Danĩelĩ 2:37 - AMASAKO ABOYTRTRE WA NYAMUHANGA AWAKAHULAWA MO BIBLIA

³⁷ Uwe mwami uli mwami wʼabami, na Nyamuhanga wʼelubula abirikuha obwami, nʼobũtokĩ, nʼamaka, nʼolukengerwa;

Danĩelĩ 2:37 Iomraidhean Croise

1 Abami 4:24

Kusangwa abya atabere oko mwisirya ono wʼolũsĩ lwʼeEfurata erĩtsũka eTĩfsa erĩhĩka eGaza, oko bami bosĩ bʼomwisirya ono wʼolũsĩ lwʼeEfurata. Na Solomono abya nʼobuholo oko mbande siwe syosĩ.

2 Abami 25:28

Neryo mwabũga ndeke naye, mwahĩra ekĩtũmbĩ kiwe kyʼobwami endata oko bĩtũmbĩ byʼabami ababya haguma naye eBabelĩ.

2 Emyatsi yʼEmigulu 36:23

Kĩro omwami wʼePersĩa akabũga ati, Omwami Mukulu, Nyamuhanga wʼelubula abirimba amami gosĩ wʼekihugo, naye abirinyilayira erĩmũhĩmbĩra enyũmba eYerũsalema owali eYũda. Neryo Omundundi oyuli omo katĩkatĩ kenyũ, ĩnywe bandu buwe bosĩ, Omwami Mukulu Namuhanga wuwe abye naye, neryo ahetukireyo!

Ezera 1:2

Kĩro omwami wʼePersĩa akabũga ati, Omwami Mukulu Nyamuhanga wʼelubula abirimba amami gosĩ wʼekihugo; kandi abirinyihamula ati nyĩmũhĩmbĩre enyũmba eYerũsalema, eyiri eYũda.

Ezera 7:12

Iti, Ĩngye, Artasasta, omwami wʼabami, uku Ezera omũhererĩ, omũhandĩkĩ wʼemigambo ya Nyamuhanga wʼelubula, wabũkĩre ndeke!

Esyonyimbo 62:11

Nyamuhanga abĩrĩbũgakyo ngendo nguma; Nabĩrĩowakyo kabiri, Obũtokĩ ni bwa Nyamuhanga.

Emĩsyo 8:15

Busana nage abami bakatabala, Nʼabanya-mwami bakategeka erĩbanza.

Ĩsaya 10:8

Kusangwa akabũga ati, Abanya-mwami bage bosĩ si bami kwehĩ?

Ĩsaya 47:5

Wĩkale bũkũtũ, ugende omo mwĩrĩmya, Uwe mwali wʼAbanya Kaldea; Kusangwa siwendisyaswahulwa mo mwami-kalĩ wʼamami.

Yeremĩa 28:14

Kusangwa Omwami Mukulu wʼemilondo, Nyamuhanga wa Ĩsraelĩ akabũga ati, Nabĩrĩhĩra engomo yʼekyuma yʼomo bĩkya byʼebihanda ebĩ oyosĩ bakolere Nebũkadeneza omwami wʼeBabelĩ, nabo basyamukolera. Nage nabirimuha esyonyama syʼomolĩ nibya.

Yeremĩa 34:1

Ekĩnywa ekyahĩka uku Yeremĩa kĩkalũa oko Mwami Mukulu, omugulu Nebũkadeneza omwami wʼeBabelĩ, nʼabasĩrĩkanĩ buwe bosĩ, nʼamami gosĩ wʼekihugo ababya omwʼitabala liwe, nʼabandu bosĩ ababya bakalwa nʼeYerũsalema, nʼemĩyĩ yosĩ yaho, kiti,

Ezekĩelĩ 26:7

Kusangwa Omukama Iye Omwami Mukulu ati, Lebaya, nasyaleta uku Tĩro ye Nebũkadeneza omwami wʼeBabelĩ, omwami wʼabami, erĩlũa elutambi lwʼendata haguma nʼesyosabayĩrĩ, nʼesyogalĩ, nʼabali oko syosabayĩrĩ, nʼendeko, nʼabasĩrĩkanĩ bangi.

Danĩelĩ 1:2

Nʼomukama mwahĩra Yehoyakĩmũ omwami wʼeYũda omo byala biwe, nʼekihande kyʼebindu byʼenyũmba ya Nyamuhanga; mwahekerabyo omo kihugo kyʼeSĩnarĩ oko nyũmba ya nyamuhanga wuwe, mwĩngĩrya ebindu ebyo, omo kigona kya nyamuhanga wuwe.

Danĩelĩ 2:31

Uwe mwami, mowalangira, neryo lebaya habya esanamu nene. Esanamu eyo yabya nene, nʼerĩkangabasanĩa lyayo lyabya libuya, moyahangana embere syawe, nʼerisosa lyayo lyabya lĩsũsũmenĩe.

Danĩelĩ 2:44

Nʼoko biro byʼabami abo, Nyamuhanga wʼelubula asyahanganĩa obwami obũtendĩsyaherĩbwa na kera, kutse eritabala lyabo siryendĩsyasĩgĩrwa abandi bandu; nĩkwa bwasyatulanga mo bihande bihande nʼeribuga amami gosĩ aya, nabo bwasyahangana kera na kera.

