Danĩelĩ 11:45 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴⁵ Neryo asyahanda amahema wʼekikali kiwe omo katĩkatĩ kʼengetsi nʼeKitwa Kibũyĩrĩre kibuya. Nĩkwa asyahĩka oko ndũlĩ yiwe, isihali mundu wasyamũwatĩkya.

Danĩelĩ 11:45 Iomraidhean Croise

Esyonyimbo 48:2

Ekitwa kyʼeSĩonĩ, ni kiri, kandi ni kibuya; Ni kitwa kikaleta obutseme oko kihugo kyosĩ. Nĩ mũyĩ wʼOmwami Mukulu.

Ĩsaya 10:12

Litya kyasyabya, omugulu Omukama amabĩberererya omũbĩrĩ wuwe gosĩ oko kitwa kyʼeSĩonĩ nʼoko Yerũsalema, nasyasuyira ebĩgũma byʼomutima akalĩre wʼOmwami wʼeAsũrĩa, nʼobubuya bwʼeriyiheka liwe.

Ĩsaya 11:9

Sibyendĩsyagalya kutse erĩherya omo kitwa kyage kĩbũyĩrĩre kyosĩ, kusangwa ekihugo kyasyũsũla nʼeriminya lyʼOmwami Mukulu, ngoko amagetsi akabwaga omo ngetsi.

Ĩsaya 14:13

Nĩkwa mowabũga omo mutima wawe, uti, Nasyahetukira elubula, nasyasumbira ekĩtũmbĩ kyage kyʼobwami endata oko syongũnũnũ sya Nyamuhanga, nasyĩkala oko kitwa, kyʼamahĩndano, omo bihande byʼendũlĩ yʼelutambi lwʼendata.

Ĩsaya 2:2

Neryo kyasyabya oko biro byʼenyũma, ekitwa kyʼenyũmba yʼOmwami Mukulu kyasyahanganĩbwa ngʼekikulu kyʼebitwa, kyasyahamĩbwa endata oko bitwa. Ebihanda byosĩ byasyahĩkaho.

Ĩsaya 27:13

Neryo oko kiro ekyo engubi nene yasyabuhwa. Abandu ababya bakahera omo kihugo kyʼeAsũrĩa, abapanza-panzawa omo kihugo kyʼeMĩsĩrĩ. Basyasa, basyaramya Omwami Mukulu oko kitwa kĩbũyĩrĩre eYerũsalema.

Ĩsaya 65:25

Omukenge nʼekyana kyʼembũlĩ byasyalira haguma, nʼendale yasyalya ebiti ngʼende, nʼolũtũtũ lwasyabya kalyo kʼenzoka. Sisyendisyakola ebibi kutse omwaga omo kitwa kyage kyosĩ kĩbũyĩrĩre, Omwami Mukulu atya.

Ĩsaya 66:20

Neryo basyaleta abagala benyũ bosĩ abakalũa omo bihanda byosĩ busana nʼeribya ehongo yʼengano busana nʼOmwami Mukulu ĩbahekĩrwe oko syosabayĩrĩ, nʼoko syogalĩ, nʼoko syongyingo, nʼoko syonyumbu, nʼoko syongamia, oko kitwa kyage kĩbũyĩrĩre eYerũsalema, Omwami Mukulu atya, ngoko bana ba Ĩsraelĩ ko bakaleta ehongo yabo yʼengano omo nyũmba yʼOmwami Mukulu omo nyungu yerĩre.

Ezekĩelĩ 39:2

Nasyakubindula, nʼerĩkũkũna, nʼerĩkũhetũkya erĩlũa oko bihande byʼendũlĩ byʼelutambi lwʼendata, nʼerikuleta erilwa nʼebitwa bya Ĩsraelĩ.

Danĩelĩ 11:16

Nĩkwa omwami wʼelutambi lwʼeNdata oyukasa erilwa naye asyakola ngoko anzĩre, isihali mundu oyo wasyatoka erilwa naye; kandi asyasiba omo Kihugo Kibuya, iniawite erĩherya omo byala biwe.

Danĩelĩ 11:41

Asyingira omo Kihugo Kibuya nibya, nʼebihugo bingi byasyawa; nĩkwa ebihugo byʼeEdomũ, nʼeMoabũ, nʼabagala ba Amonĩ bʼerĩmbere basyalamĩbwa bakabala ebyala biwe.

Danĩelĩ 11:44

Nĩkwa esyongulu esĩkalũa ebwanga bwʼeNdata, nʼebwanga bwʼelutambi lwʼeNdata, syasyahanga-hangya omutima wuwe, neryo asyahuluka nʼerihitana lĩnene erĩherya nʼerĩĩta abandu bangi.

Danĩelĩ 2:35

Neryo ekyuma ekyo nʼeribumba eryo, nʼomulinga, nʼekĩtsĩpa, nʼesyamagetsi, mobyatulangwa mo bihande bihande oko saa nguma, mobyabya ngʼomusunga omo bĩhũmbĩro omugulu wʼobugoma; neryo erihunga molyagũlũkyabyo, neryo mobitaswabanika nʼahake; nʼerĩbwe eryo eryaswĩraya esanamu molyabya kitwa kinene, molyũsũlya ekihugo kyosĩ.

