Danĩelĩ 12:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Neryo omundu oyo wabya wambite ekĩtanĩ, oyo wabya ebwanga bwʼendata oko lũsĩ, mwasumba ebyala biwe byʼamali nʼebyʼamalembe erĩlolyabyo elubula, neryo mwalahĩrya ukwʼoyuliho kera na kera ati, Omwatsi asyabya oko mugulu nʼemigulu, nʼembindi yʼomugulu; kandi omugulu basyabuga erĩhũnza Obũtokĩ bwʼabandu babũyĩrĩre, emyatsi eyĩ yosĩ yasyahĩkana.

Danĩelĩ 12:7 Iomraidhean Croise

Yobũ 27:2

Ngoko Nyamuhanga aliho, oyo wandũsaya kwʼehamũlĩ yage, NʼOmũtokĩ Wʼebyosĩ, oyo wabĩrĩkalĩhya ekĩrĩmũ kyage,

Ĩsaya 62:12

Nabo basyahulabo mo kihanda kĩbũyĩrĩre, Abatongolĩbawa bʼOmwami Mukulu. Nawe wasyahulwa mo, Oyo Wasonda-sondĩbawa, Omũyĩ owatesĩganĩbawa.

Yeremĩa 4:2

nawe wasyalahĩrya uti, Ngoko Mwami Mukulu aliho, omo kwenene, omo lĩbanza libuya, nʼomo litunganene; neryo ebihanda byasyayitsumula umwʼiye, kandi basyayipipa umwʼiye.

Ezekĩelĩ 20:5

Ubwirebo uti, Omukama Iye Omwami Mukulu ati, Oko kiro ekyo nayisoga Ĩsraelĩ, nʼerĩlahĩrĩrya oko bana bʼekihanda kya Yakobo, nʼerĩyĩmĩnyĩsya kubo omo kihugo kyʼeMĩsĩrĩ, omugulu nalahĩrĩraya kubo nyiti, Ĩngye indi Mwami Mukulu Nyamuhanga wenyũ.

Danĩelĩ 10:5

monasumba ameso wage, nʼerilangira, neryo, lebaya, omundu iniambite ekĩtanĩ, nʼomo mbindi yiwe iniambite esyamagetsi esĩtũkwĩre sya Ũfasĩ.

Danĩelĩ 11:13

Nʼomwami wʼelutambi lwʼeNdata asyaswahĩndanĩa nʼeriteka endwiro nene kwilaba eyʼerĩmbere; neryo enyũma eyindi myaka haguma nʼomulondo munene nʼendwiro nene.

Danĩelĩ 12:6

Neryo omuguma mwabwira omundu oyo wambite esyongimba syʼekĩtanĩ, oyo wabya ebwanga bwʼendata oko lũsĩ ati, Kwʼendũlĩ yʼemyatsi eyĩ yʼeriswekera yasyabya mugulu wahi kwehĩ?

Danĩelĩ 12:8

Nĩkwa ĩngye, monowa, nĩkwa monataluka eriminyabyo; kyaleka ĩnabũga nyiti, mukama wage, kwʼemyatsi eyĩ yasyabya iti kwehĩ?

Danĩelĩ 4:31

Omugulu ekĩnywa ekyo kikine omo buno bwʼomwami omulenge mwasa erĩlũa elubula ati, Uwe mwami Nebũkadeneza, kyamabũgwa ukʼuwe kiti, Eribya mwami lyamalũsĩbwa ukʼuwe.

Danĩelĩ 4:34

Neryo ebiro ebyo byabere byabihwa, ĩngye Nebũkadeneza, monasumbira ameso wage elubula, nʼobũlengekanĩa bwage mobwanyisubako, monapipa Owendata Kutsibu, monamupipa nʼerĩmũsĩkya, oyuliho kera na kera; kusangwa eritabala liwe ni ʼtabala lya kera na kera, nʼobwami buwe ni bʼoko ndengo ndengo.

Danĩelĩ 7:21

Kandi monasiba ngalebya, neryo erĩhembe eryo molyalwa amalwa nʼabandu ba Nyamuhanga, nʼerĩkĩndabo,

Danĩelĩ 7:25

Naye asyabũga ebĩnywa byʼamalwa busana nʼOwendata Kutsibu, kandi asyalũhya abandu ba Nyamuhanga oyũ Owendata Kutsibu; kandi asyaganĩrya eribindula emigulu nʼemigambo, nʼabandu ba Nyamuhanga basyahĩrwa omo byala biwe oko mugulu nʼemigulu nʼoluhande lwʼomugulu.

