya, nʼabenge-benge Omwʼiminya, nʼabawite amaka wʼerihangana omo nyũmba yʼOmwami; kandi ati akangĩrĩrayebo amenge wʼomũbũge wʼAbakaldea.

Danĩelĩ 2:7

Nabo mobamũsũbĩrya engendo yʼakabiri bati. Omwami abwire abagombe buwe erilota eryo, netu tũkandĩkangya eribikulalyo.

Danĩelĩ 3:9

Mobasũbĩrya mobabwira omwami Nebũkadeneza bati, Uwe mwami, ukote!

Danĩelĩ 4:19

Neryo Danĩelĩ, oyukahulawa mo Beltesaza, mwabumbubana akatambĩ, nʼamalengekanĩa wuwe mwamũswekya. Nʼomwami mwasũbĩrya ati, Beltesaza, Suleke erilota erĩ nʼeribikulalyo lĩkakũswekya. Beltesaza mwamũsũbĩrya ati, Omukama wage, erilota erĩ ni ryʼabakakũkwa obusu, nʼeribikula lyalyo libye oko syonzĩgũ syawe.

Danĩelĩ 4:7

Neryo abasaki nʼabalagũlĩ, Abakaldea, nʼabakũmũ mobasa; nage monakanĩryabo erilota eryo; nĩkwa mobatanyĩmĩnyĩsya eribikula lyalyo.

Danĩelĩ 4:9

Uwe Beltesaza, omukulu wʼabasaki, kusangwa nyĩnasĩ ekĩrĩmũ kyʼesyonyamuhanga sĩbũyĩrĩre kiri omwisi syawe, kandi sihali ekĩbĩsĩre ekĩkakwĩta obũlĩge, unyibwire esyonzolĩ syʼerilota lyage, esyo nalangira, nʼeribikula lyasyo.

Danĩelĩ 5:10

Neryo omwami-kalĩ mwahĩka omo nyũmba yʼeririramo busana nʼebĩnywa byʼOmwami nʼabakama buwe; neryo omwami-kalĩ mwabũga ati, Uwe mwami, ukote; Suleke amalengekanĩa wawe akakwĩta obũlĩge, kutse Suleke obũsũ bwawe bukahinduka.

Danĩelĩ 5:8

Neryo abandu bosĩ bʼamenge bʼomwami mobahĩkaho; nĩkwa mobatatoka erisoma amasako, kutse erĩmĩnyĩsya omwami eribikula lyago.

Danĩelĩ 6:21

Neryo Danĩelĩ mwabwira omwami ati, Uwe mwami, ukote!

Danĩelĩ 6:6

Neryo abakulu abo nʼabatabalĩ mobahĩndana haguma embere syʼOmwami mobamubwira bati, Omwami Darĩo, ukote!

Danĩelĩ 6:7

Abakulu bosĩ bʼobwami, nʼabakama, nʼabatabalĩ, nʼabahanĩ, nʼabalemĩ, babĩrĩkanĩa haguma erĩhanganĩa erihana lyʼobwami, nerĩhĩru erĩganĩsya lĩkalĩre, liti, oyo wasyasaba kindi oko gundi nyamuhanga, kutse oko mundu wahi oko biro makũmĩ asatu, ate ukʼuwe mwami, asyaguswa omo kyũna kyʼesyondale.

Matayo 21:9

Nʼesyondeko mobagenda embere wa Yesu, nʼabamukwama mobabirikira, bati, Omugala wa Dawĩdĩ apipawe! Nyamuhanga ahire mũyĩsa oko yukasa omo lĩna lyʼomukama! Nyamuhanga wʼahendata kutsibu apipawe!

1 Samwelĩ 10:24

Neryo Samwelĩ mwabwira bandu bosĩ ati, Mwamalola ukwʼoyo Mwami Mukulu abiriyisoga, ko hate gundi nga ye omo katĩkatĩ kʼabandu bosĩ kwehĩ? Nʼabandu bosĩ mobũta obogo bati, Omwami akote!