Danĩelĩ 2:21 - AMASAKO ABOYTRTRE WA NYAMUHANGA AWAKAHULAWA MO BIBLIA

²¹ Kandi akabindula emigulu nʼebirimo; akasingula abami, kandi ĩnĩasĩngya abami; akaha amenge oko bʼamenge, akaha eriminya oko banyima;

Danĩelĩ 2:21 Iomraidhean Croise

1 Abami 10:24

Nʼekihugo kyosĩ mokyasonda aho wa Solomono, erĩowa amenge wuwe ago Nyamuhanga ahĩra omo mutima wuwe.

1 Abami 3:28

NʼAbaĩsraelĩ bosĩ mobowa eritswera eryo mwami atswera; mobubaha omwami; kusangwa balangira amenge wa Nyamuhanga kwʼabya omwisi wuwe, erikola erĩbanza libuya.

1 Abami 4:29

Na Nyamuhanga mwaha Solomono amenge nʼobowĩka bunene kutsibu, nʼobukulu bwʼomutima ngʼemisege eyiri oko mũsĩke wʼengetsi.

1 Emyatsi yʼEmigulu 22:12

Ekiguma, Omwami Mukulu akuhe amenge nʼeriminya, akuhamule busana nʼAbaĩsraelĩ; litya iwatoka erĩteya ebihano byʼOmwami Mukulu Nyamuhanga wawe.

1 Emyatsi yʼEmigulu 29:30

haguma nʼeritabala liwe lyosĩ, nʼamaka wuwe, nʼemigulu eyamulabako, nʼoko Ĩsraelĩ, nʼeyalaba oko mami gosĩ wʼebihugo ebyo.

Esĩterĩ 1:13

Neryo omwami mwabũlya abandu bʼamenge, ababya basĩ emigulu kusangwa emitsye yʼOmwami ko yabya itya erĩbũga oko bosĩ abasĩ emigambo nʼerĩbanza,

Yobũ 12:18

Akabohola emĩrĩkĩ yʼabami, Nʼeriboha esyombindi syabo omo mukoba.

Erĩlũayo 31:3

namamũsũlya nʼOmũlĩmũ wa Nyamuhanga, omo menge, nʼomwʼiminya, nʼomo bowĩka, nʼomo mĩsĩndo yosĩ yʼerikola,

Erĩlũayo 31:6

Kandi ĩngye nabĩrĩhĩra haguma na Besalelĩ ye Aholĩabũ, mugala wa Ahĩsamakĩ, owʼekihanda kya Danĩ. Kandi nabĩrĩhĩra obunyima-nyima omo mitima yʼabandu bosĩ abawite amenge, batoke erikola ebyosĩ ebyo nabirikuhana.

Danĩelĩ 1:17

Nĩkwa abalwana bani aba, Nyamuhanga mwahabo eriminya, nʼobuminye omwʼiga lyosĩ, nʼamenge; kandi Danĩelĩ abya nʼobowĩka omo syonzolĩ nʼomwʼilota.

Danĩelĩ 10:1

Oko mwaka wʼakasatu wa Kĩro omwami wʼePersĩa, omwatsi mwabĩsũlĩrwa uku Danĩelĩ, oyo wahulawa mo Beltesaza; nʼomwatsi oyo abya kwenene, go wʼamalwa manene; naye mwaminya omwatsi oyo, kandi mwaminya erilota eryo.

Danĩelĩ 11:6

Kandi enyũma wʼeyindi myaka basyaya embĩta, neryo mwali wʼOmwami wʼelutambi lwʼeYĩkwa asyasa oko mwami wʼelutambi lwʼeNdata eriyira endangano yʼobuholo. Nĩkwa mwali oyũ siendisyabana maka, nʼomwami wʼelutambi, lwʼeNdata sĩendĩsyasĩgala nʼamaka wuwe, nĩkwa mwali oyũ asyahigwa haguma nʼabamuleta, nʼoyo wamubuta, nʼoyo wamwimira oko migulu eyo.

Danĩelĩ 2:20

Danĩelĩ mwasũbĩrya mwabũga ati, Erĩna lya Nyamuhanga lipipawe kera na kera; kusangwa amenge nʼobũtokĩ ni biwe.

