Danĩelĩ 2:20 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁰ Danĩelĩ mwasũbĩrya mwabũga ati, Erĩna lya Nyamuhanga lipipawe kera na kera; kusangwa amenge nʼobũtokĩ ni biwe.

Danĩelĩ 2:20 Iomraidhean Croise

Enzũko 14:20

Nyamuhanga Wʼendata Kutsibu apipawe, oyo wahĩra esyonzĩgũ syawe omo byala byawe. Neryo Abramu mwamuha ekiguma kyʼerĩkũmĩ oko byosĩ.

1 Abami 8:56

Omũyĩsa abye oko Mwami Mukulu, oyo wabiriha abandu buwe Abaĩsraelĩ eriluhuka, ngʼebyosĩ alaga. Mohatabula nʼekĩnywa nʼekiguma omwʼilaga liwe libuya lyosĩ, eryo alaga uku Musa omugombe wuwe.

1 Emyatsi yʼEmigulu 29:20

Neryo Dawĩdĩ mwabwira endeko yosĩ ati, Lino mupipe Omwami Mukulu Nyamuhanga wenyũ. Nʼendeko yosĩ moyapipa Omwami Mukulu, Nyamuhanga wʼabotata wabo, mobũnamya emitwe yabo, mobasĩkya Omwami Mukulu, nʼomwami.

2 Emyatsi yʼEmigulu 20:21

Neryo abere abĩkanĩa nʼabandu, mwahamulabo eriimbira Omwami Mukulu, nʼeriha eripipa omo bibuya byʼerĩbũyĩrĩre, nʼomugulu bakahuluka embere wʼomulondo babũge bati, Muhe Omwami Mukulu ewasĩngya; kusangwa obubuya buwe bʼolwanzo ni bwa kera na kera.

Nehemĩa 9:5

Neryo Abalawĩ, ye Yesũa, na Kadĩmĩelĩ, na Banĩ, na Hasa-bĩneya, na Serebaya, na Hodĩa, na Sebanĩa, na Petahĩa, bati, Muhangane mũhamaye Omwami Mukulu, Nyamuhanga wenyũ kera na kera nʼerĩhĩka kera na kera! Nʼerĩna liwe lyʼolukengerwa lĩhahamĩsĩbawe erĩhahamĩsĩbwa kwilaba omũyĩsa gosĩ nʼeripipwa lyosĩ!

Yobũ 12:13

Haguma na Nyamuhanga hali amenge nʼamaka; Awite erihana nʼeriminya.

Esyonyimbo 113:1

Mupipe Omwami Mukulu! Mupipe, ĩnywe bagombe bʼOmwami Mukulu! Mupipe erĩna lyʼOmwami Mukulu!

Esyonyimbo 113:2

Erĩna lyʼOmwami Mukulu lipipawe, Lino na kera na kera!

Esyonyimbo 115:18

Nĩkwa ĩtwe tuliho, twasyaha ewasĩngya oko Mwami Mukulu, Lino na kera na kera. Mupipe Omwami Mukulu!

Esyonyimbo 147:5

Omwami Mukulu wetu ni mukulu nʼowʼamaka gosĩ; Eriminya liwe siryangalengwako.

Esyonyimbo 41:13

Tupipe Omwami Mukulu, Nyamu­hanga wa Ĩsraelĩ, Tumupipe lino, nʼerĩhĩka kera na kera! Amina! Amina!

Esyonyimbo 50:23

Oyukahera obuhere bwʼewasĩngya, akanyĩsĩkaya; Kandi nasyalamya kwenene Abosĩ abakanyikenga.

Esyonyimbo 62:11

Nyamuhanga abĩrĩbũgakyo ngendo nguma; Nabĩrĩowakyo kabiri, Obũtokĩ ni bwa Nyamuhanga.

Emĩsyo 8:14

Erihana ni ryage, nʼeriminya lĩhĩkene. Ĩngye indi menge; ngwite Obũtokĩ.

Yeremĩa 32:19

Uli mukulu omwʼihana, owʼobũtokĩ omo mũbĩrĩ. Nʼameso wuwe alolĩre esyonzira syʼabagala bʼabandu, eriha obuli mundu ngʼolulengo lwʼesyonzira siwe, kandi ngʼolulengo lwʼemĩbĩrĩ bakakola.

Ezekĩelĩ 28:3

Lebaya, uwite amenge kwilaba Danĩelĩ. Sihali erĩkũmbo lĩbĩsĩre ukʼuwe.

Matayo 6:13

Sĩgũtwĩngĩraye omwʼirengwako, nĩkwa ũtũlamaye oko mubi. Kusangwa obwami ni bwawe, Nʼobũtokĩ, nʼolukengerwa, kera na kera. Amina.

Yuda 1:24

Neryo ukwʼoyukatoka erĩbateya okwʼitoga, kandi akatoka eribaleta omo lukengerwa lwʼembere siwe omo butseme bunene, isimuwite ekyʼerĩhandĩkĩrĩrĩbwa.

Eribisurirwa 5:12

Abamalaĩka aba mobabũga nʼomulenge munene bati, Ekyana kyʼEmbũlĩ ekyakerawa kitolere Eriangirira obũtokĩ, nʼobuteke, nʼamenge, nʼamaka, Nʼerĩsĩkĩbwa, nʼolukengerwa, nʼeripipwa!