Danĩelĩ 8:14

Neryo mwambwira ati, Busana nʼerĩgolo-golo nʼengyakyangyakya elfu ĩbĩrĩ nʼamagana asatu (2,300), neryo ahabũyĩrĩre hasyasũbĩbwa ndeke.

Danĩelĩ 8:24

Nʼobũtokĩ buwe bwasyabya nʼamaka, nĩkwa butsira nʼobũtokĩ buwe ĩyowene; naye asyaherya nʼerĩswekya, asyagasa nʼerikola erisonda liwe; naye asyaherya esyombangĩ nʼabandu ba Nyamuhanga.

Luka 21:14

Muminye omo mitima yenyũ, sĩmwangaganĩrya embere ngoko mwangayilwira.

Luka 21:24

Basyahwa busana nʼobukali bwʼomũyalĩ, kandi basyatwalwa mo banyegwa omo bihanda byosĩ. Kandi abʼEbihanda basyalyatangirira eYerũsalema erĩhĩka aho emigulu yʼEbihanda yasyabererera.

Eryibuka Ebihano 26:19

kandi ati asyabahĩra endata oko bihanda byosĩ ebyo abirihangika, busana nʼeripipa nʼerĩkũmayira, nʼomwʼĩsĩkya; imwatoka eribya ekihanda kĩbũyĩrĩre oko Mwami Mukulu Nyamuhanga wawe, ngoko abĩrĩbũga.

Eryibuka Ebihano 32:36

Kusangwa Omwami Mukulu asyakola erĩbanza busana nʼabandu buwe, Nʼeriganyira abagombe buwe; Omugulu akalangira amaka wabo iniahwere, Isihali oyũsĩgere, oyũbohĩrwe kutse oyũtabohĩrwe.

Eryibuka Ebihano 32:40

Kwenene ngasumbira ebyala byage byʼelubula, Ngabũga nyiti, Ngoko ngakota,

Eryibuka Ebihano 7:6

Kusangwa uli kihanda kĩbũyĩrĩre oko Mwami Mukulu Nyamuhanga wawe; Omwami Mukulu Nyamuhanga wawe abiriyisoga we eribya kihanda kiwe-kiwe kwilaba ebihanda byosĩ ebiri omo kihugo.

1 Petero 2:9

Nĩkwa ĩnywe muli kihanda ekyayisogawa, abahererĩ bʼobwami, ekihanda kĩbũyĩrĩre, abandu ba Nyamuhanga, imwatoka erĩkangya emĩbĩrĩ mibuya ya Nyamuhanga, oyo wababirikira erĩlũa omo mwĩrĩmya nʼeriingira omo kyakakala kiwe kyʼeriswekera.

Eribisurirwa 12:14

Omũkalĩ oyo mwahabwa ebĩpũpa bibiri byʼerĩsamba ĩnene, atoke erigulukira omo mbwarara oko mwanya wuwe, aho asyalembererwa ndeke omo myaka ĩsatu nʼembindi, ahate erĩendererya lyʼekiyoka ekyo.

Eribisurirwa 12:6

Nĩkwa omũkalĩ mwasagira omo mbwarara, aho Nyamuhanga akokotaya omwanya busana naye, aho asyalemberwa ebiro elfu nguma nʼamagana abiri nʼamakũmĩ ndatu (1,260).

Eribisurirwa 13:5

Enyama eyo moyahabwa obuno bwʼerĩbũgamo ebĩnywa byʼeriyiheka nʼebĩtsũmĩ, kandi moyahabwa ehamũlĩ yʼerikola emikera makũmĩ ani nʼeyĩbĩrĩ.

Eribisurirwa 4:10

abakulu amakũmĩ abiri nʼabani bakatũlama embere syʼoyo wĩkere oko kĩtũmbĩ kyʼobwami, kandi bakaramaya oyukakota kera na kera. Kandi bakagusa esyombĩta syabo embere wʼekĩtũmbĩ kyʼobwami ekyo, bati,

Eribisurirwa 4:9

Nʼomugulu ebĩhangĩkĩre ebiriho bini bikaha olukengerwa, nʼerĩsĩkya, nʼewasĩngya oko yo wĩkere oko kĩtũmbĩ kyʼobwami, nʼoko yukakota kera na kera,