Danĩelĩ 12:13 - AMASAKO ABOYTRTRE WA NYAMUHANGA AWAKAHULAWA MO BIBLIA

¹³ Nĩkwa uwe, ugende ũhĩke oko ndũlĩ, neryo Wasyabana eriluhuka, neryo wasyalũbũka oko ndũlĩ yʼemigulu busana nʼerĩgabo lyawe eryabiriahulwa.

Danĩelĩ 12:13 Iomraidhean Croise

Esyonyimbo 1:5

Neryo abandu babi basyabya oko lubanza lwa Nyamuhanga, Kandi abakola-nabi sibendisyahangana omo ndeko yʼabatunganene.

Esyonyimbo 16:5

Omwami Mukulu, uwe uli buteke bwage, Kandi ukamba ebinyitolere; ukanyihanganira.

Esyonyimbo 16:9

Neryo omutima wage mwatsema, nʼekĩrĩmũ kyage kikatsanga Kandi omubiri wage asyabya nʼobuholo.

Erĩlũayo 33:14

Neryo Omwami Mukulu mwabũga ati, Ĩngyowene-wene nasyagenda haguma nawe, nage nasyakuha eriluhuka.

Danĩelĩ 12:3

Nĩkwa abandu bʼamenge basyakangabasanĩa ngʼerĩhema lyʼekyanya. Kandi abakasondola abandu bangi eribana ekitunganene, basyakangabasanĩa ngʼesyongũnũnũ kera na kera.

Danĩelĩ 12:4

Nĩkwa uwe Danĩelĩ, ũbĩse ebĩnywa ebĩ, kandi ũkũmbe ekitabu erĩhĩka oko mugulu wʼendũlĩ yʼemigulu. Abandu bangi basyalaba eyĩ nʼeyĩ, nʼeriminya lyasyakanyirira.

Zekarĩa 3:7

Omwami Mukulu Wʼemilondo akabũga ati, Wamakwama esyonzira syage, kandi wamateya erihana lyage, neryo wasyatswera enyũmba yage, kandi wasyateya ebibuga byage, nage nasyakuha ahʼerilaba omo katĩkatĩ kʼabo abimene hakũhĩ.

Matayo 19:28

Neryo Yesu mwabwirabo ati, Kwenene ngabũga nenyũ, nyiti, Omugulu Omugala wʼomundu asyĩkala oko kĩtũmbĩ kyʼobwami omo lukengerwa luwe, omo mugulu muhya-muhya, ĩnywe ĩkũmĩ nʼababiri mwabirinyikwama, mwasyĩkala oko bĩtũmbĩ byʼobwami erĩkũmĩ nʼebibiri, imukatswera ebihanda erĩkũmĩ nʼebibiri bya Ĩsraelĩ.

Luka 21:36

Nĩkwa mũtegaye emigulu yosĩ, nʼerisaba, mutoke eribana akagala kʼeribala emyatsi yosĩ eyĩ eyikasonda erĩhĩka, nʼerihangana embere syʼOmugala wʼOmundu.

2 AbanyaKorinto 5:1

Kusangwa tũnasĩ ehema eyo tulimo, muna-kihugo yamabĩhĩmbũlwa, neryo tukandisyabya nʼenyũmba eyĩkalũa uku Nyamuhanga, eyĩtahĩmbawa omo byala, eyikandisyakota elubula.

2 AbanyaTesalonika 1:7

Nʼĩnywe mukagalawa asyabaha eriluhuka, haguma netu, omugulu Omukama Yesu asyabutuka omo muliro owakaka erĩlũa elubula haguma nʼabamalaĩka buwe bʼamaka.

Eribisurirwa 14:13

Neryo monowa omulenge akalũa elubula ati, Usake uti, Erĩtsũka lino, obutseme buli nʼabaholĩre, abakahola omo mũbĩrĩ wʼOmukama! Omũlĩmũ ati, Ega, basyahumula oko mĩbĩrĩ yabo, kandi emiganzo yʼemĩbĩrĩ yabo ikagenda haguma nabo.