Danĩelĩ 11:33 - AMASAKO ABOYTRTRE WA NYAMUHANGA AWAKAHULAWA MO BIBLIA

³³ Kandi abandu abawite amenge basyakangĩrĩrya amenge oko bandi bangi; nĩkwa basyawa busana nʼomũyalĩ, nʼomuliro, busana nʼerĩhũngwa, kandi busana nʼerĩpũra ebindu, busana nʼebiro bingi.

Danĩelĩ 11:33 Iomraidhean Croise

Danĩelĩ 12:10

Abandu bangi basyerĩbwa, nʼeriyirwa mo babuya nʼeritukurwa; nĩkwa ababi basyakola nabi, isihali mundu mubi oyo wasyaminya, nĩkwa abʼamenge basyaminya.

Malakĩ 2:7

Kusangwa emĩnywa yʼomũhererĩ yangabika amenge, kandi abandu bangasonda-sonda erĩkangĩrĩrya omo buno buwe; kusangwa ni mukwenda wʼOmwami Mukulu Wʼemilondo.

Matayo 10:21

Omundu asyahotera mugala wabo erĩĩtwa, nʼabotata basyahotera abana babo batya; nʼabana basyalwa nʼababũtĩ babo nʼerĩĩtĩsyabo.

Matayo 13:11

Neryo Yesu mwasũbĩryabo ati, Ĩnywe mwabirihabwa eriminya erĩkũmbo lyʼobwami bwʼelubula, nĩkwa abandi sibetahabwa eriminyalyo.

Matayo 20:23

Neryo Yesu mwabwirabo ati, Mwasyapũlya oko lũtehĩ lwage, nĩkwa erĩĩkala oko byala byage byʼamali, nʼoko malembe, si ryage eribahalyo, nĩkwa ni ryʼabo Tata wage abĩrĩkokoteryalyo.

Matayo 24:9

Neryo basyabahotera, nʼerĩbahĩra omo malĩge, kandi basyabĩta. Ebihanda byosĩ byasyabakwa obusu busana nʼerĩna lyage.

Matayo 28:20

Mũkangĩrĩrayebo bakole ebyosĩ ebyo nabiribahana. Kandi mwibuke! Ingye ko ndi haguma nenyũ ebiro byosĩ erĩhĩka okwʼihwererera lyʼemigulu.

Yoane 16:2

Basyabahiga-hĩganĩa omo manyũmba wabo wʼerĩhĩndanamo. Kandi omugulu asyasa, neryo oyukabĩta asyaganĩrya ngʼakakola omũbĩrĩ wa Nyamuhanga.

Emibiri 11:26

Neryo abere amubana eyo mwamuleta eAntĩokĩa. Neryo omo mwaka muguma mobahĩndana nʼabandu bʼekanĩsa, mobakangĩrĩrya abandu bangi. Nĩkwa eAntĩokĩa yo abiga batsũkĩra eriahulwa mo Bakristo.

Emibiri 14:21

Neryo Paũlo na Barnaba mobatũla Engulu Yowene eDerbe, kandi mobayira abiga bangi. Neryo mobasuba eLĩstra, nʼeĨkonĩo, nʼeAntĩokĩa yʼePĩsĩdĩa.

1 AbanyaKorinto 4:9

Kusangwa ngaganĩraya nyiti, Nyamuhanga abĩrĩtũhĩra ĩtwe bakwenda, omo mwanya wʼendũlĩ, ngʼabandu ababiritswerwa okwʼihola, kusangwa twabiribya ekyʼerisamalirwa busana nʼekihugo kyosĩ, oko bamalaĩka, nʼoko bandu.

2 Timoteo 1:12

Busana nʼomwatsi oyũ, ngagalawa omo myatsi eyo. Nĩkwa sĩnyĩkwĩre esĩsonĩ, kusangwa nyĩnasĩ oyo nabĩrĩkĩrĩrya, kandi nyĩnasĩ ndeke kwʼakatoka erĩteya ebyo abĩrĩhĩra omo byala byage erĩhĩka oko kiro ekyo.

2 Timoteo 4:6

Nĩkwa ĩngye, lino nyĩkĩsĩya ĩnakwa busana nʼEngulu Yowene, nʼendambĩ yage yʼerigenda yabĩrĩhĩka.

AbaEbrania 11:34

Kandi mobalĩmya omuliro owakalĩre, mobabala omũyalĩ. Ababya bolo mobabana amaka, mobabya esyombangĩ omo malwa, nʼerihiga emilondo yʼehandi.

Eribisurirwa 1:9

Ĩngye indi Yoane, omũlĩkyenyũ, kandi indi mũsangĩrĩ wenyũ omo malĩge, nʼomo bwami, nʼerĩyĩyĩnĩa, ebikawatana na Yesu, nabya omo kitsira ekikahulawa mo Patemo. Nabyaho kusangwa nakangaya ekĩnywa kya Nyamuhanga, ĩnĩngatũla omwatsi wa Yesu.

Eribisurirwa 17:6

Kandi monalangira omũkalĩ oyo, ĩnĩakũndĩre omo musasi wʼabandu ba Nyamuhanga, nʼomo musasi wʼabandu batũla omwatsi wa Yesu. Neryo omugulu namulangira monasweka kutsibu.

Eribisurirwa 2:13

Nyĩnasĩ aho wĩkere aho Satanĩ awite ekĩtũmbĩ kiwe kyʼobwami. Nyĩnasĩ ko gũkasĩma erĩna lyage, kandi sulitaleka erĩnyĩkĩrĩrya omo biro bya Antĩpa omũtũlĩ wʼomwatsi wage, omundu wage oyuteregula, oyo wĩtĩrawa omo katĩkatĩ kenyũ aho Satanĩ ĩkere.

Eribisurirwa 6:9

Neryo Ekyana kyʼEmbũlĩ mokyatũa ekĩbohĩ kyʼakatanu. Neryo monalangira eyĩkwa oko kiherero ebĩrĩmũ byʼabandu abĩtawa busana nʼekĩnywa kya Nyamuhanga, kandi kusangwa batũla omwatsi wa Nyamuhanga.

Eribisurirwa 7:14

Neryo monamubwira nyiti, Mukama wage, ũnasĩ. Neryo mwambwira ati, Aba ni bandu abakalũa omwʼendererya lĩnene, ĩbabĩrĩerya esyokanzu syabo nʼeriyirasyo mo nyeru-nyeru omo musasi wʼEkyana kyʼEmbũlĩ.