Danĩelĩ 4:19

Neryo Danĩelĩ, oyukahulawa mo Beltesaza, mwabumbubana akatambĩ, nʼamalengekanĩa wuwe mwamũswekya. Nʼomwami mwasũbĩrya ati, Beltesaza, Suleke erilota erĩ nʼeribikulalyo lĩkakũswekya. Beltesaza mwamũsũbĩrya ati, Omukama wage, erilota erĩ ni ryʼabakakũkwa obusu, nʼeribikula lyalyo libye oko syonzĩgũ syawe.

Danĩelĩ 4:22

nina we, mwami; wabirikula nʼeribana amaka; kusangwa obukulu bwawe bwabiribya bunene, nʼerĩhĩka omo kyanya, nʼeritabala lyawe lyamahĩka oko ndũlĩ yʼekihugo.

Danĩelĩ 4:25

Liti wasyahigwa erĩlũsĩbwa oko bandu, nʼobwĩkalo bwawe bwasyabya haguma nʼesyonyama syʼomolĩ, nawe wasyalĩsĩrĩrĩbwa erirya ebiti ngʼesyonde, kandi wasyatsapĩbwa omo kimi kyʼekyanya, nʼemigulu irinda yasyakulabako; erĩhĩka aho wasyaminyira Owendata Kutsibu kwʼakatabala oko bwami bwʼabandu nʼerihabo ukwʼoyo akasonda.

Danĩelĩ 4:3

Ebĩmĩnyĩsyo biwe ko biri binene! Nʼebyʼeriswekera biwe ko biri byʼamaka! Obwami buwe ni bwami bwʼerikota, nʼeritabala liwe likabya oko ndengo ndengo.

Danĩelĩ 4:32

Wasyahigwa erĩlũa hakũhĩ nʼabandu; nʼerĩĩkala lyawe lyasyabya haguma nʼesyonyama syʼomolĩ; wasyalĩsĩrĩrĩbwa oko biti ngʼesyonde; nʼemigulu irinda yasyakulabako erĩhĩka aho wasyaminyira Owendata Kutsibu kwʼakatabala oko bwami bwʼabandu kandi akahabo oko oyo anzĩre erihabo.

Danĩelĩ 4:34

Neryo ebiro ebyo byabere byabihwa, ĩngye Nebũkadeneza, monasumbira ameso wage elubula, nʼobũlengekanĩa bwage mobwanyisubako, monapipa Owendata Kutsibu, monamupipa nʼerĩmũsĩkya, oyuliho kera na kera; kusangwa eritabala liwe ni ʼtabala lya kera na kera, nʼobwami buwe ni bʼoko ndengo ndengo.

Danĩelĩ 5:18

Uwe mwami, Nyamuhanga Wʼendata Kutsibu mwaha tata wawe Nebũkadeneza obwami, nʼobukulu, nʼolukengerwa, nʼerĩkangabasanĩa.

Danĩelĩ 7:14

Naye mwahabwa eritabala, nʼolukengerwa, nʼobwami, abandu bosĩ nʼebihanda, nʼemĩbũge bamukolere; eritabala liwe ni ʼtabala lya kera na kera, eritendisyahwaho, nʼobwami buwe ni bwami obũtendĩsyaherĩbwa.

Hosea 8:10

Ega, nomo bangakondesya abĩra omo katĩkatĩ kʼebihanda, lino ngandĩhĩndanĩabo; nabo bakandĩsyatsũka erikeha busana nʼomuheke wʼOmwami wʼabanya-mwami.

Matayo 6:13

Sĩgũtwĩngĩraye omwʼirengwako, nĩkwa ũtũlamaye oko mubi. Kusangwa obwami ni bwawe, Nʼobũtokĩ, nʼolukengerwa, kera na kera. Amina.

Yoane 19:11

Yesu mwamũsũbĩrya ati, Siwangabya nʼehamũlĩ ũkwʼĩngye utalyahabawayo na Nyamuhanga. Kikaleka omundu oyo wanyihotera ukʼuwe iniabya ko musango wʼebibi binene kwʼaho.

Eribisurirwa 1:5

kandi bĩkalũa uku Yesu Kristo, omũtũlĩ wʼomwatsi oyuteregula, Omugala, akambere oyo walũbũkĩbawa oko luholo, omũtabalĩ, wʼabami bʼekihugo. Ukwʼoyukatwanza, kandi yo watubohola oko bibi byetu omo musasi wuwe,

Eribisurirwa 17:14

Aba basyalwa nʼEkyana kyʼEmbũlĩ, nĩkwa Ekyana kyʼEmbũlĩ, haguma nʼabakamukwama, ababirikirawa buwe, nʼabayisogawa, nʼabateregula buwe, basyakĩndabo, kusangwa iye ni Mukama wʼabakama, nʼOmwami wʼabami.

Eribisurirwa 19:16

Oko kanzu yiwe nʼoko kihinga kiwe habya hasakĩre erĩna liti, Omwami wʼabami, nʼOmukama wʼAbakama.

Eribisurirwa 4:11

Omukama wetu na Nyamuhanga wetu! Uwe utolere eribana olukengerwa, nʼerĩsĩkya, nʼobũtokĩ, Kusangwa wahangika ebindu byosĩ, Kandi busana nʼerisonda lyawe mobyabyaho kandi mobyahangikwa.

Eribisurirwa 5:12

Abamalaĩka aba mobabũga nʼomulenge munene bati, Ekyana kyʼEmbũlĩ ekyakerawa kitolere Eriangirira obũtokĩ, nʼobuteke, nʼamenge, nʼamaka, Nʼerĩsĩkĩbwa, nʼolukengerwa, nʼeripipwa!