Danĩelĩ 12:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Nĩkwa oko mugulu oyo omunya-mwami mukulu, ye Mĩkaelĩ, kategaya abandu benyũ, asyahangana. Neryo hasyabya endambĩ yʼobũlĩge, obute bwatabya erĩtsũka omugulu ekihanda kyatsũka, nʼerĩhĩka oko mugulu ono; kandi oko mugulu oyo abandu benyũ basyalamĩbwa obuli mundu oyukabanika iniabirisakwa omo kitabu.

Danĩelĩ 12:1 Iomraidhean Croise

Esyonyimbo 56:8

Ũnasĩ ngoko ngagalawa; Wabirisaka emiganzo yʼemĩsonĩa yage. Sĩyĩsakĩre omo kitabu kyawe kwehĩ?

Esyonyimbo 69:28

Amena wabo asangulawe omo kitabu kyʼabaliho; Kandi sibasakawe omo katĩkatĩ kʼabandu bawe.

Ĩsaya 4:3

Neryo oyo wasĩgalira eSĩonĩ, nʼoyo wasĩgala eYerũsalema, asyahulwa mo mũbũyĩrĩre, obuli mundu oyo wasakawa busana nʼengebe eYerũsalema.

Ĩsaya 9:7

Erikanya lyʼeritabala liwe ryʼobuholo siryendisyayira ndũlĩ, oko kĩtũmbĩ kyʼobwami bwa Dawĩdĩ nʼoko bwami buwe, erĩhanganĩabo nʼerĩsĩkyabo omo lĩbanza nʼomo litunganene, erĩtsũka lino nʼerĩhĩka kera na kera. Omũhwa wʼOmwami Mukulu wʼemilondo asyakola ekĩ.

Yeremĩa 30:10

Neryo Omwami Mukulu ati, Uwe Yakobo, mugombe wage, Sigubahe. Kutse uwe Ĩsraelĩ, subye nʼengitsi. Kusangwa lebaya, nasyakũlamya inyikine hali, nʼabana bawe omo kihugo kyʼobunyegwa bwabo. Na Yakobo asyasubula, nʼeribya nʼobuholo nʼeriluhuka, isihali omundu wasyamũbahya.

Yeremĩa 30:7

Ĩ-yoo! kusangwa ekiro ekyo ni kikulu, sihali ekiringene nakyo. Ni mugulu wʼobũlĩge bwa Yakobo, nĩkwa asyalamĩbwa mubo.

Ezekĩelĩ 13:9

Neryo ebyala byage byasyalwa nʼabamĩnyererĩ abakalangira esyonzolĩ syʼamabehĩ, nʼabakabũga erilagula lyʼamabehĩ. Sibendisyabya nʼomwanya omwʼĩhĩndana lyʼabandu bage, kutse sibendisyasakwa omo masako wʼekihanda kya Ĩsraelĩ, kutse sibendisyingira omo kihugo kya Ĩsraelĩ, imwatoka eriminya ko ndi Omukama Iye Omwami Mukulu.

Ezekĩelĩ 34:24

Ĩngye Mwami Mukulu nasyabya Nyamuhanga wasyo, nʼomukobe wage Dawĩdĩ asyabya munya-mwami omo katĩkatĩ kasyo. Ĩngye Mwami Mukulu, nabĩrĩbũgakyo.

Ezekĩelĩ 5:9

Kandi nasyakukolera ekyo ndakukolera kera, kandi sindiendisyaswakola ekiri ngʼekyo, busana nʼesyonye syawe yosĩ.

Danĩelĩ 10:13

Nĩkwa omunya-mwami wʼobwami bwʼePersĩa mwanyĩkakĩrya ebiro makũmĩ abiri nʼekiguma; nĩkwa lebaya, Mĩkaelĩ, omuguma gʼoko banya-mwami bakulu, mwasa nʼerĩnyĩwatĩkya, nage monasĩgalayo haguma nʼabami bʼePersĩa.

Danĩelĩ 10:21

Nĩkwa ngandikubwira ekĩsakĩre omo masako wʼekwenene; kandi sihali oyukahangana ndeke haguma nage erilwa nʼaba, yo nʼomunya-mwami wenyũ Mĩkaelĩ.

Danĩelĩ 11:45

Neryo asyahanda amahema wʼekikali kiwe omo katĩkatĩ kʼengetsi nʼeKitwa Kibũyĩrĩre kibuya. Nĩkwa asyahĩka oko ndũlĩ yiwe, isihali mundu wasyamũwatĩkya.

Danĩelĩ 7:10

Nʼolũsĩ lwʼomuliro molwasenda nʼerilaba embere siwe. Amaelfu nʼamaelfu mobamukolera, neʼelfu ĩkũmĩ ngendo elfu ĩkũmĩ mobahangana embere siwe. Eritswerwa molyahĩrwaho, nʼebitabu mobyasanzulwa.

Danĩelĩ 9:12

Naye abĩrĩberererya ebĩnywa biwe ebyo atubambirako, nʼeribambira abatabalĩ betu, abatutabalako, nʼerituletera obũlĩge bunene. Kusangwa eyĩkwa oko matũkũ gosĩ Sihehatakolwa mwatsi ngʼowamakolwa oko Yerũsalema.

Yoelĩ 2:2

Ni kiro kyʼomwĩrĩmya, nʼekiro kyʼekĩlũlũmano, ekiro kyʼebĩtũ nʼomũhĩndanĩa, ngʼomwĩtsange owasanzĩre oko bitwa; neryo hali kihanda kinene nʼekyʼamaka; sihehatabya na kera ekĩsosĩrekyo, kutse sihendisyabya kandi enyũma wabo, erĩhĩka oko myaka yʼesyondengo nyingi.

