Danĩelĩ 12:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Kandi abandu bangi abagotsere omo lũtũtũ lwʼekitaka basyabuka, abandi busana nʼengebe yʼerikota, nĩkwa abandi busana nʼerihemuka nʼesyonye syʼerikota.

Danĩelĩ 12:2 Iomraidhean Croise

Emĩsyo 12:8

Omundu asyasĩkĩbwa ngʼamenge wuwe kwʼali; Nĩkwa owʼomutima wʼepono asyagananwa.

Ĩsaya 26:19

Abaholĩ benyũ basyabyaho. Ebĩnda byabo byasyalũbũka. Mubuke, mugoromoke ĩnywe mugotsere omo lũtũtũ, kusangwa ekimi kyawe kiri ngʼekimi kyʼomwĩtsange, nʼekitaka kyasyahũlũkya emĩrĩmũ eyabirigenda.

Ĩsaya 66:24

Neryo basyahuluka nʼerisamalira ebĩnda byʼabandu ababĩrĩnyĩhalyako. Kusangwa emihuka yabo siyendisyahola, kutse omuliro wabo sĩendĩsyalĩma, nabo basyabya nye oko bandu bosĩ.

Yeremĩa 20:11

Nĩkwa Omwami Mukulu ali haguma nage ngʼembangĩ yʼerĩũbahya. Busana nʼekyo, abakanyendereraya basyatwĩkala, sibendĩsyasĩngana. Basyahemulwa kutsibu, kusangwa sibetatoka, basyahemulwa nʼesĩsonĩ sya kera na kera esitendisyibiriranwa nʼahake.

Ezekĩelĩ 37:12

Neryo uminyerere, ubwirebo uti, Omukama Iye Omwami Mukulu ati, Lebaya, ĩnywe bandu bage, nasyalĩbũla amasinda wenyũ, nasyabahũlũkya omo masinda wenyũ. Kandi nasyabaleta omo kihugo kya Ĩsraelĩ.

Hosea 13:14

Nasyalamyabo oko maka wʼeKũlĩmũ. Nasyatongolyabo oko luholo; uwe luholo erisuyira lyawe riri hayi kwehĩ? Uwe Kũlĩmũ, eritsimita lyawe lirihi kwehĩ? Eriganyira lyasyabĩswa oko meso wage.

Matayo 25:46

Neryo aba basyagenda omwʼisuyirwa lyʼerikota, nĩkwa abatunganene basyaya omo ngebe yʼerikota.

Emibiri 24:15

Kandi nyiwite amaha uku Nyamuhanga, awʼabandu aba nabo bakasĩmago, ngoko hasyabya erĩlũbũka lyʼabatunganene nʼababi.

Emibiri 7:60

Neryo Setefano mwakũkama, iniakabirikira nʼomulenge munene ati, Mukama, Suganzire kubo kwʼekibi ekĩ! Neryo abere abĩbũga atya, mwalekula.

AbanyaRoma 9:21

Omũbũmbĩ siawite ehamũlĩ oko libumba erikola ngoko anzĩre kwehĩ? Kutse eribumba enyungu busana nʼomũbĩrĩ mubuya, kutse omũbĩrĩ mutya-mutya kwehĩ?

1 AbanyaTesalonika 4:14

Kusangwa Wamĩkĩrĩrya ko Yesu mwahola, kandi mwalũbũka. Litya tũkĩkĩrĩraya ko Nyamuhanga asyaleta haguma na Yesu ababirihola ĩbabĩrĩkĩrĩrya Yesu.

Eribisurirwa 20:12

Kandi monalangira abaholĩ, abakulu-bakulu nʼabake-bake, ibahangene embere wʼekĩtũmbĩ kyʼobwami; nʼebitabu mobyasanzulwa. Nʼekindi kitabu mokyasanzulwa, kye kitabu kyʼengebe. Neryo abaholĩ mobatswerwa omo myatsi eyĩsakĩre omo bitabu ngoko emĩbĩrĩ yabo yabya.