Danĩelĩ 11:35 - AMASAKO ABOYTRTRE WA NYAMUHANGA AWAKAHULAWA MO BIBLIA

³⁵ Kandi abandi abawite amenge basyawa erĩtũkũryabo, nʼerĩeryabo, nʼeriyirabo mo babuya, erĩhĩka oko mugulu wʼendũlĩ owakandĩsyahĩka oko ndambĩ eyahulawa.

Danĩelĩ 11:35 Iomraidhean Croise

2 Emyatsi yʼEmigulu 32:31

Nĩkwa omo mwatsi wʼabakwenda bʼabakulu bʼeBabelĩ, abamutumako erĩbũlya ebyʼeriswekera ebyakolawa omo kihugo, Nyamuhanga mwamũsĩganĩa erimulengako, iniatoka eriminya ebyosĩ ebyabya omo mutima wuwe.

Emĩsyo 17:3

Enyungu yʼerĩerya ni busana nʼebĩtsĩpa, nʼerĩko ni busana nʼesyamagetsi; Nĩkwa Omwami Mukulu akalenga emitima.

Ĩsaya 27:9

Neryo busana nʼekĩ ebibi bya Yakobo byasyabuyirwa. Ebĩ byo byasyabya enzwere yʼerĩlũsya ebibi biwe omugulu akayira amabwe gosĩ wʼekiherero ngʼamabwe wʼembemba awatũndwĩre. Omugulu oyo, esyosanamu sya Asera nʼebiherero byʼobukwa sibyendisyaswahangana.

Danĩelĩ 11:27

Neryo abami bosĩ babiri, emitima yabo yasyasondya ebibi, kandi ababiri bosĩ basyĩkala oko mesa ibanemubihirana. Nĩkwa sibendisyatoka mwatsi, kusangwa endũlĩ yʼomwatsi yasyahĩka oko ndambĩ eyahulawa.

Danĩelĩ 11:29

Oko mugulu ahulawa asyaswasa nʼeriya elutambi lwʼeYĩkwa, nĩkwa oko mugulu oyũ siendisyatoka ngoko atoka erĩmbere.

Danĩelĩ 11:33

Kandi abandu abawite amenge basyakangĩrĩrya amenge oko bandi bangi; nĩkwa basyawa busana nʼomũyalĩ, nʼomuliro, busana nʼerĩhũngwa, kandi busana nʼerĩpũra ebindu, busana nʼebiro bingi.

Danĩelĩ 11:40

Neryo oko mugulu wʼendũlĩ omwami wʼelutambi lwʼeYĩkwa asyabandana naye, nʼomwami wʼelutambi lwʼeNdata asyamubambira ngʼakanyabungu omo syogalĩ, ba bandu abali oko syosabayĩrĩ, haguma nʼamato mangi; kandi asyingira omo bihugo bingi, nʼerilaba kubyo, nʼeritwangana mubyo.

Danĩelĩ 12:3

Nĩkwa abandu bʼamenge basyakangabasanĩa ngʼerĩhema lyʼekyanya. Kandi abakasondola abandu bangi eribana ekitunganene, basyakangabasanĩa ngʼesyongũnũnũ kera na kera.

Danĩelĩ 12:4

Nĩkwa uwe Danĩelĩ, ũbĩse ebĩnywa ebĩ, kandi ũkũmbe ekitabu erĩhĩka oko mugulu wʼendũlĩ yʼemigulu. Abandu bangi basyalaba eyĩ nʼeyĩ, nʼeriminya lyasyakanyirira.

Danĩelĩ 8:10

Kandi akahembe ako mokalasa erĩhĩka oko mulondo wʼelubula; kandi mokatogerya oko kitaka abandi bʼomulondo oyo, nʼesindi ngũnũnũ, nʼeriryatangirabyo ahisi.

Danĩelĩ 8:17

Neryo Gabrĩelĩ mwasa hakũhĩ nʼaho nabya nyimene; nʼomugulu ahĩka monubaha, monatũlama oko bũsũ bwage, nĩkwa mwambwira ati, Uwe mugala wʼomundu, Uminye ngoko erilota eryo ni ryʼoko mugulu wʼendũlĩ.

Danĩelĩ 8:19

Neryo mwabũga ati, Lebaya, ngandĩkũmĩnyĩsya ebikandisyabya oko mugulu wʼendũlĩ yʼerihitana; kusangwa ni ryʼomugulu owahamulawa wʼendũlĩ.

