Danĩelĩ 11:36 - AMASAKO ABOYTRTRE WA NYAMUHANGA AWAKAHULAWA MO BIBLIA

³⁶ Neryo omwami oyo asyakola ngoko anzĩre, kandi asyayĩhamya nʼeriyipipa endata oko buli nyamuhanga, kandi asyabũga ebĩnywa bitsibu erilwa na Nyamuhanga wʼesyonyamuhanga; kandi asyagasa erĩhĩka aho mugulu wʼerihitana asyahwera, kusangwa ekyahamulawa kyasyakolwa.

Danĩelĩ 11:36 Iomraidhean Croise

Esyonyimbo 136:2

Muhe ewasĩngya oko yũlengĩre esyonyamuhanga syosĩ; Olwanzo luwe olutyusa lukakota.

Esyonyimbo 33:10

Omwami Mukulu akayira esyombĩta syʼebihanda mo buyira, Akalĩmaya erĩyĩsũnza lyʼabandu.

Emĩsyo 19:21

Hali erihimbika lingi omo mutima wʼomundu; Nĩkwa erihana lyʼOmwami Mukulu lyasyahangana.

Ĩsaya 10:23

Kusangwa Omukama, Omwami Mukulu wʼemilondo, abirisoha erihera kũndũ, asyaberereryalyo, omo katĩkatĩ kʼekihugo kyosĩ.

Ĩsaya 10:25

Kusangwa hakĩsĩya hake, erihitana lyage ukʼuwe iryahwa, nʼerihitana lyage ĩryaheryabo.

Ĩsaya 10:5

Obũlĩge oko Asũrĩa, omũtso wʼerihitana lyage, engonĩ eyiri omo byala biwe ni ʼhitana lyage!

Ĩsaya 14:13

Nĩkwa mowabũga omo mutima wawe, uti, Nasyahetukira elubula, nasyasumbira ekĩtũmbĩ kyage kyʼobwami endata oko syongũnũnũ sya Nyamuhanga, nasyĩkala oko kitwa, kyʼamahĩndano, omo bihande byʼendũlĩ yʼelutambi lwʼendata.

Ĩsaya 14:14

Nasyahetukira endata kwilaba obuli bwʼebĩtũ, nasyayĩrĩngĩrĩranĩa nʼOwendata Kutsibu.

Ĩsaya 26:20

Mwase, abandu bage, mwingire omo manyũmba wenyũ, mukinge esyonyũyĩ syenyũ enyũma wenyũ. Mũyĩbĩse oko katambĩ kake, erĩhĩka aho erihitana lyamabilabira.

Ĩsaya 30:33

Kusangwa Erĩokeryo lyʼeTofetĩ lyabĩrĩkokotĩbwa kera. Ega, lyabĩrĩkokotĩbwa busana nʼomwami. Abiritakulaho hali nʼahanene omwisi, ekitabiro kyaho ni muliro nʼesyongwĩ nene. Omuka wʼOmwami Mukulu, ngʼolũsĩ lwʼomuliro wʼekĩbĩrĩtĩ asyakyalyo.

Ĩsaya 46:10

Erĩtũla ebyʼendũlĩ inandi oko nzũko, nʼerĩtsũka oko migulu ya kera erĩtũla emyatsi eyite yakolwa. Nyiti, Erĩyĩsũnza lyage lyasyahangana, kandi nasyaberererya ebyosĩ ebĩkanyĩtsemesaya.

Ĩsaya 57:9

Mowaya eyiri omwami nʼamagũta, mowakanyĩrĩrya ebikakumba ndeke byawe. Kandi mowatuma abakwenda bawe bo hali, nʼerireka ibandagalira eKũlĩmũ.

Ezekĩelĩ 28:2

Mugala wʼomundu, Ubwire omũsondolĩ wʼeTĩro uti, Omukama Iye Omwami Mukulu ati, Kusangwa omutima wawe amayĩhamya, kandi wabĩrĩbũga uti, Ĩngye nyiri nyamuhanga, nyĩkere omo kĩtũmbĩ kyʼesyonyamuhanga, omo katĩkatĩ kʼesyongetsi. Nĩkwa uli mundu, suli Nyamuhanga, nomo wangahĩra omutima wawe eribya nga Nyamuhanga.

Ezekĩelĩ 35:13

Mwabĩrĩyĩhamya ũkwʼĩngye nʼobuno bwenyũ, kandi mwabĩrĩkanyĩrĩrya ebĩnywa byenyũ omo malwa busana nage. Nabĩrĩowabyo.

