Danĩelĩ 2:22 - AMASAKO ABOYTRTRE WA NYAMUHANGA AWAKAHULAWA MO BIBLIA

²² akabĩsũla emyatsi eyʼehali nʼeyĩbĩsĩre; akaminya ebiri omo mwĩrĩmya, nʼekyakakala kĩkere haguma naye.

Danĩelĩ 2:22 Iomraidhean Croise

Enzũko 41:16

Neryo Yosefũ mwasũbĩrya Farao ati, Sĩ ĩngye. Nyamuhanga asyaha Farao erĩsũbĩrya lyʼobuholo.

Yobũ 12:22

Akabĩsũla emyatsi ĩbĩsamĩre erihuluka omo mwĩrĩmya, Nʼerĩhũlũkya omo kyakakala enyahĩnda.

Yobũ 26:6

Ekũlĩmũ iri ndũmbũ embere sya Nyamuhanga, Na Abadone siawite ekiswikiro.

Esyonyimbo 104:2

Ukayiswika ekyakakala. Ukasanza ekyanya ngʼehema.

Esyonyimbo 25:14

Omwami Mukulu nĩ mwĩra wʼabandu abakamukenga, Kandi akakangĩrĩrayabo endagano yiwe.

Esyonyimbo 36:9

Uli nzũko yʼengebe yosĩ, Kandi omo kyakakala kyawe tukalangira ekyakakala.

Omũgambũlĩ 8:1

Omundu wʼamenge nindi kwehĩ? Nʼoyo wasĩ erĩkũmbũla omwatsi nindi kwehĩ? Amenge wʼomundu akakangabasanaya obũsũ buwe, nʼerikala lyʼobũsũ buwe likabinduka.

Ĩsaya 41:22

Bahũlũkayebyo, kandi batũtũlĩre ebyo ebikandisyabya. Mũtũle emyatsi yʼerĩmbere, nga yabya yahi, itwatoka erĩrengekanĩayo, nʼeriminya endũlĩ yayo, kutse mũtũkangaye emyatsi eyikandisyasa.

Ĩsaya 41:26

Nindi oyo wabĩrĩtũlago okwʼĩtsũka lyʼerĩmbere, itwatoka eriminya kwehĩ? Kutse oyo wabũga oko migulu ya kera, itwatoka erĩbũga tuti, Iye ni kwenene. Ega, sihabya oyo watũlago, ega, kwenene. Ega, sihabya oyo wakanganaya, ega kwenene sihabya oyo wakanganaya, ega kwenene sihabya oyo wowa ebĩnywa byenyũ.

Ĩsaya 42:9

Lebaya, emyatsi yʼerĩmbere yabiribererera, lino ngabatũlĩra emyatsi mihya-mihya. Ngabatũlĩrayo ite yahuluka.

Ĩsaya 45:7

Ĩngye yo yukayira ekyakakala, kandi ngahangika omwĩrĩmya. Ngahĩra Obuholo, nʼerihangika erĩkwa. Ĩngye indi Mwami Mukulu, oyukakola emyatsi yosĩ eyĩ.

Yeremĩa 23:24

Omwami Mukulu ati, Hali oyo wangayĩbĩsa ahabĩsamĩre isinangamulolako kwehĩ? Omwami Mukulu ati, Sĩ ngye ngũsũlaya elubula nʼekihugo kwehĩ?

Yeremĩa 33:3

Unyibirikire, nage ngandĩkũsũbĩrya, nʼerĩkũkangya emyatsi mikulu mikulu, nʼeyĩkalĩre, eyo gũtasĩ.

Danĩelĩ 2:11

Kandi ni mwatsi owatebanika na mũhwa ogo mwami akabũlaya, kandi sihali gundi mundu wangatoka erĩmĩnyĩsyago omwami, sye nʼesyonyamuhanga, esitawite ahʼerĩĩkala haguma nʼabandu.

Danĩelĩ 2:19

Neryo Danĩelĩ mwabĩsũlĩrwa ekĩbĩsĩre ekyo, omwʼilota lyʼesyonzolĩ omo kiro. Neryo Danĩelĩ mwapipa Nyamuhanga wʼelubula.

Danĩelĩ 2:47

Neryo omwami mwasũbĩrya Danĩelĩ ati, nene Nyamuhanga wenyũ ni Nyamuhanga wʼesyonyamuhanga, nʼOmwami wʼabami, nʼomũbĩsũlĩ wʼebĩbĩsĩre, kusangwa wabiritoka erĩbĩsũla ekĩbĩsĩre ekĩ.