Danĩelĩ 2:23

Ngakuha ewasĩngya, ngakupipa, uwe Nyamuhanga wʼabotata wage, uwe wanyiha amenge nʼobũtokĩ, na lino wabĩrĩnyĩmĩnyĩsya ebyo twakusondako; kusangwa wabĩrĩtũmĩnyĩsya omwatsi wʼOmwami.

Danĩelĩ 2:9

nyiti mwamatindanyĩmĩnyĩsya erilota eryo, hali kihano kiguma kisa busana nenyũ. Kusangwa mwabirimirana ebĩnywa byʼamabehĩ nʼebĩnywa bibi erĩbũga embere syage, erĩhĩka aho mugulu asyahwera; neryo mumbwire erilota eryo, neryo nasyaminya ko mwasyatoka erĩnyĩkangya eribikulalyo.

Danĩelĩ 4:14

Mwabirikira nʼomulenge munene ati, Mukonde omuti, mũtwe nʼemitahi yago, mũlagalaye ebikoma byago, mupanza-panze ebĩgũma byago; nʼesyonyama sĩlũe oko ndĩna yago, nʼesyonyonyũ omo mitahi yago.

Danĩelĩ 4:17

Eritswera erĩ ni ryʼerihamula lyʼabateya, kandi erĩtwa omwatsi oyũ ni busana nʼekĩnywa kyʼababũyĩrĩre; busana nʼerĩmĩnyĩsya ngoko abaliho batoke eriminya ngoko Owendata Kutsibu akatabala oko bwami bwʼabandu, akahabo oko oyo anzĩre, kandi akahanganaya mubo omugunda.

Danĩelĩ 4:22

nina we, mwami; wabirikula nʼeribana amaka; kusangwa obukulu bwawe bwabiribya bunene, nʼerĩhĩka omo kyanya, nʼeritabala lyawe lyamahĩka oko ndũlĩ yʼekihugo.

Danĩelĩ 4:32

Wasyahigwa erĩlũa hakũhĩ nʼabandu; nʼerĩĩkala lyawe lyasyabya haguma nʼesyonyama syʼomolĩ; wasyalĩsĩrĩrĩbwa oko biti ngʼesyonde; nʼemigulu irinda yasyakulabako erĩhĩka aho wasyaminyira Owendata Kutsibu kwʼakatabala oko bwami bwʼabandu kandi akahabo oko oyo anzĩre erihabo.

Danĩelĩ 7:25

Naye asyabũga ebĩnywa byʼamalwa busana nʼOwendata Kutsibu, kandi asyalũhya abandu ba Nyamuhanga oyũ Owendata Kutsibu; kandi asyaganĩrya eribindula emigulu nʼemigambo, nʼabandu ba Nyamuhanga basyahĩrwa omo byala biwe oko mugulu nʼemigulu nʼoluhande lwʼomugulu.

Luka 21:15

Kusangwa nasyabaha ebĩnywa nʼamenge ayo sihali enzĩgũ yenyũ yasyatoka erĩsĩnga kutse eriyigana.

AbanyaRoma 13:1

Obuli mundu akenge abatabalĩ bʼekihugo. Kusangwa sihali ehamũlĩ eyĩtalũa uku Nyamuhanga, nʼabʼehamũlĩ baliho, bahĩrĩrweho na Nyamuhanga.

1 AbanyaKorinto 1:30

Nĩkwa Nyamuhanga abĩrĩbamatĩkanĩa na Kristo Yesu. Kandi Nyamuhanga abiriyira Kristo eribya menge wetu. Busana na Kristo tukatunganana embere sya Nyamuhanga, kandi busana na Kristo tukabya bana ba Nyamuhanga, nʼeribya bwĩranda.

Yakobo 1:17

Obuli lũsũnzo lubuya nʼobuli lũsũnzo lowene, bĩkalũa endata, kandi bikasira uku Tata wʼekyakakala kyosĩ, oyutebinduka kutse eriyihindula.

Yakobo 1:5

Nĩkwa hamabya mundu omo katĩkatĩ kenyũ oyukabula amenge, abũlaye Nyamuhanga oyukaha ndeke oko bandu bosĩ butsira buhemu; neryo omundu oyo asyahabwa amenge ayo.

Eribisurirwa 19:16

Oko kanzu yiwe nʼoko kihinga kiwe habya hasakĩre erĩna liti, Omwami wʼabami, nʼOmukama wʼAbakama.