Danĩelĩ 2:28 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁸ Nĩkwa hali Nyamuhanga elubula oyũkabĩsũla ebĩbĩsĩre, naye abĩrĩmĩnyĩsya Nebũkadeneza ebikandisyabya oko biro byʼenyũma. Erilota lyawe, nʼesyonzolĩ syʼomutwe wawe oko ngyingo yawe byebĩ.

Danĩelĩ 2:28 Iomraidhean Croise

Enzũko 40:8

Neryo mobamũsũbĩrya bati, Motukalota esyonzolĩ, kandi sihali mundu wʼeritubikulirasyo. Nĩkwa Yosefũ mwabwirabo ati, Ngababũlaya mumbwire, eribikula si rya Nyamuhanga kwehĩ? mukatambwirasyo.

Enzũko 41:16

Neryo Yosefũ mwasũbĩrya Farao ati, Sĩ ĩngye. Nyamuhanga asyaha Farao erĩsũbĩrya lyʼobuholo.

Enzũko 41:25

Na Yosefũ mwabwira Farao ati, Erilota lya Farao niʼguma Nyamuhanga akatũlĩra Farao ebyo akĩsĩya iniakola.

Enzũko 49:1

Neryo Yakobo mwabirikira bagala buwe, mwabũga ati, Mũhĩndane haguma, inatoka eribabwira ebĩkandĩsyabahĩkako oko biro byʼenyũma,

Esyonyimbo 115:3

Nyamuhanga wetu ali omo lubula, Akakola ebyo anzĩre.

Ĩsaya 2:2

Neryo kyasyabya oko biro byʼenyũma, ekitwa kyʼenyũmba yʼOmwami Mukulu kyasyahanganĩbwa ngʼekikulu kyʼebitwa, kyasyahamĩbwa endata oko bitwa. Ebihanda byosĩ byasyahĩkaho.

Yeremĩa 10:7

Uwe Mwami wʼebihanda, nindi ati siangakubaha kwehĩ? Kusangwa likutolere! Kusangwa omo katĩkatĩ kʼabandu bʼamenge bosĩ bʼebihanda, kandi omo mami gosĩ wabo sihali oyuli nga we.

Yeremĩa 30:24

Erihitana lĩkalĩre lyʼOmwami Mukulu sĩryendĩsyabũnũkala ate akola, kandi ate aberererya amalengekanĩa wʼomutima wuwe. Mwasyaminyago oko biro byʼenyũma.

Yeremĩa 48:47

Omwami Mukulu ati, Nasyasũbya omũyĩsa wʼeMoabũ oko biro byʼenyũma. Eritswera lya Moabũ lyamahĩkerera hano.

Ezekĩelĩ 28:3

Lebaya, uwite amenge kwilaba Danĩelĩ. Sihali erĩkũmbo lĩbĩsĩre ukʼuwe.

Ezekĩelĩ 38:16

nawe wasyahetukira abandu bage erilwa na Ĩsraelĩ ngʼekĩtũ kyʼeriswika ekihugo. Kyasyahĩka oko biro byʼenyũma, nasyakuleta erilwa nʼekihugo kyage, ebihanda ibyatoka erinyiminya omugulu nasyahigulwa busana nawe uwe Gogĩ, embere syʼameso wabo.

Ezekĩelĩ 38:8

Enyũma wʼebiro bingi wasyabirikirwa. Oko myaka yʼenyũma wasyahĩka omo kihugo ekyabĩrĩsũbĩbwa oko mũyalĩ, esyondũlanĩ syako syabirikuma-kumwa omo bihanda bingi erĩhĩka oko bitwa bya Ĩsraelĩ, ebyabya kĩma ebiro byosĩ. Nĩkwa abandu bako balũsĩbawa omo bihanda, nabo bĩkere buholo, abosĩ ba kubo.

Danĩelĩ 1:20

Nʼomo myatsi yosĩ yʼamenge nʼobowĩka, umwʼebyo mwami abũlayabo; mwalebyabo ĩbanowene engendo ĩkũmĩ kwilaba abasaki nʼabalagũlĩ ababya omo butabale buwe bosĩ.

Danĩelĩ 10:14

Lino nabĩrĩhĩka erĩkũmĩnyĩsya ebĩkandĩsyahĩka oko bandu bawe omo biro byʼenyũma; kusangwa esyonzolĩ esyo ni syʼebiro bingi byʼenyũma.

Danĩelĩ 2:18

Ati, basondaye eriganyira lya Nyamuhanga wʼelubula busana nʼekĩbĩsĩre ekĩ; Danĩelĩ nʼabalĩkyabo sibahere haguma nʼabandi bandu bʼamenge bʼeBabelĩ.