Danĩelĩ 11:16

Nĩkwa omwami wʼelutambi lwʼeNdata oyukasa erilwa naye asyakola ngoko anzĩre, isihali mundu oyo wasyatoka erilwa naye; kandi asyasiba omo Kihugo Kibuya, iniawite erĩherya omo byala biwe.

Danĩelĩ 11:3

Neryo omwami wʼamaka asyahangana oyo Wasyatabala nʼobutabale bunene, nʼerikola ebyo anzĩre.

Danĩelĩ 11:37

Kandi siendisyatsomana abotata wuwe, kutse oyũkayĩtsũtsawa nʼabakalĩ. Kandi siendisyatsomana ogundi nyamuhanga; kusangwa asyayĩhamya endata oko bosĩ.

Danĩelĩ 12:7

Neryo omundu oyo wabya wambite ekĩtanĩ, oyo wabya ebwanga bwʼendata oko lũsĩ, mwasumba ebyala biwe byʼamali nʼebyʼamalembe erĩlolyabyo elubula, neryo mwalahĩrya ukwʼoyuliho kera na kera ati, Omwatsi asyabya oko mugulu nʼemigulu, nʼembindi yʼomugulu; kandi omugulu basyabuga erĩhũnza Obũtokĩ bwʼabandu babũyĩrĩre, emyatsi eyĩ yosĩ yasyahĩkana.

Danĩelĩ 2:47

Neryo omwami mwasũbĩrya Danĩelĩ ati, nene Nyamuhanga wenyũ ni Nyamuhanga wʼesyonyamuhanga, nʼOmwami wʼabami, nʼomũbĩsũlĩ wʼebĩbĩsĩre, kusangwa wabiritoka erĩbĩsũla ekĩbĩsĩre ekĩ.

Danĩelĩ 4:35

Nʼesyondũlanĩ syosĩ syʼekihugo sikaganzawa nga si kindu; naye akakola ngʼerisonda liwe omo milondo yʼelubula, nʼomo katĩkatĩ kʼesyondũlanĩ syʼekihugo; kandi sihali oyo wangakakĩrya ebyala biwe, kutse erĩmũbũlya ati, Ukayira uti?

Danĩelĩ 5:19

Neryo busana nʼobukulu obo amuha, abandu bosĩ nʼebihanda, nʼemĩbũge bakatitimana nʼeriubaha embere siwe. Oyo abya anzĩre erĩĩta, ĩnĩamwĩta, nʼoyo anzĩre eribyaho iniabyaho; nʼoyo anzĩre erĩhamya ĩnĩamũhamya, nʼoyo anzĩre erĩkehya ĩnĩamũkehya.

Danĩelĩ 5:20

Nĩkwa omugulu omutima wuwe ayihagata, nʼekĩrĩmũ kiwe kyayiheka, kyaleka ĩnĩayĩhahamĩsya, omwami mwasingulwa omo kĩtũmbĩ kiwe kyʼobwami, nʼolukengerwa luwe molwalũsĩbwa ukwʼiye.

Danĩelĩ 7:8

Nage monasamalira amahembe ayo, neryo, lebaya, erindi rĩhembe molyalasa omo katĩkatĩ kago, erĩke, embere walyo awandi mahembe asatu wʼerĩmbere mwakulwa nʼemĩrĩhĩ; neryo lebaya omwʼĩhembe erĩ habya ameso ngʼameso wʼomundu, nʼobuno obũkabũga emyatsi yʼeriyihalamba.

Danĩelĩ 8:19

Neryo mwabũga ati, Lebaya, ngandĩkũmĩnyĩsya ebikandisyabya oko mugulu wʼendũlĩ yʼerihitana; kusangwa ni ryʼomugulu owahamulawa wʼendũlĩ.

Danĩelĩ 8:4

Neryo monalangira embangale eyo ĩkakũna oluhande lwʼeyĩkwa, nʼelutambi lwʼendata, nʼelutambi lwʼeyĩkwa; kandi sihali nyama eyatoka erihangana embere syayo, kutse sihali oyo wangalamya omo byala byayo; nĩkwa moyakola ngʼerisonda lyayo, nʼerĩyĩhamya.

