Danĩelĩ 2:34 - AMASAKO ABOYTRTRE WA NYAMUHANGA AWAKAHULAWA MO BIBLIA

³⁴ Kandi wabya ukasamalira erĩhĩka aho erĩbwe eryabatsawa butsira byala, nalyo molyaswĩrya esanamu eyo oko bisando byayo ebyabya byʼekyuma nʼeribumba, molyatulangabyo mo bihande bihande.

Danĩelĩ 2:34 Iomraidhean Croise

Esyonyimbo 118:22

Erĩbwe eryo abahĩmba babana nga buyira, Lyabiribya erĩbwe ryʼesondo erĩkatũngananaya enyũmba.

Ĩsaya 28:16

Busana nʼekyo Omukama Omwami Mukulu ati, Lebaya, ngahĩmba eSĩonĩ erĩbwe, erĩbwe eryabirirengwako, erĩbwe ryʼenũnga lyʼobũgũlĩ bunene busana nʼekibanza, eryabirihandwa ndeke. Nʼoyũkĩkĩrĩraya siendisyahemuka.

Ĩsaya 60:12

Kusangwa ekihanda ekyo nʼobwami obo, Ebĩtanzĩre erikukolera byasyahera Nʼebihanda ebyo byasyatĩngĩtĩbwa kutsibu.

Ĩsaya 8:9

Ĩnywe bandu mũbũnĩke, emitima ĩlũe omo nda; mutege amatwĩ, ĩnywe bosĩ bʼebihugo byʼehali. Mũyĩkũndĩke, nĩkwa emitima ĩlũe omo nda; mũyĩkũndĩke, nĩkwa emitima ĩlũe omo nda.

Ezekĩelĩ 32:28

Nĩkwa omo katĩkatĩ kʼabandu batabwene, wasyabũnwa wasyagotsera haguma nʼabandu abĩtawa omo mũyalĩ.

Ezekĩelĩ 47:5

Nʼenyũma wʼaho mwalenga metere 519, mohabya olũsĩ Isinangatoka erisoka; kusangwa amagetsi mũsũla, amagetsi wʼeritsihamo, olũsĩ olutelwangatoka erisokwa.

Danĩelĩ 2:33

emihimbi yayo yabya yʼekyuma, ebisando byayo byabya ekitswe kyʼekyuma nʼekitswe kyʼeribumba.

Danĩelĩ 7:27

Nʼobwami nʼobutabale nʼobukulu bwʼamami eyĩkwa wʼamatũkũ gosĩ, byasyahabwa oko bandu ba Nyamuhanga Owendata Kutsibu. Obwami buwe ni bwami bwa kera na kera, nʼamatabale gosĩ asyamukolera nʼerimukenga.

Danĩelĩ 8:25

Na busana nʼemibere yiwe asyatokesya amatebo omo byala biwe; kandi asyayĩhamya omo mutima wuwe; kandi asyaherya bangi omwʼiyiketera lyabo; kandi asyahangana nʼerilwa nʼOmunya-mwami wʼabanya-mwami; nĩkwa asyatĩndwa butsira omo byala byʼabandu.

Zekarĩa 12:3

Neryo kyasyabererera oko kiro ekyo nasyayira eYerũsalema mo lĩbwe rĩrĩtohĩre busana nʼebihanda byosĩ; abosĩ abakalĩtoherayo basyahũtalĩbwa kutsibu; nʼebihanda byosĩ byʼekihugo byasyahĩndanĩbwa erilwa nayo.

Zekarĩa 4:6

Neryo mwasũbĩrya mwambwira ati, Ekĩ nĩ kĩnywa kyʼOmwami Mukulu uku Zerũbabelĩ, kiti, Si busana nʼamaka, kutse busana nʼobũtokĩ, nĩkwa busana nʼOmũlĩmũ wage, Omwami Mukulu Wʼemilondo atya.

Matayo 16:18

Kandi ngakubwira kʼuli Petero, nʼoko lĩbwe erĩ nasyahĩmba ekanĩsa yage; kandi amaka wʼoluholo siendĩsyakĩndayo na kera.

Yoane 1:13

Nĩkwa mobatabutwa mo bana ba Nyamuhanga omo nzira yʼomubiri, kutse omwʼisonda lyʼomubiri, kutse omwʼisonda lyʼabandu, nĩkwa Nyamuhanga yo wabutabo.

Emibiri 4:11

Yesu yoyo Amasako akahula ati, Erĩbwe ĩnywe bahĩmbĩ mwagana, Lyabĩrĩhĩrwa mo lĩbwe erĩkatũngananaya enyũmba.

2 AbanyaKorinto 5:1

Kusangwa tũnasĩ ehema eyo tulimo, muna-kihugo yamabĩhĩmbũlwa, neryo tukandisyabya nʼenyũmba eyĩkalũa uku Nyamuhanga, eyĩtahĩmbawa omo byala, eyikandisyakota elubula.

AbaEbrania 9:24

Kusangwa Yesu mwatingira Ahabũyĩrĩre ahakokotĩbawa nʼebyala byʼabandu, ahabya ekĩsosekanĩo kyʼAhabũyĩrĩre hʼekwenene, nĩkwa mwingira elubula aho akabanika embere sya Nyamuhanga busana netu.

1 Petero 2:7

Erĩbwe erĩ, nĩ ryʼobũgũlĩ bunene busana nenyũ abakĩkĩrĩraya. Nĩkwa busana nʼabatĩkĩrĩraya, ati, Erĩbwe eryo bahĩmbĩ babana nga ni buyira, Lyabiribya erĩbwe erĩkatũngananaya enũnga yʼenyũmba.

Eribisurirwa 11:15

Neryo omũlaĩka wʼakalinda mwabuha engubi yiwe, neryo emirenge minene-minene omo lubula moyabũga iti, Obwami bwʼekihugo bwabiribya bwami bwʼomukama wetu, nʼobwa Kristo wuwe, naye asyatabala kera na kera!

Eribisurirwa 17:14

Aba basyalwa nʼEkyana kyʼEmbũlĩ, nĩkwa Ekyana kyʼEmbũlĩ, haguma nʼabakamukwama, ababirikirawa buwe, nʼabayisogawa, nʼabateregula buwe, basyakĩndabo, kusangwa iye ni Mukama wʼabakama, nʼOmwami wʼabami.