Danĩelĩ 7:26

Nĩkwa eritswera lyasyahĩrwa, neryo eritabala liwe lyasyalũsĩbwaho, eribugalyo nʼerĩheryalyo erĩhĩka oko ndũlĩ.

Danĩelĩ 8:25

Na busana nʼemibere yiwe asyatokesya amatebo omo byala biwe; kandi asyayĩhamya omo mutima wuwe; kandi asyaherya bangi omwʼiyiketera lyabo; kandi asyahangana nʼerilwa nʼOmunya-mwami wʼabanya-mwami; nĩkwa asyatĩndwa butsira omo byala byʼabandu.

Danĩelĩ 9:16

Uwe Mukama, ngʼemĩbĩrĩ yawe yosĩ itunganene, uleke erihitana lyawe nʼerikarama lyawe bĩlũe oko mũyĩ wawe eYerũsalema, ekitwa kyawe kĩbũyĩrĩre; kusangwa busana nʼebibi byetu, nʼebibi byʼabotata wetu, eYerũsalema nʼabandu bawe babiribya kĩtsũmĩ oko bandu bosĩ abatũtĩmbĩreko.

Danĩelĩ 9:20

Neryo omugulu nabya ngabũga, nʼerisaba, nʼerĩkangya ebibi byage nʼebibi byʼabandu bage Ĩsraelĩ, nʼerireta emilake yage embere syʼOmwami Mukulu Nyamuhanga wage busana nʼekitwa kĩbũyĩrĩre kya Nyamuhanga wage.

Yoelĩ 2:20

Nĩkwa nasyalũsya hali ũkwʼĩnywe emilondo yʼelutambi lwʼendata, nasyahigirayo omo kihugo kyʼolukwesese nʼekĩma, nasyahigira oluhande lwakyo lwʼerĩmbere omo ngetsi yʼendata, nʼoluhande lwakyo lwʼenyũma omo ngetsi yʼeyĩkwa; nʼerikumba lyakyo lyasyahetuka nʼoluta lwakyo lubi lwasyahetuka, kusangwa kyabirikola emyatsi minene.

Mĩka 4:2

Nʼebihanda bingi byasyasa nʼerĩbũga biti, Mwase tuhetukire oko kitwa kyʼOmwami Mukulu nʼoko nyũmba ya Nyamuhanga wa Yakobo, naye asyatũkangĩrĩrya esyonzira siwe, netu twasyalendera omo syombalu siwe. Kusangwa ebihano byasyasira eSĩonĩ, nʼekĩnywa kyʼOmwami Mukulu kyasyahuluka eYerũsalema.

Zekarĩa 14:8

Neryo oko kiro ekyo, amagetsi wʼengebe asyasenda akalũa eYerũsalema; oluhande lwago erĩlolya oko ngetsi yʼendata, nʼolundi luhande lwago erĩlolya oko ngetsi yʼeyĩkwa; kyasyabya oko mugulu wʼobugoma nʼoko mugulu wʼeritsuku nibya.

Emiganzo 34:5

Nʼomutano asyabinduka erĩlũa eAsĩmonĩ erĩhĩka oko lũsĩ lwʼeMĩsĩrĩ, nʼendũlĩ yago yasyabya oko ngetsi.

2 AbanyaTesalonika 2:4

Iye akalwa nʼesyosĩ esyo abandu bakahula mo nyamuhanga, nʼebyosĩ abandu bakaramaya. Asyayĩhamya endata oko syosĩ, nʼeriya omo Hekalũ ya Nyamuhanga, nʼerĩĩkala oko kĩtũmbĩ omo Hekalũ, nʼeriyahula mo Nyamuhanga.

2 AbanyaTesalonika 2:8

Neryo Omundu Mubi oyo asyabĩsũlwa, nʼOmukama Yesu asyamwĩta omo muka wʼobuno buwe, nʼerĩmũtogotya omo lukengerwa lwʼerihuluka liwe.

Eribisurirwa 13:10

Omundu oyo wangahambwa mo mukobe, asyahambwa mo mukobe kwenene. Kandi oyo wangakwa omo mũyalĩ, naye ĩnĩakwa omo mũyalĩ. Erĩ niʼyitsingirira nʼerĩkĩrĩrya lyʼabandu ba Nyamuhanga.

Eribisurirwa 20:2

Neryo mwatsimba ekiyoka ekyo, enzoka eyo ya kera, oyuli Dĩabolo nʼeSatanĩ, neryo mwabohayo oko myaka elfu nguma (1,000).

Eribisurirwa 20:9

Mobayisanza omo kihugo, nʼerĩtĩmba oko kilaliriro kyʼabandu ba Nyamuhanga, nʼomũyĩ owanzĩrwe. Nĩkwa omuliro mwandagala akalũa elubula nʼerĩtogotyabo.