Danĩelĩ 11:44 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴⁴ Nĩkwa esyongulu esĩkalũa ebwanga bwʼeNdata, nʼebwanga bwʼelutambi lwʼeNdata, syasyahanga-hangya omutima wuwe, neryo asyahuluka nʼerihitana lĩnene erĩherya nʼerĩĩta abandu bangi.

Danĩelĩ 11:44 Iomraidhean Croise

Danĩelĩ 11:11

Neryo omwami wʼelutambi lwʼeYĩkwa asyahitana kutsibu nʼerihongoka eriyalwa nʼomwami wʼelutambi lwʼeNdata. Neryo omwami wʼelutambi lwʼeNdata asyahanganĩa endeko nene, nĩkwa endeko eyo yasyahabwa omo byala byʼOmwami wʼelutambi lwʼeYĩkwa busana nʼerĩhũngwa.

Danĩelĩ 11:30

Kusangwa amato wʼeKĩtĩmũ asyasa nʼerilwa naye; neryo asyabula omutima, neryo asyasubula, kandi asyahitana busana nʼendagano ĩbũyĩrĩre nʼerilwa; litya asyasubula nʼerĩsĩma abakaleka endagano ĩbũyĩrĩre.

Danĩelĩ 11:43

Nĩkwa asyatabala oko bindu ebĩbĩsamĩre byʼesyamagetsi, nʼebĩtsĩpa, nʼebindu byosĩ byʼobũgũlĩbunene byʼeMĩsĩrĩ; kandi Abanya Lĩbĩa, nʼAbanya Etĩopĩa basyamukwama.

Danĩelĩ 11:45

Neryo asyahanda amahema wʼekikali kiwe omo katĩkatĩ kʼengetsi nʼeKitwa Kibũyĩrĩre kibuya. Nĩkwa asyahĩka oko ndũlĩ yiwe, isihali mundu wasyamũwatĩkya.

Eribisurirwa 16:12

Nʼomũlaĩka wʼendatu mũtũlĩra ekibindi kiwe oko lũsĩ lunene, lwʼeEfũratĩ. Kandi amagetsi walo muma, enzira ĩkokotĩbawe busana nʼabami bakalũa eyo eryuba likahuluka.

Eribisurirwa 17:13

Abami ĩkũmĩ aba bawite erĩyĩsũnza liguma, kandi bakaha enyama eyo yʼobũtokĩ nʼehamũlĩ yabo.