Danĩelĩ 5:11

Hane mundu omo bwami bwawe, oyuwite ekĩrĩmũ kyʼesyonyamuhanga sĩbũyĩrĩre; nʼomo biro bya tata wawe, ekyakakala nʼobowĩka nʼamenge ngʼamenge wʼesyonyamuhanga, mobyabanika omwisi wuwe. Nʼomwami Nebũkadeneza, ye tata wawe, mwamuyira mo mukulu wʼabasaki, nʼabakũmũ, nʼAbakaldea, nʼabalagũlĩ,

Danĩelĩ 5:14

Nabĩrĩowa engulu yawe ngoko ekĩrĩmũ kyʼesyonyamuhanga kiri umʼuwe, kandi ngoko ekyakakala nʼobowĩka, nʼamenge mabuya, akabanika kuwe.

Matayo 13:13

Kikaleka inabwirabo omo mĩsyo, kusangwa nomo bakalangira sibelangira, nomo bakowa Sĩbalĩowa, kutse sibeminya.

Yoane 1:9

Ekyo kyabya kyakakala kyʼekwenene ekĩkahĩka omo kihugo, nʼerĩkolerya obuli mundu.

Yoane 21:17

Neryo Yesu mwamũbũlya engendo yʼakasatu ati, Sĩmonĩ, mugala wa Yoane, ũnanyanzĩre kwehĩ? Neryo Petero mwabya nʼobũlĩge kusangwa Yesu amamũbũlya engendo yʼakasatu ati, Ũnanyanzĩre kwehĩ? Neryo mwamubwira ati, Mukama, ũnasĩ emyatsi yosĩ, ũnasĩ ko nyĩkwanzĩre! Neryo Yesu mwamubwira ati, Ũtegaye esyombũlĩ syage.

Yoane 8:12

Kandi Yesu mwaswabũga nabo ati, Ingye indi kyakakala kyʼekihugo. Oyukanyikwama siendisyalendera omo mwĩrĩmya, nĩkwa asyabya nʼekyakakala kyʼengebe.

1 AbanyaKorinto 4:5

Neryo Simubye mukatswera omundu embere wʼomugulu owatolere, omugulu Omukama asyasa, iye asyahũlũkya omo kyakakala emyatsi eyĩbĩsamĩre omo mwĩrĩmya, kandi asyamĩnyĩkalya erĩyĩsũnza lyʼemitima yʼabandu. Neryo obuli mundu asyabana eripipwa na Nyamuhanga.

AbanyaEfeso 3:5

Omo migulu yalaba Nyamuhanga mwatamĩnyĩsya abandu bʼerĩkũmbo erĩ; nĩkwa lino omo Mũlĩmũ Abũyĩrĩre abĩrĩbĩsũlĩralyo abakwenda buwe babũyĩrĩre nʼabamĩnyererĩ.

Eryibuka Ebihano 29:28

kandi Omwami Mukulu mwakulabo omo kihugo kyabo omwʼigalirwa, nʼomwʼihitana, nʼomwʼihitikirana ĩnene, nʼerigusabo omo kindi kihugo, ngoko kine mũnabwĩre.

1 Timoteo 6:16

Iye ĩyowene yukakota; kandi ĩkere omo kyakakala ekite kyangahĩkwamo. Sihali mundu oyo wabirimulolako, kandi sihali mundu wangatoka erimulolako. Erĩsĩkya nʼobũtokĩ bwa kera na kera bibye ukwʼiye, Amina.

AbaEbrania 4:13

Sihali ekĩhangĩkĩre ekĩbĩsamĩre uku Nyamuhanga. Nĩkwa ebyosĩ bisanzukere, kandi biminyikere omo meso wa Nyamuhanga. Kandi twasyayĩbalya ukwʼiye.

Yakobo 1:17

Obuli lũsũnzo lubuya nʼobuli lũsũnzo lowene, bĩkalũa endata, kandi bikasira uku Tata wʼekyakakala kyosĩ, oyutebinduka kutse eriyihindula.

1 Yoane 1:5

Omwatsi ogo twabĩrĩowa uku Mugala wuwe nʼerĩbatũlĩrago goyũ: tuti, Nyamuhanga ni kyakakala, kandi sihali omwĩrĩmya nʼahake omwisi wuwe.