Danĩelĩ 2:22

akabĩsũla emyatsi eyʼehali nʼeyĩbĩsĩre; akaminya ebiri omo mwĩrĩmya, nʼekyakakala kĩkere haguma naye.

Danĩelĩ 2:44

Nʼoko biro byʼabami abo, Nyamuhanga wʼelubula asyahanganĩa obwami obũtendĩsyaherĩbwa na kera, kutse eritabala lyabo siryendĩsyasĩgĩrwa abandi bandu; nĩkwa bwasyatulanga mo bihande bihande nʼeribuga amami gosĩ aya, nabo bwasyahangana kera na kera.

Danĩelĩ 2:45

Ngoko walangira erĩbwe eryo eryabatsawa omo kitwa butsira ebyala, kandi ngoko lyatulanga ekyuma, nʼomulinga, nʼeribumba, nʼekĩtsĩpa nʼesyamagetsi; Nyamuhanga mukulu abĩrĩmĩnyĩsya omwami ebikandisyabya enyũma; nʼerilota ni ryʼekwenene, nʼeribikula lyalyo sĩrĩhabĩre ni ryʼeriyiketera.

Danĩelĩ 2:47

Neryo omwami mwasũbĩrya Danĩelĩ ati, nene Nyamuhanga wenyũ ni Nyamuhanga wʼesyonyamuhanga, nʼOmwami wʼabami, nʼomũbĩsũlĩ wʼebĩbĩsĩre, kusangwa wabiritoka erĩbĩsũla ekĩbĩsĩre ekĩ.

Danĩelĩ 4:5

Monalota esyonzolĩ esĩnyĩtĩre obuba; nʼamalengekanĩa oko ngyingo yage, nʼesyonzolĩ syʼomutwe wage mosyanyĩgerũkya omutima.

Hosea 3:5

Nʼenyũma wʼaho, abana ba Ĩsraelĩ basyasubula nʼerĩsondya Omwami Mukulu Nyamuhanga wabo, na Dawĩdĩ omwami wabo; kandi basyasa oko Mwami Mukulu nʼerititimana, nʼoko bibuya biwe, omo biro byʼenyũma-nyũma.

Amosĩ 4:13

Kusangwa lebaya, oyo wahangika ebitwa, nʼoyo wahangika erihunga, nʼerĩtũlĩra omundu yʼamalengekanĩa wuwe; oyukayira engyakya-ngyakya eribya mwĩrĩmya, nʼoyukalyatanga ahʼendata hʼekihugo, Omwami Mukulu Nyamuhanga Wʼemilondo, lyo lĩna liwe.

Emiganzo 24:14

Na lino lebaya, ngaya oko bandu bage; Wase, ngandikubwira ebyo abandu aba basyakolera abandu bawe oko biro byʼenyũma.

Matayo 6:9

Neryo ko musabe mutya, muti, Tata wetu oyuli elubula, Erĩna lyawe ribye rĩbũyĩrĩre.

Eryibuka Ebihano 31:19

Neryo lino musake Olwimbo olũ busana nenyũ, ũkangĩrĩrayelo abana ba Ĩsraelĩ; ũhĩrelo omo buno bwabo, Olwimbo olũ lutoke eribya kĩmĩnyĩsyo busana nage oko bana ba Ĩsraelĩ.

Eryibuka Ebihano 4:30

Omugulu muli omo maligo, nʼemyatsi yosĩ eyo ĩyamabĩbahĩkĩra, omo biro byʼenyũma mwasyasubira Omwami Mukulu Nyamuhanga wenyũ, nʼerihulikirira omulenge wuwe.

2 Timoteo 3:1

Nĩkwa Uminye ekĩ! Oko biro byʼenyũma-nyũma hasyabya emigulu ĩkalĩre.

AbaEbrania 1:1

Nyamuhanga kera mwabũga nʼabotata-kulu betu omo bĩnywa byʼabamĩnyererĩ, esyongendo nyingi nʼomo syo­nzira mĩsĩndo-mĩsĩndo.

2 Petero 3:3

Nĩkwa mũtsũke eriminya omwatsi ono, oko biro byʼenyũma abasĩnĩngũlĩ basyahuluka, abakakwama esyongumbu syabo. Basyabasĩnĩngũlĩra bati,

Eribisurirwa 1:1

Omo kitabu ekĩ mũsakĩre emyatsi eyo Yesu Kristo abĩsũla. Erĩbĩsũla erĩ Nyamuhanga amuhalyo erĩkũmbũlĩra abagombe buwe emyatsi eyikandisyabya lũba. Kristo mwamĩnyĩsya emyatsi eyĩ uku Yoane omugombe wuwe iniakamutumira omũlaĩka wuwe.