Danĩelĩ 2:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Kandi ni mwatsi owatebanika na mũhwa ogo mwami akabũlaya, kandi sihali gundi mundu wangatoka erĩmĩnyĩsyago omwami, sye nʼesyonyamuhanga, esitawite ahʼerĩĩkala haguma nʼabandu.

Danĩelĩ 2:11 Iomraidhean Croise

Enzũko 41:39

Neryo Farao mwabũga na Yosefũ ati, Kusangwa Nyamuhanga abĩrĩkũkangya ebyosĩ ebyo, sihali gundi wʼamenge nʼobũlengekanĩa nga we.

Enzũko 41:8

Enyũma wʼaho omo ngyakyangyakya, ekĩrĩmũ kiwe mokyakwa engitsi, neryo mwatuma eribirikira abalagũlĩ bosĩ bʼeMĩsĩrĩ. Nʼabalume bosĩ bʼamenge. Neryo Farao mwabwirabo erilota liwe nĩkwa sihabya mundu nʼomuguma oyo wangatoka eribikuliralyo Farao.

1 Abami 8:27

Nĩkwa kwenene Nyamuhanga asyĩkala oko kihugo kwehĩ? Lebaya, elubula, nʼekyanya kyʼebyanya sibyangatoka erikutolera; nʼenyũmba eyĩ nabĩrĩhĩmba ni nge kwʼaho kwilaba!

2 Emyatsi yʼEmigulu 6:18

Nĩkwa Nyamuhanga anganĩkala kwenene haguma nʼabandu muna-kihugo kwehĩ? Lebaya, olubula nʼekyanya kyʼebyanya sibyangatoka erĩkũhĩkana; nʼenyũmba eyĩ nayo ni nge kwʼaho!

Esyonyimbo 132:14

Ati, Hano ho nasyĩkala kera na kera; Hano ho nyanzĩre eritabala.

Esyonyimbo 68:18

Wabirihetukira endata, wabirisondola abanyegwa bawe haguma nawe, Akangirira esyonzũnzo oko bandu abakahona, Omwami Mukulu Nyamuhanga, asyĩkalayo.

Erĩlũayo 29:45

Kandi nasyĩkala omo katĩkatĩ kʼabana ba Ĩsraelĩ, nasyabya Nyamuhanga wabo.

Erĩlũayo 8:19

Neryo abakũmũ mobabũga na Farao bati, Oyũ ni munwe wa Nyamuhanga; nʼomutima wa Farao mwakalirira, mwatowabo; ngoko Mwami Mukulu abũga.

Ĩsaya 47:12

Watahangana lino omo malyolyo wawe, nʼomo malagu wawe mangi, ago wabirikolera erĩtsũka omo bũlwana bwawe. Mbino wamabya wasyatoka eribana ndũndĩ, mbino wasyaleta erititimana.

Ĩsaya 57:15

Kusangwa Oyuli wʼendata nʼoyũyĩsũmbĩre, oyukakota kera na kera, erĩna liwe lĩbũyĩrĩre, yũkabũga ati, Nyĩkere ahʼendata nʼahabũyĩrĩre, kandi nyĩkere haguma nʼoyuli nʼekĩrĩmũ kyolo-kyolo nʼerĩyĩkehya, nyitoke erĩsũbya ekĩrĩmũ kyʼerĩyĩkehya nʼerĩsũbya omutima wʼoyũkwĩre obũlĩge.

Ĩsaya 8:18

Lebaya, ĩngye haguma nʼabana abo Mwami Mukulu abirimba, tuli busana nʼebiminyikalo nʼebyʼeriswekera omo Ĩsraelĩ bĩkalũa oko Mwami Mukulu wʼemilondo, oyo wĩkere oko Kitwa kyʼeSĩonĩ.

Danĩelĩ 4:4

Ĩngye Nebũkadeneza, nabya ngaluhukira omo nyũmba yage, ĩnyĩnayĩsyandĩre omo nyũmba yage yʼobwami.

Danĩelĩ 5:11

Hane mundu omo bwami bwawe, oyuwite ekĩrĩmũ kyʼesyonyamuhanga sĩbũyĩrĩre; nʼomo biro bya tata wawe, ekyakakala nʼobowĩka nʼamenge ngʼamenge wʼesyonyamuhanga, mobyabanika omwisi wuwe. Nʼomwami Nebũkadeneza, ye tata wawe, mwamuyira mo mukulu wʼabasaki, nʼabakũmũ, nʼAbakaldea, nʼabalagũlĩ,

Yoelĩ 3:21

Nage nasyakĩsya omusasi wabo, ngoko ndakĩsaya; kusangwa Omwami Mukulu ĩkere eSĩonĩ.

Emiganzo 35:34

Nenyũ sĩmũsyetsandaya ekihugo ekyo mwĩkeremo, omo nyĩkere; kusangwa ĩngye, Mwami Mukulu, nyĩkere omo katĩkatĩ kʼabagala ba Ĩsraelĩ.

Matayo 19:26

Yesu mwatungererabo, mwabwirabo ati, Oko bandu ekĩ sikyangatokekana, nĩkwa uku Nyamuhanga emyatsi yosĩ ikatokekana.

Yoane 1:14

NʼEkĩnywa ekyo mokyabya mundu, naye mwĩkala omo katĩkatĩ ketu. Netu motwalangira olukengerwa luwe ĩloswĩre nʼolukogo nʼekwenene. Olukengerwa olũ lwabya olwa Mugala Ekyusa ekyabutawa na Tata.

Yoane 14:17

Ekihugo sikiritoka erĩmũkokya, kusangwa sikyemulolako, kutse erimuminya. Nĩkwa ĩnywe mũmwasĩ, kusangwa ĩkere nenyũ, kandi amatikene nenyũ.

Yoane 14:23

Yesu mwamũsũbĩrya ati, Omundu amanyanza asyakenga ekĩnywa kyage. Kandi Tata wage asyamwanza netu twasyamũhĩkako, ĩtwakokotya obwĩkalo bwetu haguma naye.

2 AbanyaKorinto 6:16

Ehekalũ ya Nyamuhanga yanganasakana nʼesyosanamu kwehĩ? Kusangwa ĩtwe tuli ehekalũ ya Nyamuhanga oyuliho. Ngoko Nyamuhanga abĩrĩbũga ati, Nasyĩkala omwisi wabo, nasyalendera omo katĩkatĩ kabo; Nasyabya Nyamuhanga wabo, nabo basyabya bandu bage.

Eribisurirwa 21:3

Kandi monowa omulenge akalũa oko kĩtũmbĩ kyʼobwami ati, Lebaya! eHema ya Nyamuhanga iri omo katĩkatĩ kʼabandu! Naye asyĩkala haguma nabo, basyabya bandu buwe. Kandi Nyamuhanga ĩyowene asyabya haguma nabo, nʼeribya Nyamuhanga wabo.