Danĩelĩ 11:32 - AMASAKO ABOYTRTRE WA NYAMUHANGA AWAKAHULAWA MO BIBLIA

³² Neryo omo kĩsehya asyabindula abandu abakakola nabi erĩsĩga endagano ati sibekenga Nyamuhanga. Nĩkwa abandu abasĩ Nyamuhanga wabo basyabya nʼamaka nʼerikola ebĩkalĩre.

Danĩelĩ 11:32 Iomraidhean Croise

1 Emyatsi yʼEmigulu 28:9

Nawe Solomono, mugala wage, Uminye Nyamuhanga wa tata wawe, umukolere nʼomutima owahĩkene nʼomo bũlengekanĩa obukanza; kusangwa Omwami Mukulu akasondaya emitima yosĩ nʼeriminya amaganĩryo gosĩ wʼobũlengekanĩa. Wamamusonda-sonda, asyabanika ukʼuwe; nĩkwa wamamũsĩga, asyakugana kera na kera.

Nehemĩa 4:14

Neryo monasamalira, monahangana, monabwira bakulu, nʼabatabalĩ, nʼabandu abasĩgala nyiti, Simubahebo; mwibuke Omukama, oyuli mukulu nʼowʼerĩũbahya, mulwire abagala benyũ, nʼabana benyũ, nʼabali benyũ, nʼabakalĩ benyũ, nʼebĩtũnga byenyũ.

Esyonyimbo 9:10

Abandu abakwasĩ basyayiketera we, Kusangwa uwe Mwami Mukulu sũlĩsĩganaya abakakusonda.

Emĩsyo 19:5

Omũlangĩrĩ wʼamabehĩ siendisyabula erisuyirwa; Nʼoyũkabũga amabehĩ Siendisyabala.

Emĩsyo 26:28

Olulimi lwʼamabehĩ lũkakwa obusu abo lwahĩnola; Kandi obuno obwʼerĩsehya bukakola erihera.

Yeremĩa 31:34

Nabo sĩbendĩsyaswakangĩrĩrya obuli mundu mũlĩkyabo, kutse obuli mundu mugala wabo, bati, Muminye Omwami Mukulu; kusangwa abosĩ basyanyiminya, erĩtsũka oko muke wabo erĩhĩka oko mukulu wa kubo, Omwami Mukulu atya; kusangwa nasyabuyira amalolo wabo, nʼebibi byabo sindiendisyaswibukabyo.

Danĩelĩ 11:21

Neryo omo mwanya wuwe omundu mutya-mutya asyahangana oyutetahabwa erĩsĩkya lyʼobwami, nĩkwa asyasa omo mugulu wʼobuholo iniahamba obwami omo menge nʼeriteba.

Danĩelĩ 11:34

Neryo omugulu bakawa basyawatĩkĩbwa hake, kandi abandu bangi basyayitomeka kubo omwʼiteba.

Zekarĩa 10:12

Nage nasyahabo amaka omo Mwami Mukulu; nʼOmwami Mukulu ati, Basyalendera omo lĩna liwe.

Malakĩ 4:2

Nĩkwa ĩnywe mukubaha erĩna lyage, eryuba lyʼeritunganene lyasyabahulukako nʼomulamo omo bĩpũpa byalyo; nenyũ mwasyahuluka mukayitsangura ngʼebyana byʼesyonde omo kibungo.

Yoane 17:3

Neryo eyĩ ni ngebe yʼerikota, abandu bakuminye, uwe Nyamuhanga muguma wʼekwenene, nʼeriminya Yesu Kristo, oyo watuma.

1 Yoane 5:20

Nĩkwa tũnasĩ kʼomugala wa Nyamuhanga abĩrĩhĩka, nʼerituha eriminya, itwatoka eriminya Nyamuhanga owʼekwenene. Kandi tumatikene na Nyamuhanga owʼekwenene, kandi tumatikene nʼomugala wuwe Yesu Kristo. Oyũ ni Nyamuhanga wʼekwenene, kandi iye ni ngebe yʼerikota.

Eribisurirwa 6:11

Neryo obuli mundu wa kubo mwahabwa ekanzu nyeru-nyeru kandi mobabwirwa baluhuke akandi katambĩ, eriganza lyʼabagombe balĩkyabo, nʼabagala babo abakandĩsyĩtwa ngabo, lyasyabya lyahĩkana.