Zekarĩa 11:16

Kusangwa, lebaya, nasyahanganĩa omũlĩsya omo kihugo, oyutendisyatsomana erirembera esikahera, kutse eriyasonda-sonda esyapanzawa, kutse erĩlamya eyabũnĩka, kutse erĩrĩsya eyiriho; nĩkwa asyalya esĩswĩ syʼesyombũlĩ esĩnenehĩre, nʼeritula ebigere byasyo mo bihande-bihande.

Yoane 5:30

Sinditoka erikola kindu omwʼiyihana lyage; ngatswera ngoko Nyamuhanga akambwira, nʼeritswera lyage ritunganene; kusangwa sindisonda erikola ebyo nyanzĩre, nĩkwa erianza lyʼoyo wanyituma.

Yoane 6:38

Kusangwa sinandagala erĩlũa elubula erikola erianza lyage, nĩkwa nandagala erikola erianza lyʼoyo wanyituma.

Emibiri 4:28

Mobahĩndana haguma bakole ebyosĩ wayĩsũnza omo bũtokĩ bwawe nʼerisonda lyawe uti bikolawe.

Eryibuka Ebihano 10:17

Kusangwa Omwami Mukulu Nyamuhanga wenyũ, iye ni Nyamuhanga wʼesyonyamuhanga, nʼOmwami Mukulu wʼabakama, yo mukulu, ye mbangĩ, na Nyamuhanga wʼeriswekera, oyuteyira obutaga, kutse erĩĩmya ekyũtũlĩro.

2 AbanyaTesalonika 2:3

Simuleke mundu akabatebya omo mwatsi nʼomuguma. Kusangwa Ekiro ekyo sikyendisyasa eripona nʼerisuba enyũma bite byahĩka, nʼomubi Oyo ate abutuka, oyo wasyaherĩbwa.

2 AbanyaTesalonika 2:4

Iye akalwa nʼesyosĩ esyo abandu bakahula mo nyamuhanga, nʼebyosĩ abandu bakaramaya. Asyayĩhamya endata oko syosĩ, nʼeriya omo Hekalũ ya Nyamuhanga, nʼerĩĩkala oko kĩtũmbĩ omo Hekalũ, nʼeriyahula mo Nyamuhanga.

2 AbanyaTesalonika 2:8

Neryo Omundu Mubi oyo asyabĩsũlwa, nʼOmukama Yesu asyamwĩta omo muka wʼobuno buwe, nʼerĩmũtogotya omo lukengerwa lwʼerihuluka liwe.

Yosũa 22:22

bati, Omũtokĩ, Nyamuhanga, Omwami Mukulu, Omũtokĩ, Nyamuhanga Omwami Mukulu! Iye anasĩ, na Ĩsraelĩ naye aminye. Kumbe lyabya ni ʼhona, kutse lyabya eriregula oko Mwami Mukulu sũtũlamaye mũnabwĩre!

Eribisurirwa 10:7

Nĩkwa omo biro byʼomulenge wʼengubi yʼomũlaĩka wʼakalinda, omugulu akasonda eribuha engubi yiwe, neryo Nyamuhanga asyaberererya erĩkũmbo liwe ngoko akangĩrĩraya Engulu Yowene oko bamĩnyererĩ, abagombe buwe.

Eribisurirwa 12:14

Omũkalĩ oyo mwahabwa ebĩpũpa bibiri byʼerĩsamba ĩnene, atoke erigulukira omo mbwarara oko mwanya wuwe, aho asyalembererwa ndeke omo myaka ĩsatu nʼembindi, ahate erĩendererya lyʼekiyoka ekyo.

Eribisurirwa 13:1

Neryo monalangira enyama ĩkalũa omo ngetsi. Enyama eyo yabya yiwite amahembe ĩkũmĩ nʼemitwe irinda, nʼesyombĩta ĩkũmĩ oko mahembe wayo, nʼoko mitwe yayo habya amena wʼebĩtsũmĩ.

Eribisurirwa 17:17

Kusangwa Nyamuhanga mwahĩra omo mitima yabo erisonda erikola erĩyĩsũnza liwe, ibakabya nʼobũlengekanĩa buguma, nʼeriha obwami bwabo oko nyama eyo, erĩhĩka aho ebĩnywa bya Nyamuhanga byasyabererera.

Eribisurirwa 17:3

Neryo omũlaĩka mwanyitwala omo Mũlĩmũ omo mbwarara. Nʼeyo monalangira omũkalĩ ĩnĩanĩkere oko nyama nʼamena mangi wʼebĩtsũmĩ, kandi iyiwite emitwe irinda, nʼamahembe ĩkũmĩ.