Danĩelĩ 12:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Abandu bangi basyerĩbwa, nʼeriyirwa mo babuya nʼeritukurwa; nĩkwa ababi basyakola nabi, isihali mundu mubi oyo wasyaminya, nĩkwa abʼamenge basyaminya.

Danĩelĩ 12:10 Iomraidhean Croise

Esyonyimbo 107:43

Abʼamenge baganĩraye emyatsi eyĩ; Basĩme amenge wʼolwanzo olutyusa lwʼOmwami Mukulu.

Esyonyimbo 51:7

Ũlũsaye ebibi byage, nage nasyera; Ũnyĩnabaye, nasyabya mweru kwilaba enzururu.

Emĩsyo 1:5

Omundu wʼamenge owe, nʼerikanyirira omwʼiga; Nʼomundu wʼeriminya abane erĩhĩka oko mahano wʼekwenene.

Ĩsaya 1:18

Omwami Mukulu ati, Mwase lino, tũkanaye haguma. Nomo ebibi byenyũ byangabya ngʼengula, byasyabya byeru ngʼenzururu. Nomo byangabya ngʼomunyama, byasyabya ngʼobweya bwʼesyombũlĩ.

Ezekĩelĩ 36:25

Neryo nasyabatsatsanga kwʼamagetsi owene, nenyũ mwasyera. Nasyaberya oko mĩtĩndũ yenyũ yosĩ, nʼoko syosanamu syenyũ syosĩ.

Ezekĩelĩ 47:11

Nĩkwa obutimba bwaho, nʼekisesa kyaho, sibyendisyabya bihya-bihya. Hasyasĩgwa busana nʼomũnyũ.

Danĩelĩ 11:33

Kandi abandu abawite amenge basyakangĩrĩrya amenge oko bandi bangi; nĩkwa basyawa busana nʼomũyalĩ, nʼomuliro, busana nʼerĩhũngwa, kandi busana nʼerĩpũra ebindu, busana nʼebiro bingi.

Danĩelĩ 11:35

Kandi abandi abawite amenge basyawa erĩtũkũryabo, nʼerĩeryabo, nʼeriyirabo mo babuya, erĩhĩka oko mugulu wʼendũlĩ owakandĩsyahĩka oko ndambĩ eyahulawa.

Danĩelĩ 12:3

Nĩkwa abandu bʼamenge basyakangabasanĩa ngʼerĩhema lyʼekyanya. Kandi abakasondola abandu bangi eribana ekitunganene, basyakangabasanĩa ngʼesyongũnũnũ kera na kera.

Hosea 14:9

Omundu oyũ wʼamenge iniatoka eriminya emyatsi eyĩ; nʼoyukaminyerera, aminyeyo. Kusangwa esyonzira syʼOmwami Mukulu situnganene, nʼabatunganene basyalendera musyo; nĩkwa abʼamalolo basyatwĩkala musyo.

Zekarĩa 13:9

Kandi nasyalabya ekihande ekyo kyʼakasatu omo muliro, nasyatũkũryabo ngʼebĩtsĩpa bĩkatũkũrĩbawa, kandi nasyalengabo ngʼesyamagetsi ko sikalengawa. Basyalakira erĩna lyage, nage nasyasũbĩryabo; nasyabũga nyiti, Ni bandu bage; nabo basyabũga bati, Omwami Mukulu ni Nyamuhanga wetu.

Malakĩ 3:3

Naye asyĩkala ngʼomũtũkũrĩ nʼomũtendererya wʼebĩtsĩpa, kandi asyatũkũrya abagala ba Lawĩ, nʼerĩeryabo ngʼesyamagetsi nʼekĩtsĩpa; ibatoka eriha Omwami Mukulu amahere omo litunganene.

Mariko 4:11

Yesu mwasũbĩryabo ati, ĩnywe mwabirihabwa eriminya erĩkũmbo lyʼobwami bwa Nyamuhanga, nĩkwa abandi, abate netu, bakowa emyatsi yosĩ mo mĩsyo.

Luka 24:25

Neryo Yesu mwabwirabo ati, Ĩnywe muli bakĩrũ, muli bolo omo mitima okwʼĩkĩrĩrya ebyosĩ abamĩnyererĩ babĩrĩbũga!

Yoane 18:37

Neryo Pilato mwabũga ati, Uli mwami kwehĩ? Yesu mwamũsũbĩrya ati, Ũkabũga ko ndi mwami. Busana nʼekĩ nabutawa kandi nabĩrĩhĩka omo kihugo busana nʼekĩ, erĩtũla omwatsi wʼekwenene. Obuli mundu wʼomwatsi wʼekwenene akowa omulenge wage.

