Danĩelĩ 2:31 - AMASAKO ABOYTRTRE WA NYAMUHANGA AWAKAHULAWA MO BIBLIA

³¹ Uwe mwami, mowalangira, neryo lebaya habya esanamu nene. Esanamu eyo yabya nene, nʼerĩkangabasanĩa lyayo lyabya libuya, moyahangana embere syawe, nʼerisosa lyayo lyabya lĩsũsũmenĩe.

Danĩelĩ 2:31 Iomraidhean Croise

Ĩsaya 13:11

Litya nasyasuyira ekihugo busana nʼebibi byakyo, nʼabakola-nabi busana nʼamalolo wabo. Ngandĩhũnerya eriyitendera lyʼabakayiheka, nasyabũndamĩrya ahisi eriyiheka lyʼabatsibu.

Ezekĩelĩ 28:7

neryo, lebaya, nasyakuletera abʼehandi, ebihanda ebĩkala-kalĩre. Nabo basyakula emĩyalĩ yabo erilwa nʼobubuya bwʼamenge wawe, kandi basyatsandya erĩkangabasanĩa lyawe.

Danĩelĩ 2:36

Erilota lyeryo, netu tũkandĩbũga eribikula lyalyo embere syʼOmwami,

Danĩelĩ 2:37

Uwe mwami uli mwami wʼabami, na Nyamuhanga wʼelubula abirikuha obwami, nʼobũtokĩ, nʼamaka, nʼolukengerwa;

Danĩelĩ 3:1

Omwami Nebũkadeneza mwakokotya esanamu yʼesyamagetsi, obuli bwayo bwʼendata bwabya emetere 27, nʼobugali bwayo emetere 2; neryo mwasingikayo omo bwerere bwʼeDũra, omo kihugo kyʼeBabelĩ.

Danĩelĩ 4:36

Oko mugulu oyo, obũlengekanĩa bwage mobwanyisubako; kandi busana nʼolukengerwa lwʼobwami bwage, erĩkangabasanĩa lyage nʼolukengerwa lwage mobyanyisubako; nʼabahanĩ bage nʼabakama bage mobasa erĩnyĩsondya; nage monaswahanganĩbwa omo bwami bwage, nʼobukulu bubuya mobwanyitomekerwako.

Habakũkĩ 1:7

Ibo nĩ bʼerĩũbahya nʼerisagwa; erĩbanza lyabo nʼehamũlĩ yabo bĩkalũa kubo ĩbobene.

Matayo 4:8

Kandi Satanĩ mwatwala Yesu yʼoko kitwa kiri-kiri, mwamũkangya amami gosĩ wʼekihugo nʼolukengerwa lwago.

Luka 4:5

Neryo Satanĩ moyamutwala endata, moyamũkangya amami gosĩ wʼekihugo oko katambĩ kake ngʼerĩkohya lyʼerĩso.