Malakĩ 3:16

Neryo ababya bakubaha Omwami Mukulu, mobakanĩa haguma; nʼOmwami Mukulu mwatega amatwĩ mowakyo, nʼekitabu kyʼeryibuka ekyo mokyasakirwa embere siwe busana nʼabandu abakubaha Omwami Mukulu, nʼabakasĩma erĩna liwe.

Matayo 24:21

Kusangwa oko biro ebyo hasyabya obũlĩge bunene isibwebwatabya okwʼĩtsũka lyʼekihugo, erĩhĩka na lino, kutse sibwendisyaswabya butya na kera.

Mariko 13:19

Kusangwa obũlĩge bwʼebiro ebyo bwasyabya ĩbũkalĩre isibwebwatabya erĩtsũka ekiro Nyamuhanga ahangika ekihugo, erĩswahĩka na lino, kandi sibwendisyaswabya butya na kera.

Luka 10:20

Nĩkwa simutseme kusangwa ebĩrĩmũ bibi byabĩrĩbowa, nĩkwa mutseme kusangwa amena wenyũ abirisakwa elubula.

AbanyaRoma 11:15

Kusangwa kumbe eriganwa lyabo likabya erĩsanganĩa lyʼabandu bʼe­kihugo neryo erĩrĩgwa lyabo likabya liti kwehĩ? Lyasyabya nogebe busana nʼabaholĩ.

AbanyaRoma 11:26

Neryo Abaĩsraelĩ bosĩ basyalamĩbwa, ngoko kĩsakĩre kiti, Omũlamya asyalũa eSĩonĩ, Asyalũsya amalolo oko bana ba Yakobo.

AbanyaEfeso 1:21

Kristo akatabala eyo, endata oko batabalĩ bosĩ nʼabakama bosĩ, nʼabʼehamũlĩ bosĩ, nʼabenye obũtokĩ bosĩ. Nʼerĩna liwe lĩlabĩre oko buli rĩna erikahulawa oko mugulu ono, kutse oko mugulu owakandisyasa.

AbanyaFilipi 4:3

Ega, nawe mũlĩkyetu, ngakusaba nyiti, ũwatĩkaye abakalĩ aba. Kusangwa babiriyitsinga kutsibu omo mũbĩrĩ wʼerĩgenda-gendya Engulu Yowene, haguma na Klementĩ, nʼabandi balĩkyetu, abawite amena wabo omo kitabu kyʼengebe kya Nyamuhanga.

Yuda 1:9

Nĩkwa Mĩkaelĩ omũlaĩka mukulu, ekiro alwa nʼeSatanĩ nʼerikuba obuhaka nayo busana nʼomubiri wa Musa, mwatalĩga eritswera Satanĩ omo bĩnywa byʼerimutsuma, nĩkwa mwabwirayo ati, Omwami Mukulu akukunge.

Eribisurirwa 1:5

kandi bĩkalũa uku Yesu Kristo, omũtũlĩ wʼomwatsi oyuteregula, Omugala, akambere oyo walũbũkĩbawa oko luholo, omũtabalĩ, wʼabami bʼekihugo. Ukwʼoyukatwanza, kandi yo watubohola oko bibi byetu omo musasi wuwe,

Eribisurirwa 12:7

Neryo mohahuluka amalwa elubula. Mĩkaelĩ nʼabamalaĩka buwe mobalwa nʼekiyoka ekyo. Nʼekiyoka ekyo nʼabamalaĩka bakyo mobalwa.

Eribisurirwa 13:8

Nʼabandu bosĩ abĩkere omo kihugo basyaramyayo, obuli mundu oyuwite erĩna lĩtasakĩre embere wʼerĩtsũka lyʼekihugo, omo kitabu kyʼengebe kyʼEkyana kyʼEmbũlĩ ekyakerawa.

Eribisurirwa 17:14

Aba basyalwa nʼEkyana kyʼEmbũlĩ, nĩkwa Ekyana kyʼEmbũlĩ, haguma nʼabakamukwama, ababirikirawa buwe, nʼabayisogawa, nʼabateregula buwe, basyakĩndabo, kusangwa iye ni Mukama wʼabakama, nʼOmwami wʼabami.

Eribisurirwa 20:12

Kandi monalangira abaholĩ, abakulu-bakulu nʼabake-bake, ibahangene embere wʼekĩtũmbĩ kyʼobwami; nʼebitabu mobyasanzulwa. Nʼekindi kitabu mokyasanzulwa, kye kitabu kyʼengebe. Neryo abaholĩ mobatswerwa omo myatsi eyĩsakĩre omo bitabu ngoko emĩbĩrĩ yabo yabya.

Eribisurirwa 20:15

Kandi omundu oyutawite erĩna lĩsakĩre omo kitabu kyʼengebe, mwaguswa omo ngetsi yʼomuliro.

Eribisurirwa 3:5

Oyũkakĩnda asyambalĩbwa esyongimba nyeru-nyeru, kandi sindiendisyasangula erĩna liwe omo kitabu kyʼengebe. Nasyakangya erĩna liwe embere sya Tata wage, nʼabamalaĩka buwe.

Eribisurirwa 7:14

Neryo monamubwira nyiti, Mukama wage, ũnasĩ. Neryo mwambwira ati, Aba ni bandu abakalũa omwʼendererya lĩnene, ĩbabĩrĩerya esyokanzu syabo nʼeriyirasyo mo nyeru-nyeru omo musasi wʼEkyana kyʼEmbũlĩ.