Yoane 7:17

Omundu Oyukasonda erikola erianza lya Nyamuhanga, asyaminya erĩkangĩrĩrya eryo nga ni rya Nyamuhanga kutse nga ngabũga omwʼiyihana lyage.

Yoane 8:47

Omundu wa Nyamuhanga akowa ebĩnywa bya Nyamuhanga. Kusangwa Simuli ba Nyamuhanga, sĩmũlĩowabyo.

1 AbanyaKorinto 6:11

Neryo abandi omo katĩkatĩ kenyũ ko mwanabya mutya; nĩkwa lino ĩnywe mwabĩrĩerĩbwa kwʼebibi, kandi mwabirihigulwa, kandi mwabiriyirwa mo batunganene busana nʼerĩna lyʼomukama Yesu Kristo, nʼomo Mũlĩmũ wa Nyamuhanga wetu.

2 AbanyaKorinto 7:1

Neryo ĩnywe banze betu, kusangwa tuwite esyondagane esĩ, tũyĩtegaye oko bĩtĩsĩrĩre byosĩ ebyʼomubiri nʼebyʼekĩrĩmũ, kandi tusonde eribya ababũyĩrĩre ndeke, nʼerirendera omo lubahwa lwa Nyamuhanga.

Tito 2:14

Kristo mwayiha busana netu erĩtũtongolya oko bibi byosĩ, nʼerĩerya abandu busana naye ĩyowene-wene, abali nʼomũhwa wʼerikola emĩbĩrĩ yowene.

AbaEbrania 12:10

Kusangwa abotata wetu mobatukunga akatambĩ kake ngoko baganĩraya bati litolere. Nĩkwa Nyamuhanga akatukunga eritukola ndeke, itwatoka erisangira obũbũyĩrĩre buwe.

1 Petero 1:22

Neryo kusangwa mwabĩrĩerya emitima yenyũ, busana nʼerĩowa omwatsi wʼekwenene, kandi mwabiribya nʼolwanzo olute nʼeriteba busana nʼabalĩkyetu, lino litolere imwanzana nʼemitima yenyũ yosĩ nʼomũhwa.

1 Petero 1:7

Neryo erirengwako eryo lĩkamĩnyĩsaya erĩkĩrĩrya lyenyũ. Esyamagetsi sikanahera, nasyo sikalengawako omo muliro. Neryo erĩkĩrĩrya lyenyũ eriwite enzwere nene kwilaba esyamagetsi, litolere iryalengwako. Neryo mwasyabana eripipa nʼolukengerwa, nʼerĩsĩkĩbwa oko kiro ekyo Yesu Kristo asyabĩsũlwa.

1 Yoane 5:20

Nĩkwa tũnasĩ kʼomugala wa Nyamuhanga abĩrĩhĩka, nʼerituha eriminya, itwatoka eriminya Nyamuhanga owʼekwenene. Kandi tumatikene na Nyamuhanga owʼekwenene, kandi tumatikene nʼomugala wuwe Yesu Kristo. Oyũ ni Nyamuhanga wʼekwenene, kandi iye ni ngebe yʼerikota.

Eribisurirwa 16:11

Kandi mobatsuma Nyamuhanga wʼelubula busana nʼamagalĩ wabo nʼebironda byabo. Nĩkwa mobatabindula emitima yabo erireka emĩbĩrĩ mibi yabo.

Eribisurirwa 19:14

Neryo emilondo yʼelubula moyamukwama, ibambite ekĩtanĩ kĩbũyahĩre, kandi ibakagenda oko syosabayĩrĩ nyeru-nyeru.

Eribisurirwa 19:8

Kandi abirihabwa erĩambalĩbwa ekĩtanĩ kĩbũyahĩre, ekĩkangabasenĩe, nʼekibuya. Kusangwa ekĩtanĩ kĩbũyahĩre ekyo nĩ mĩbĩrĩ itunganene yʼabandu ba Nyamuhanga.

Eribisurirwa 22:11

Oyukakola nabi, akole nabi; nʼoyũtĩsĩrĩre, ayĩtsandaye; nʼoyutunganene, akole ebitunganene, nʼoyuli mũbũyĩrĩre, ayĩtegaye abye mũbũyĩrĩre.

Eribisurirwa 3:18

Neryo ngakuhana unguleko esyamagetsi, esyabĩrĩlabĩbwa omo muliro, iwatoka eribya muteke. Ugule nibya esyongimba nyeru-nyeru, iwatoka eriambalasyo, nʼesĩsonĩ syʼendũmbũ yawe isitaminyikala. Kandi Ugule amagũta wʼameso awʼerĩsĩgĩsa omo meso wawe, iwatoka erilangira.

1 Samwelĩ 24:13

Ngʼomũsyo wʼabakera ati, Omo babi mũkalũa ebibi; nĩkwa ebyala byage sibyendisyalwa nawe.