Danĩelĩ 12:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Neryo omundu oyo mwabũga ati, Uwe Danĩelĩ, uyigendere, kusangwa ebĩnywa ebĩ bĩbĩsamĩre, kandi bĩbĩsĩre erĩhĩka oko mugulu wʼendũlĩ.

Danĩelĩ 12:9 Iomraidhean Croise

Ĩsaya 29:11

Nʼerilota lyosĩ lyamabibya kwĩnywe ngʼebĩnywa byʼekitabu ekĩbohĩre, ekyo abandu bakaha omundu oyo wasĩ erisoma ati, Kĩsĩ-kĩsĩ, usome ekĩ; naye asyasũbĩrya ati, Sinangatoka, kusangwa kĩbohĩre.

Ĩsaya 8:16

Ubohe erĩtũlago, ũhĩre ekĩbohĩ oko migambo omo katĩkatĩ kʼabiga bage.

Danĩelĩ 10:14

Lino nabĩrĩhĩka erĩkũmĩnyĩsya ebĩkandĩsyahĩka oko bandu bawe omo biro byʼenyũma; kusangwa esyonzolĩ esyo ni syʼebiro bingi byʼenyũma.

Danĩelĩ 11:40

Neryo oko mugulu wʼendũlĩ omwami wʼelutambi lwʼeYĩkwa asyabandana naye, nʼomwami wʼelutambi lwʼeNdata asyamubambira ngʼakanyabungu omo syogalĩ, ba bandu abali oko syosabayĩrĩ, haguma nʼamato mangi; kandi asyingira omo bihugo bingi, nʼerilaba kubyo, nʼeritwangana mubyo.

Danĩelĩ 12:4

Nĩkwa uwe Danĩelĩ, ũbĩse ebĩnywa ebĩ, kandi ũkũmbe ekitabu erĩhĩka oko mugulu wʼendũlĩ yʼemigulu. Abandu bangi basyalaba eyĩ nʼeyĩ, nʼeriminya lyasyakanyirira.

Danĩelĩ 12:8

Nĩkwa ĩngye, monowa, nĩkwa monataluka eriminyabyo; kyaleka ĩnabũga nyiti, mukama wage, kwʼemyatsi eyĩ yasyabya iti kwehĩ?

Danĩelĩ 8:26

Nʼerilota lyʼamagolo-golo nʼesyongyakya ebyabĩrĩbũgwa ni kwenene; nĩkwa uhundire erilota eryo; kusangwa ni ryʼebiro bingi ebikandisyasa.

Eribisurirwa 10:4

Neryo omugulu emĩlũmo irinda yʼobũtũkũ yamabĩlũma, nabya ngasonda erisaka. Nĩkwa monowa omulenge akalũa elubula ati, Uyire emyatsi eyo emĩlũmo irinda ĩkabĩbũga mwʼĩkũmbo, susakeyo!