Danĩelĩ 9:27

Naye asyahĩra endagano eyĩsĩkĩre haguma nʼabangi busana nʼebiro birinda, nʼomo katĩkatĩ kʼebiro birinda ebyo, asyatsĩrĩsya ehongo nʼobuhere bwʼeyĩsyano; nʼoko byʼesyonye esĩ, omundu muguma asyasa oyukayira ekĩma; erĩhĩka aho erihera kũndũ lyasyahĩrwa ukwʼoyukayira ekĩma.

Habakũkĩ 2:3

Kusangwa esyonzolĩ sikine busana nʼomugulu ategekawa, nasyo sikanguha erĩhĩka oko ndũlĩ yasyo, nasyo sisyendisyabiha; nomo syangalinda, ulindesyo; kusangwa sĩkandĩsyahĩka kwenene, sisyendisyamala.

Zekarĩa 13:9

Kandi nasyalabya ekihande ekyo kyʼakasatu omo muliro, nasyatũkũryabo ngʼebĩtsĩpa bĩkatũkũrĩbawa, kandi nasyalengabo ngʼesyamagetsi ko sikalengawa. Basyalakira erĩna lyage, nage nasyasũbĩryabo; nasyabũga nyiti, Ni bandu bage; nabo basyabũga bati, Omwami Mukulu ni Nyamuhanga wetu.

Matayo 16:17

Yesu mwamũsũbĩrya ati, Uli nʼobutseme, uwe Sĩmonĩ mugala wa Yona! Kusangwa sihali mundu wakũmĩnyĩsaya omwatsi oyũ, nĩkwa nina Tata wage oyuli elubula.

Matayo 26:56

Nĩkwa ebyosĩ ebĩ byabiribya bitya erĩberererya ebyo bamĩnyererĩ basaka. Neryo abiga bosĩ mobamutswako, mobatibita.

Yoane 15:2

Obuli mutahi owamatikene nage, owateheta kwʼebĩgũma, akatwago; kandi oko buli mutahi Owakahetaya ebĩgũma, akasara kugo kwʼebĩtawene, Omutahi oyo atoke eriheta kwʼebindi bĩgũma.

Yoane 20:25

Neryo abandi biga mobamubwira bati, Twabirilola oko Mukama! Nĩkwa Toma mwabwirabo ati, Namatendilangira engolũ yʼemĩsũmalĩ omo byala biwe, nʼerĩhĩra omunwe wage gʼomo myanya yʼemĩsũmali nʼerĩhĩra ebyala byage omo lukanga luwe, sindiendĩsyĩkĩrĩrya nʼahake.

Emibiri 13:13

Nĩkwa Paũlo nʼabalĩkyabo mobalũa ePafo omo bwato mobahĩka ePerga omo kihugo kyʼePamfĩlĩa, nĩkwa Yoane Marĩko mwasĩgabo mwasuba eYerũsalema.

Eryibuka Ebihano 8:16

Oyo wabalĩsaya amana gʼomo mbwarara, ago abotata-kulu wenyũ batabya basĩ; iniatoka erĩbakehya, kandi iniatoka eribalengako, eribakola ndeke oko mũheryo wawe.

Yakobo 1:2

Balĩkyetu, omugulu mukabana erirengwako mĩsĩndo-mĩsĩndo, mubye nʼobutseme.

Eribisurirwa 14:15

Kandi ogundi mũlaĩka mwalũa omo Hekalũ, iniakabirikira oyo wĩkere oko kĩtũ, nʼomulenge munene ati, Ũhĩre omũtemĩ wawe omo kihugo, ugese, kusangwa endambĩ yʼerigesa yabĩrĩhĩka, kusangwa erigesa lyʼekihugo lyamahĩka!

Eribisurirwa 17:17

Kusangwa Nyamuhanga mwahĩra omo mitima yabo erisonda erikola erĩyĩsũnza liwe, ibakabya nʼobũlengekanĩa buguma, nʼeriha obwami bwabo oko nyama eyo, erĩhĩka aho ebĩnywa bya Nyamuhanga byasyabererera.

Eribisurirwa 2:10

Sigubahe ebĩkandĩsyakwagalya. Lebaya! Satanĩ ikasonda erigusa abandi bʼũkwʼĩnywe bʼomo mũlĩkĩ, mulengaweko, kandi mwasyagalwa ebiro ĩkũmĩ. Ubye nʼobutalegula erĩhĩka oko luholo, nage nasyakuha embĩta yʼengebe.

Eribisurirwa 7:14

Neryo monamubwira nyiti, Mukama wage, ũnasĩ. Neryo mwambwira ati, Aba ni bandu abakalũa omwʼendererya lĩnene, ĩbabĩrĩerya esyokanzu syabo nʼeriyirasyo mo nyeru-nyeru omo musasi wʼEkyana kyʼEmbũlĩ.